Morgunblaðið - Sunnudagur - 09.02.2014, Qupperneq 37

9.2. 2014 MORGUNBLAÐIÐ SUNNUDAGUR 37
starfsteymi eru alltaf tveir sem fá
lélega einkunn, óháð frammistöðu.
Það þarf einfaldlega einhver að
vera undir meðallagi kúrfunnar.
Þessi aðferðafræði hefur bitnað á
samstarfi starfsmanna sem reyna
að tryggja eigin stöðu innan
hópsins öðru fremur. Þá hefur
lengi ríkt talsverð tortryggni á
milli deilda fyrirtækisins sem
bitnað hefur á vöruþróun.
Þriðja endurkoma Gates
Samhliða því sem Satya Nadella
tekur við daglegum rekstri Micro-
soft eru miklar væntingar bundn-
ar við aukna þátttöku Bill Gates í
rekstri fyrirtækisins. Hann hefur
undanfarin ár verið í hlutverki
stjórnarformanns, en mun nú
starfa við hliða Nadella sem
tæknilegur ráðgjafi. Það er talið
næsta víst að hann muni hafa
meira að segja um vöruþróun og
framtíðaráætlanir fyrirtækisins á
því sviði en áður. Að sögn Gates
er það fyrst og fremst fyrir til-
stuðlan Nadella sem hann hefur
ákveðið að taka meiri þátt í
rekstri fyrirtækisins. Það hafi
verið Nadella sem bað hann um
að taka að sér hlutverk tæknilegs
ráðgjafa, en hann mun fyrst og
fremst einbeita sér að þróun
nýrrar tækni og hugbún-
aðarlausna. Með skipun Nadella í
starf forstjóra er stjórn Microsoft
að senda ákveðin skilaboð til hlut-
hafa og viðskiptavina. Hann hefur
unnið hjá fyrirtækinu síðan 1992,
og þekkir þar vel til. Það er
því ólíklegt að hann muni
umbylta starfsemi fyrirtæk-
isins á einni nóttu, líkt og
Marissa Meyer hefur reynt
að gera hjá Yahoo. Það er
ljóst að hann muni leggja
meiri áherslu á vöruþróun
en sölustarf og reyna að
þétta raðirnar innan fyr-
irtækisins með því að auka
samvinnu. Skilaboð stjórn-
arinnar eru því fyrst og
fremst að framkvæmda-
stjórn fyrirtækisins verði að
nýta betur þau tækifæri sem
felast í breytingum í tengslum
við snjalltækjavæðingu og ský-
þjónustu til að keppa við Apple
og Google þegar fram í sækir.
Microsoft hefur fengið nýjan forstjóra sem er meiri tæknimaður en rekstrarmaður.
AFP
Hampað í
indverskum miðlum
„India Makes a Power Point,“ hljómaði fyrirsögn í dagblaðinu
Times of India þegar tilkynnt hafði verið að Nadella myndi
taka við starfi forstjóra Microsoft. Orðaleikurinn í fyrirsögn-
inni snýr nafni á einni af mest notuðu vörum
Microsoft upp í upphrópun um velgengni ind-
verskra stjórnenda, en Nadella er einn úr sí-
stækkandi hópi forstjóra stórfyrirtækja sem
fæddir eru í Indlandi.
Má þar nefna Indra Nooyi hjá PepsiCo, Ajay
Banga hjá Mastercard, og Anshu Jain hjá
Deutsche Bank.Velgengni indverskra stjórn-
enda hefur verið umfjöllunarefni í
þarlendum fjölmiðlum undanfarið.
Þar hefur verið fjallað um ráðningu
Nadella sem fjöður í hatt landsins,
sem hefur verið áberandi í tækni-
geiranum öðru fremur, í krafti vel
menntaðs starfsfólks úr fjöl-
mennri millistétt, góðrar ensku
kunnáttu og hagstæðs launa-
umhverfis.
En fjölmiðlar hafa einnig spurt
hvort sá mikli fjöldi námsmanna
og menntaðs starfsfólks leiti tæki-
færa erlendis og árangur þeirra þar
endurspegli ekki öðru fremur ind-
verska fyrirtækjamenningu, þar sem
fjölskyldutengsl skipta oft meira máli
fyrir aðgang að námi og framgang í
stafi heldur en hæfileikar.
Vetrarólympíuleikarnir í Sotsjí
hafa verið settir og snjallsíma- og
tölvuvæddir jarðarbúar geta að
sjálfsögðu nálgast ýmis smáforrit
sem gera leikana skemmtilegri
áhorfs og auðvelda öllum að fylgj-
ast með þeim.
Fyrir það fyrsta má nefna smá-
forritið Tripomatic sem hægt er
að nálgast fyrir iPhone. Forritið
er notað til að fá upplýsingar um
alla viðburði Ólympíuleikanna og
nákvæma staðsetningu þeirra.
Annað smáforrit, sem kallast
einfaldlega Sochi 2014, gefur ná-
kvæmar upplýsingar um eftirlæt-
isíþróttamennina og hvernig þeim
gengur í keppninni, gefur upp nýj-
ustu met þeirra og tölur sem og
hvort þeir vinna til verðlaunasæta
að lokum. Smáforritið er hægt að
fá ókeypis í gegnum iTunes, Go-
ogle Play og Windows Phone
App Store.
Alþjóðaólympíunefndin hefur
þá búið til smáforritið Olympic
Athlete’s Hub sem heldur utan
um allar færslur ólympíufara á
netinu. Á það jafnt við um
færslur á Facebook, Twitter og
Instagram.
Bæði er hægt að fletta færslum
upp eftir nöfnum einstakra
íþróttamanna, liðum, löndum og
íþróttagreinum. Skemmtileg leið
til að fylgjast með daglegu lífi
íþróttamannanna í Sotsjí, æf-
ingaplönum, máltíðum og keppn-
unum að sjálfsögðu.
Smáforrit fyrir Sotsjí
Fjölmörg smáforrit hafa verið búin til í kringum Vetrarólympíuleikana í Sotsjí.
AFP
Smáralind | Sími 512 1330
Opið Sunnudaga 13-18
iPadmini
Nettur ogflottur
Verð frá:54.990.-
SmartCover
Fyrir iPad, flottir litir
Verð frá:7.990.-
iPadAir
Kraftmikill og léttur
Verð frá:89.990.-
iPad
hvarsemer,
hvenærsemer
iPad leiðarvísir
Allt um iPad í einni bók
Verð:4.490.-