Læknablaðið - 15.11.2004, Blaðsíða 71
UMRÆÐA & FRÉTTIR / MINNING / FÉLAGSSTARF
Arni Björnsson læknir
Fæddur 14. júní 1923 - Dáinn 24. október 2004
Árni Björnsson læknir var um margt sérstakur mað-
ur. Hann var brautryðjandi nútímalýtalækninga hér á
landi, eða skapnaðarlækninga eins þá voru kallaðar.
Árni var skynsamur, hugaður og laginn skurðlæknir.
Vann hann margt læknisverkið á slösuðum sjúkling-
um og á börnum og fullorðnum með meðfædd lýti,
þannig að ekki þarf að hafa um þau mörg orð. Þau
munu bera hróður hans.
Ámi var óbrotinn alþýðumaður og aristókrat, list-
elskur húmanisti og róttækur umbótamaður, fullur
mannúðar en kröfuharður til sjálfs sín og annarra.
Hæfði þetta allt vel því lífsstarfi sem hann kaus sér. Ami
var glæsilegur maður á velli, hafði einhverja sérstaka og
dulúðuga útgeislun sem bar með sér virðingu er gerði
hann fyrirhafnarlaust að fyrirmynd yngri lækna.
Árni tók mikinn þátt í félagsmálum lækna, var
skoðanafastur og harður í horn að taka, ef nauðsyn
bar til. Hann brá oft orðsins brandi og fór vel með,
var rökfastur, óvæginn og stundum meinfyndinn.
Hann gerði sig aldrei sekan um þann glæp að vera
leiðinlegur á prenti.
Þessir góðu eiginleikar Árna komu vel fram þegar
hann var löngu hættur störfum, en taldi sér skylt að
taka þátt í umræðunni um gagnagrunn á heilbrigðis-
sviði. Mátti öllum ljóst vera að þar fóru saman geisl-
andi fjör og baráttugleði, frelsi andans og skapandi
hugsun, öllum óháð nema sannfæringunni um það
sem hún taldi rétt og satt.
Ég vil leyfa mér fyrir hönd íslenskra lækna að
senda eftirlifandi eiginkonu Árna, börnum þeirra og
öðrum ástvinum samúðarkveðjur með þökkum fyrir
góðan dreng.
Sigurbjörn Sveinsson
Stofnfrumurannsóknir komnar á þing
Læknablaðið hefur á undanförnum misserum fjall-
að nokkuð um stofnfrumurannsóknir enda eru þær
ofarlega á baugi meðal vísinda- og stjórnmálamanna
beggja vegna Atlantshafsins. Hér á landi hefur ríkt
þögn meðal síðarnefnda hópsins en nú hefur hún
verið rofin. Jóhanna Sigurðardóttir alþingismaður
hefur ásamt fjórum öðrum þingmönnum Samfylk-
ingarinnar lagt fram tillögu til þingsályktunar um að
skipuð verði nefnd „sem geri úttekt á kostum þess og
göllum út frá læknisfræðilegu, siðfræðilegu og trúar-
legu sjónarmiði að heimila nýtingu stofnfrumna úr
fósturvísum manna til rannsókna og lækninga á al-
varlegum sjúkdómum".
Ekki er ljóst hvenær þessi tillaga kemur til umræðu
í þinginu en óneitanlega verður forvitnilegt að fylgjast
með því hver viðbrögð þingmanna verða við henni.
Jóhanna Sigurðardóttir er fyrsti flutningsmaður tillögunnar.
Frá Félagi kvenna í læknastétt á íslandi
14. október sl. héldu Félag kvenna í
læknastétt á íslandi, Félag kvenna í lög-
mennsku og Kvennadeild verkfræðinga-
félagsins sameiginlegan fund. Fyrirlesari
var Þórdís Sigurðardóttir framkvæmda-
stjóri stjórnendaskóla HR og nefndi hún
erindi sitt „Tengslanet - hver er tilgangur-
inn?“. Rúmlega 60 konur mættu. Eindreg-
in tilmæli komu fram um að þessir hópar
myndu hittast að minnsta kosti einu sinni
á ári. Var samþykkt að stefna að því að
hittast aftur næsta haust og halda fund
með svipuðu sniði.
Aðalfundur félagsins verður haldinn
17. nóvember og hefst kl. 19.00. Aðalfund-
arstörf, hátíðarkvöldverður á vægu verði
og gestafyrirlestur eins og áður. Nánari
dagskrá verður send út síðar og einnig
mun skrifstofa læknafélaganna gefa frek-
ari upplýsingar vikuna áður. Takið kvöld-
ið frá og skráið ykkur á skrifstofunni.
Þá vil ég minna konur á að ganga frá
greiðslu árgjalda til félagsins svo hægt verði
að ganga frá félagaskrá fyrir aðalfund.
Margrét Georgsdóttir
formaður
Læknablaðið 2004/90 799