Læknablaðið - 15.11.2004, Síða 48

UMRÆÐA & FRÉTTIR / AF SJÓNARHÓLI STJÓRNAR LÍ / AÐALFUNDUR Ll
Kjaramál lækna
Bjarni Þór
Eyvindsson
Höfundur er formaöur Félags
ungra lækna og fulltrúi þess í
stjórn LÍ.
í pistlunum Af sjónarhóli
stjórnar birta stjórnarmenn
LÍ sínar eigin skoðanir
en ekki félagsins.
Undanfarnar vikur hefur þjóðfélagsumræðan snúist
um verkfall kennara og áhrif þess. Líkt og oft áður er
það saklaust fólk sem geldur mest fyrir svona verk-
föll. í þessu tilfelli eru það einstaklingar sem varla
hafa málsvara vegna ungs aldurs. Aðalumkvörtunin
kemur frá foreldrunum að geta ekki sinnt vinnu sinni
að fullu.
Það sem hefur hins vegar vakið áhuga minn eru
kröfugerðir kennara. Hefur sú umræða snúist nokk-
uð um hvað sé réttlátt að hafa í laun eftir þriggja ára
háskólanám. Hefur einnig komið þar fram sú mikla
ábyrgð sem kennarar bera við kennslu barnanna okk-
ar. Taka má undir með kennurum að þeir beri ábyrgð
á framtíð þessa lands því menntun mun ráða miklu
um hvar ísland mun standa í samkeppni við aðrar
þjóðir í hátæknisamfélagi.
Kennarar hafa talið það réttlátt að nýútskrifaður
kennari sem lokið hefur þriggja ára háskólanámi sé
með 250.000 kr. í grunnlaun. Pessari kröfu fylgir einn-
ig krafa um breytingu á kennsluskyldu og öðru sem
ekki er ætlunin að fara út í frekar hér.
Hins vegar er gaman við þetta tækifæri að bera
saman kröfu kennara og stöðu kjaramála unglækna
í dag. Til að hefja störf sem læknir þarf einstaklingur
að ljúka sex ára háskólanámi. Til að fá full réttindi
þarf svo að vinna í eitt ár til að uppfylla skyldur um
lækningaleyfi. Unglæknir hefur þá sinnt námi í um 20
ár frá því að hann byrjaði í barnaskóla.
Nýútskrifaður kandídat frá Háskóla íslands byrjar
núna með 204.000 í grunnlaun eftir sex ára háskóla-
nám. Eftir að hafa lokið ársvinnu og með veitingu
lækningaleyfis fara grunnlaunin upp í 234.000.
Auðvitað er erfitt að bera saman mismunandi
starfsstéttir og álag og ábyrgð sem þeim fylgja. Störf
kennara og lækna eru ólík. Hins vegar eru þetta hvoru
tveggja störf sem krefjast háskólamenntunar og í báð-
um störfum felst mikil ábyrgð ogjafnvel álag.
Ekki veit ég hvernig launanefnd kennara hefur
komist að þeirri niðurstöðu að lágmarksgrunnlaun
skuli vera um 250.000. Hlýtur þar að baki að liggja
lengd á háskólanámi, álagi í starfi, ábyrgð á framtíð
okkar litla lands og ýmislegt fleira.
Ef við setjum upp einfalt reikningsdæmi þar sem
við samþykkjum að álag og ábyrgð sé svipuð þeg-
ar kemur að kennurum og læknum þá myndi helsti
munurinn vera lengd á háskólanámi. Ef miðað er við
að meðalgrunnlaun verkamann séu um 100.000 þá
eru kennarar að fara fram á um 50.000 kr. hækkun á
grunnlaunum fyrir hvert ár í háskólanámi. Par á bak
við fylgir auðvitað einnig stúdentspróf.
Ef þessari reikningsformúlu yrði beitt fyrir lækna
væri launakrafa unglækna við næstu kjarasamninga
eftirfarandi.
Grunnlaun verkamann: 100.000
Hækkun vegna háskólanáms: 6 x 50.000
Samtals 400.000
Sem formaður Félags ungra lækna getur undir-
ritaður verið hjartanlega sammála launanefnd Kenn-
arasambandsins í launaútreikingum sínum. Það hefur
lengi verið ljóst að grunnlaun kennara og lækna eru
of lág. Krafa okkar í næstu kjaraviðræðum hlýtur því
að byggja á sama grunni og kröfur kennara í dag.
Þörfin fyrir vel menntaða kennara og lækna hefur
aldrei verið meiri enda þjóðfélagið á stjörnuhraða í
tæknivæðingu. Krafan verður sífellt meiri um hærra
menntunarstig og betri heilsu. Til þess að geta sinnt
þessu þurfa störf kennara og lækna að vera aðlaðandi
og aðstæður til að sinna þessum störfum fullkomnar.
Undirritaður lýsir því fullum stuðningi við launa-
baráttu kennara og óskar eftir því að fá sama stuðning
þegar kemur að kjaraviðræðum lækna næsta vetur.
Heílbrigðissagan leidd til lykta
Á aðalfundi Lí voru bornir upp reikningar félags-
ins samkvæmt dagskrá. Við þá kynningu kom fram
að gamalt verkefni félagsins, Heilbrigðissagan, er
nú enn á dagskrá eftir nokkurra ára hlé. Stefnt er
að því að leiða skrif þessarar sögu til lykta á næsta
ári en þá er ráðgerð útgáfa bókarinnar. LÍ hefur nú
samið við Sumarliða ísleifsson sagnfræðing um að
koma að ritstjórn verksins, en höfundur þess, Jón
Ólafur ísberg, mun velja myndefni í bókina og búa
hana til prentunar. Um verður að ræða eitt bindi
sem spannar heilbrigðissögu þjóðarinnar í máli og
myndum og eru þegar hafnar viðræður við forlag
sem hyggst gefa bókina út.
776 Læknablaðið 2004/90