Morgunblaðið - 22.03.2014, Blaðsíða 12

Kevlar-vesti Úrskurðarnefnd
útboðsmála vísaði kærunni frá.
Viðar Guðjónsson
vidar@mbl.is
Úrskurðarnefnd útboðsmála vísaði
frá kæru frá Hiss ehf. sem meinað
var að taka þátt í útboði Ríkiskaupa
fyrir hönd embættis ríkislögreglu-
stjóra vegna skotheldra vesta fyrir
lögreglumenn en tuttugu daga
kærufrestur vegna málsins var lið-
inn. Því var ekki tekin efnisleg af-
staða til málsins.
Hjá Hiss ehf. starfar lögreglu-
maður sem jafnframt er fram-
kvæmdastjóri fyrirtækisins. Í ljósi
þessarar tengsla ákvað ríkislög-
reglustjóri að meina Hiss þátttöku í
útboðinu vegna reglna um opinber
innkaup.
Hagsmunatengsl
Málið á rætur sínar að rekja til
ársins 2011 þegar Ríkisendur-
skoðun gerði athugasemd við það
að ríkislögreglan keypti búnað af
Hiss ehf. en framkvæmdastjóri fyr-
irtækisins starfar hjá lögreglunni.
Taldi Ríkisendurskoðun að slíkt
væri í trássi við reglur um opinber
innkaup. Þá var því beint til innan-
ríkisráðuneytisins að skera úr um
hvort það samrýmdist störfum lög-
reglumanna að eiga og/eða starfa
hjá fyrirtækjum sem lögæslustofn-
anir ættu í viðskiptum við.
Í ljósi reglna um opinber innkaup
og meginreglur laga um skyldur
opinberra starfsmanna ákvað ríkis-
lögreglustjóri að setja ákvæði í út-
boðslýsingu í desember 2013 sem
útilokaði að hægt væri að taka til-
boði Hiss ehf. í ljósi fyrrgreindra
hagsmunatengsla.
Fyrirtækið kærði þetta ákvæði til
kærunefndar útboðsmála og vísaði
til þess að það mismunaði á grund-
velli þjóðfélagsstöðu. Benti fyrir-
tækið á, að lögreglumönnum sé
leyfilegt að stunda annan rekstur
með leyfi yfirmanns auk þess sem
það taldi lagastoð skorta.
Á móti voru rök ríkislögreglu-
stjóra meðal annars þau að hið um-
deilda ákvæði í útboðsskilmálunum
tryggði að athugasemdir Ríkisend-
urskoðunar næðu fram að ganga.
Kærunefndin vísaði hins vegar
kærunni frá án þess að taka efnis-
lega afstöðu þar sem kæran barst
eftir að kærufrestur var liðinn.
Kæru vísað frá því
frestur var liðinn
 Úrskurðarnefnd tók ekki afstöðu
12 FRÉTTIRInnlent
MORGUNBLAÐIÐ LAUGARDAGUR 22. MARS 2014
FRÉTTASKÝRING
Ágúst Ingi Jónsson
aij@mbl.is
Núningur er enn milli þjóðanna í NA-
Atlantshafi vegna stjórnunar upp-
sjávarveiða. Norðmenn vilja sem
fyrst samning um kolmunnaveiðar og
aðgang að lögsögu Evrópusambands-
ins og Færeyja. Ef ekki, má lesa á
milli línanna að óvíst sé að skip ann-
arra strandríkja fái heimild til að
veiða norsk-íslenska síld í norskri lög-
sögu. Hvað viðkemur makrílnum
ráða Íslendingar ráðum sínum þessa
dagana eftir þriggja ríkja samning í
síðustu viku, en Grænlendingar eru
reiðir Færeyingum fyrir að hafa skil-
ið Íslendinga og Grænlendinga eftir.
Á fundi Íslands og Grænlands í
Reykjavík í næstu viku verða makríl-
veiðar eflaust meðal umræðuefna.
Á heimasíðu norska sjávarútvegs-
ráðuneytisins er hvatt til þess að
strandríki setjist á ný að samninga-
borði um kolmunna og síld. Þar segir
að þrátt fyrir marga fundi hafi ekki
fengist niðurstaða. Noregur hafi ver-
ið tilbúinn til slíkra samninga síðan í
fyrrahaust. Evrópusambandið hafi
hins vegar frestað þessum viðræðum
og ekki viljað ljúka þeim fyrr en mak-
rílsamningur væri í höfn.
