Læknablaðið - 15.11.2004, Blaðsíða 60
UMRÆÐA & FRÉTTIR / ÁRSFUNDUR WMA
Formaðurinn ræddi við Japanskeisara
Rætt við Gunnar Ármannsson framkvæmdastjóra LÍ um ársfund Alþjóðafélags lækna
Gunnar Ármannsson fram-
kvœmdasljóri LÍ í lokahófi
fundarins.
Glöggt er gests augað er gjarnan haft á orði. Gunn-
ar Ármannsson sat á dögunum ársfund hjá Alþjóða-
félagi lækna. Læknablaðið fýsti að vita hvernig þessi
virðulega samkoma hefði komið framkvæmdastjóra
LÍ fyrir sjónir.
- Hún kom mér þannig fyrir sjónir að þarna væri
saman kominn stór hópur sem hefði mikinn metnað
fyrir hönd lækna og væri áhugasamur um allt sem
snerti lækna og raunar mannlífið allt. Þessi hópur ber
hag sjúklinga mjög fyrir brjósti en þó eru greinilega
mismunandi áherslur milli heimssvæða sem eðlilegt
er í svona stórum hópi frá jafnólíkum stöðum. Fólk er
frá ýmsum málsvæðum og það er túlkað á milli margra
tungumála og ég verð að viðurkenna að það gat verið
erfitt að fylgjast með því sem þýtt var jafnóðum úr
japönsku og yfir á ensku þar sem stundum fannst
manni þýðingin ganga hægar en svo að allt hefði skil-
að sér, sagði Gunnar.
Aðild að WM A eiga yfir 80 lönd og langflest þeirra
áttu fulltrúa á fundinum. - Ætli það hafi ekki verið
um eða yfir 300 fulltrúar á fundunum og þegar haldn-
ar voru samkomur þar sem allt fylgdarlið var með fór
fjöldinn upp fyrir 500 manns.
Samskipti lækna og fyrirtækja
Á ársfundi Alþjóðafélags lækna (WMA)
voru samþykktar leiðbeiningar samtak-
anna um samskipti lækna og allra fyrir-
tækja sem hagsmuna eiga að gæta í heil-
brigðiskerfinu.
í yfirlýsingunni er því slegið föstu að
fyrirtækin styðji við bakið á rannsókn-
um, vísindaþingum og kennslu í læknis-
fræði sem gagnist jafnt sjúklingum sem
heilbrigðisþjónustunni. Fyrirtækin leggja
líka fram sinn skerf til framþróunar lyfja
og nýrra meðferða. Hins vegar sé hætta á
hagsmunaárekstrum ef fjárhagslegir þætt-
ir hafa áhrif á hlutlægni lækna.
„Ekki er þó ráðlegt að banna öll sam-
skipti lækna og fyrirtækja heldur er nær
að setja um þau reglur og leiðbeiningar,"
segir í yfirlýsingunni. Síðan fylgja leið-
beiningar sem varða fjögur atriði: vísinda-
ráðstefnur, gjafir, rannsóknir og hlutdeild
lækna í fyrirtækjum.
Um styrkveitingar til vísindaþinga seg-
ir að áður en læknir þiggur slíkt boð þurfi
hann að ganga úr skugga um að eftirtöld-
um skilyrðum sé fullnægt:
- að megintilgangur þingsins sé skipti
á faglegum og vísindalegum upplýs-
ingum;
- að viðurgjörningur á slíkum þingum
sé aukaatriði og komi klárlega á eft-
ir upplýsingagildinu;
- að nafn fyrirtækis sem veitir fjár-
hagslegan stuðning við þinghaldið
sé birt opinberlega; og
- að kynning lækna á efnivið sínum sé
vísindalega rétt, veiti hlutlæga mynd
af hugsanlegum meðferðarkostum
og að málflutningurinn sé ekki lit-
aður af hagsmunum kostenda.
Um gjafir segir að læknar skuli ekki
taka við þeim frá fyrirtækjum nema það sé
í samræmi við lög og stefnu læknasamtak-
anna og að gjöfin hafi einungis táknrænt
gildi, sé ekki í formi reiðufjár eða hafi í
för með sér kvöð um að þiggjandinn ávísi
tiltekin lyf, noti tiltekin tæki eða efni eða
vísi sjúklingum á ákveðnar stofnanir.
Urn styrki til rannsókna segir í yfirlýs-
ingunni að læknar megi ekki setja sig í
þá stöðu að þeir verði fyrir þrýstingi sem
hafi áhrif á niðurstöður rannsókna. birt-
ingu þeirra eða að þeir birti ekki tilteknar
niðurstöður. Þegar niðurstöður eru birtar
þurfi að skýra frá því hverjir studdu rann-
sóknina.
Um hlutdeild lœkna í fyrirtcekjum segir
að þeir skuli þá aðeins eignast hluti í fyrir-
tækjum að ljóst sé að það hafi ekki áhrif á
hlutlægni þeirra, stangist ekki á við skyld-
ur þeirra gagnvart sjúklingum og að hlut-
deildin sé öllum kunn.
788 Læknablaðið 2004/90