Læknablaðið - 15.05.2000, Side 44

UMRÆÐA & FRÉTTIR / NAFNGIFTIR / LÆKNANEMAR
Norrænir læknanemar
funda í Reykjavík
Stjórnunarfræðsla, rannsóknir og reglur
um lífsiðfræði voru helstu dagskrárefni fundarins
rétt að skrifa academiae, sem væri þá bein
þýðing á eignarfalli orðsins háskóli, eins og
í „háskólasjúkrahús". Auðvitað mætti líka
tala um valetudinarium academiae eða
nosocomium academiae, en ef menn vilja
endilega nota infirmarium, er rétt að segja
inftrmaríum academiae. Ef nota ætti „aca-
demicum“, yrði íslenska þýðingin á því orði
væntanlega háskólalegur og ekki er talað
um háskólalega sjúkrahúsið á íslensku. Lat-
ínukennari sem ég hafði samband við taldi
að infirmarium academicum gæti svo sem
gengið málfræðilega (samanber civis aca-
demicus = háskólaborgari), en að öll orð-
myndin infirmarium academicum væri
„vesaldarleg“ (sbr. infirmus) og skorti reisn.
Er ekki besta og beinskeyttasta þýðingin á
Infirmarium academicum „Háskólahælið“?
Á öllum þessum vandræðagangi er að-
eins til ein góð og skjótvirk lausn: Taka burt
orðin Infirmaríum academicum sem allra
fyrst úr merki spítalans (lógóinu) og annars
staðar þar sem þau kunna að hafa verið sett
og gleyma þeim! Sjúkrahúsið á að heita
Landspítali - háskólasjúkrahús og á ensku
er heitið Landspítali - University Hospital.
Annað ekki. Það hlýtur að vera krafa
læknastéttarinnar og háskólamanna innan
spítalans að nafngiftarmálum aðalsjúkra-
húss landsmanna sé háttað eins og gert er
annars staðar í heiminum.
ÍSLENSKIR LÆKNANEMAR TAKA ÞÁTT í al-
þjóðasamstarfi og um síðustu mánaðamót
héldu þeir ársfund alþjóðanefnda norrænu
læknanemasamtakanna hér í Reykjavík.
Fundinn sóttu 57 gestir og 20 íslenskir
læknanemar og fjölluðu í þrjá daga um
stjórnunarmál, læknisfræðilegar rannsóknir
og lífsiðfræði svo fátt eitt sé nefnt af því sem
bar á góma á fundinum.
Brynja Ragnarsdóttir gegndi for-
mennsku í FINO - en svo er nafn norrænu
alþjóðanefndanna skammstafað - starfsár-
ið 1999-2000. Hún sagði í samtali við
Læknablaðið að alþjóðanefndir læknanema
störfuðu á öllum Norðurlöndum og skipaði
hver læknaskóli sína nefnd. í hinum lönd-
unum eru á bilinu 50-200 manns í þessum
nefndum en skiljanlega öllu færri hér á
landi.
Starfi nefndanna er skipt í vinnuhópa
sem fjalla um ýmsa málaflokka. Hér á landi
fjalla vinnuhópar um stúdenta- og rann-
sóknaskipti og um forvarnastarf gegn kyn-
sjúkdómum, alnæmi og ótímabærum þung-
unum. í öðrum löndum er einnig fjallað um
menntun lækna á Norðurlöndum, lýðheilsu
og málefni flóttamanna svo dæmi séu
nefnd.
Það er eitt af markmiðum alþjóðasam-
taka læknanema að efla stjórnunarþekk-
ingu læknanema og að þessu sinni var aðal-
efni fundarins stjórnunarnámskeið. Þar var
fjallað um það sem á ensku er nefnt „per-
sonal management" og felst eiginlega í því
að skipuleggja eigið líf og starf. Auk þess
fengu þátttakendur innsýn í fjáröflun og
fundarstjórn.
Á morgni sunnudagsins 2. apríl hlýddu
fundarmenn svo á fyrirlestra um þemað
læknisfræðilegar rannsóknir og lífsiðfræði.
Fyrirlesarar voru Kári Stefánsson sem sagði
frá gagnagrunninum og Örn Bjarnason sem
fjallaði um reglur um rafrænar heilbrigðis-
upplýsingar.
Heiðursgestur fundarins var Jóhann
Ágúst Sigurðsson forseti læknadeildar Há-
skóla íslands. Fundinn sóttu einnig tveir
stjórnarmenn úr alþjóðasamtökum lækna-
nema og gestur frá Eistlandi en fyrirhugað
er að útvíkka norræna samstarfið og veita
læknanemum úr Eystrasaltslöndunum að-
ild að því.
Brynja lét vel af fundinum og sagði hann
hafa gengið afskaplega vel. Hún sagði að
íslenskir læknanemar gætu sótt mikinn drif-
kraft og nýtt sér reynslu Norðurlandaþjóð-
anna af alþjóðastarfi. Það væri líka tilgang-
ur þessa samstarfs að styrkja samheldni
norrænna læknanema og gera þá að sterkari
heild á fundum alþjóðasamtakanna.
-ÞH
Norrœnir lœknanemar búa sig undir að hlýða á
erindi þeirra Kára Stefánssonar og Arnar
Bjarnasonar sem eru fremst til hœgri á
myndinni.
364 Læknablaðið 2000/86