Langt komnir með kvótann
Í samningum um kolmunna felist
aðgangur að veiðum norskra skipa í
lögsögu ESB og Færeyja en með
síldarsamningi fái hin strandríkin að-
gang að veiðum í norskri lögsögu.
Kolmunnaveiðar fari að mestu fram
fyrri hluta ársins og norsku skipin
hafi nú þegar veitt rúman helming
kvóta síns. Því sé brýnt að samningur
um veiðar 2014 liggi fyrir áður en kol-
munnavertíðinni ljúki.
Norðmenn leggja til að gengið
verði frá að minnsta kosti „lágmarks-
samningi“ um kolmunna með bréfa-
skiptum næstu daga. Nái ríkin ekki
samkomulagi um kolmunna mjög
fljótlega þurfi að meta aðgang ann-
arra þjóða til síldveiða í norskri lög-
sögu upp á nýtt.
Vilja aukið veiðiálag
Í viðræðum um kolmunna hafa
Norðmenn farið fram á meira veiði-
álag heldur en hin strandríkin og
kann það að hluta að skýra þrýsting
þeirra á að ganga sem fyrst frá samn-
ingi. Ísland og ESB hafa viljað
óbreytt álag, Færeyingar vilja auka
veiðiálagið nokkuð og Norðmenn vilja
veiða af mestum krafti. Allar halda
þjóðirnar sig innan varúðarmarka
ICES, sem þó eru skiptar skoðanir
um.
Stofn kolmunna hefur farið stækk-
andi síðustu ár og miðað við gildandi
aflareglu verður heildaraflamark árs-
ins um 950 þúsund tonn. Samkvæmt
samningi strandríkja er hlutur Ís-
lands 17,6% og koma að óbreyttu um
154 þúsund tonn í hlut Íslands eftir að
tillit hefur verið tekið til veiða Rúss-
lands og Grænlands. Miðað við mesta
veiðiálag yrði heildarkvótinn tæplega
1,5 milljón tonn.
Færeyingar óráðnir
Kristján Freyr Helgason, sérfræð-
ingur í sjávarútvegsráðuneytinu, leið-
ir viðræður strandríkja um síldveiðar
á þessu ári. Hann segir að ESB og
Færeyjar hafi ekki svarað fyr-
irspurnum hans síðustu vikur um það
hvort ekki sé tímabært að taka upp
viðræður eða ganga frá með bréfa-
skiptum samningi á milli ríkjanna um
veiðar á norsk-íslenskri síld. Á þessu
stigi liggi ekkert fyrir um hvenær og
hvernig staðið verði að gerð samn-
ings um síld og kolmunna.
Á síðasta ári voru Færeyingar ekki
aðilar að síldarsamningi. Þeir voru
með 5,16% hlutdeild í heildaraflanum
samkvæmt samningi frá 2007, en
tóku sér einhliða 17% hlutdeild í fyrra
og veiddu rúmlega 100 þúsund tonn
af norsk-íslenskri síld.
Á vef færeyska útvarpsins er haft
eftir Jacob Vestergaard,
sjávarútvegsráðherra í Færeyjum, að
hann reikni með að viðræður um síld
og kolmunna byrji aftur í næstu viku.
ESB setti viðskiptaþvinganir á út-
flutning á síld og makríl frá Fær-
eyjum í fyrrasumar vegna síldveiða.
Þeim aðgerðum hefur ekki verið af-
létt, en haft er eftir Vestergaard, að
ekki liggi fyrir að Færeyingar skrifi
undir síldarsamning í ár.
Íslendingar og Grænlendingar
ræða um fiskveiðar og samstarf og
samskipti þjóðanna á fundi í næstu
viku. Þar er næsta víst að þriggja
ríkja makrílsamningur og makrílveið-
ar ársins verði til umræðu.
Grænlendingar reiðir
Reiði í garð Færeyinga kemur
fram í skrifum formanns Atassut-
flokksins, Gerhardt Petersen, í græn-
lenska blaðið Sermitsiaq vegna
þriggja ríkja samningsins um makríl.
Hann geti falið í sér mikla erfiðleika
fyrir Grænlendinga sem séu að
byggja upp makrílveiðar.
Minnt er á að Grænlendingar hafi
stutt Færeyinga í síldveiðideilunni
við Evrópusambandið. Nú sýni Fær-
eyingar sitt rétta andlit, hugsi aðeins
um eigin hag og hafi svikið Grænland
og Ísland. Færeyingar hafi ekki hag-
að sér í samræmi við samþykktir
Vest-norræna ráðsins og skorað er á
grænlensku landsstjórnina að taka
málið upp. Spurning sé hversu trú-
verðugir Færeyingar séu.
Núningur milli strandríkja
 Norðmenn vilja samning um kolmunna hið fyrsta  Annars sé óvíst með aðgang annarra að veiðum
á norsk-íslenskri síld í norskri lögsögu  Grænlendingar segja Færeyinga aðeins hugsa um eigin hag
Morgunblaðið/Árni Sæberg
Á veiðum Jón Kjartansson SU er nú á kolmunnaveiðum vestur af Írlandi.
Hvatningarverðlaun Vísinda- og tækniráðs eru árlega veitt vísindamanni
sem snemma á ferlinum þykir hafa skarað fram úr og skapað væntingar
um framlag í vísindastarfi er styrki stoðir mannlífs á Íslandi.
Óskað er eftir tilnefningum til Hvatningarverðlauna
Vísinda- og tækniráðs 2014. Verðlaunin eru tvær milljónir króna.
Tilnefningar geta komið frá öllum sviðum vísinda, tækni og fræða.
Tilnefna má vísindafólk sem starfar á Íslandi við háskóla, rannsókna-
stofnanir, fyrirtæki eða er sjálfstætt starfandi. Öllum, sem eru í aðstöðu
til að meta störf einstakra vísindamanna, er heimilt að senda tilnefningar.
Ferilskrá vísindamannsins skal fylgja tilnefningu. Hvatningarverðlaunin
verða afhent á Rannsóknaþingi Rannís.
Við val á verðlaunahafa er tekið tillit til námsferils viðkomandi
vísindamanns, sjálfstæðis, frumleika og árangurs í vísindastörfum að
loknu námi; ritsmíða, einkaleyfa og alþjóðasamstarfs, svo og annarra
vísbendinga um líklegan árangur af störfum viðkomandi. Sérstaklega er
litið til brautryðjendastarfs í vísindum. Þá er litið til faglegs framlags
á vinnustað og miðlun þekkingar til íslensks samfélags.
Fimm handhafar verðlaunanna skipa dómnefnd.
Frestur til að skila inn tilnefningum er til og með 15. apríl 2014.
Tilnefningum ásamt ítarlegum upplýsingum um feril tilnefndra
skal skilað með tölvupósti til Rannís á netfangið rannis@rannis.is
Nánar á www.rannis.is
Hvatningarverðlaun
Vísinda- og tækniráðs
Tilnefningar óskast!
Íslensku skipunum fjölgar þessa
daga á kolmunnamiðum á alþjóð-
legu hafsvæði vestur af Írlandi.
Þar eru einnig skip frá Færeyjum,
Rússlandi og Noregi. Í gær voru
Jón Kjartansson SU 111 og Ingunn
AK 150 á miðunum og fleiri voru á
leiðinni. Í vetur hafa Jón Kjart-
ansson og Hoffell SU 80 landað
hátt í fjögur þúsund tonnum af
kolmunna hvort skip.
Í reglugerð um leyfilegan heild-
arafla íslenskra skipa í ár er miðað
við gildandi samning og minnsta
veiðiálag samkvæmt ráðgjöf Al-
þjóðahafrannsóknaráðsins. Fram
kemur á vef Síldarvinnslunnar að
Börkur og Beitir séu á leið á miðin
við Írland, en sigling þangað tekur
um tvo og hálfan sólarhring. Út-
gefinn kvóti Síldarvinnslunnar er
um 40 þúsund tonn og líkur eru á
að hann verði aukinn, segir á vef
SVN.
Fjölgar á kolmunna
MIÐIN Á ALÞJÓÐLEGU HAFSVÆÐI VESTUR AF ÍRLANDI