Læknablaðið - 15.04.2005, Síða 69

UMRÆÐA & FRÉTTIR / BROSHORNIÐ 57
Af góðum fréttum og nærfötum
Góðar fréttir eða slæmar
Kvensjúkdómalæknirinn kom til baka inn í viðtals-
herbergið með rannsóknarniðurstöðurnar. „Ég er
með góðar fréttir, frú mín góð.“
„Fyrirgefðu læknir, ég er ungfrú, ef þér er sama.“
„Afsakaðu en þá er ég með slæmar fréttir, ung-
frú mín góð.“
Ekki gott útlit
Það var á stofugangi á gæsludeild á háskólasjúkra-
húsi rétt eftir vaktaskipti. Læknir sem var nýkom-
inn á vakt gekk á milli sjúklinga til að meta hver
ætti að útskrifast og hver ætti að leggjast inn á
sjúkrahúsið til frekari rannsókna. Hjúkrunarfræð-
ingurinn sem gekk með lækninum þekkti nokkuð
vel til sjúklinganna. „Þessi sem liggur inni á næstu
stofu er einn af forstjórum bæjarins og konan sem
er inni hjá honum er ekki dóttir hans heldur eigin-
konan.“
Sjúklingurinn virtist ekki alveg áttaður, var
fölur að sjá og lalsvert móður. Læknirinn bað eigin-
konuna að koma með sér fram á ganginn.
„Ég verð að vera hreinskilinn við þig, en mér
líst ekki á hvernig nraðurinn þinn lítur út,“ sagði
læknirinn.
„Ekki mér heldur,“ sagði konan, „en hann er
ríkur og einstaklega góður við börnin.“
Nærföt fyrir konuna
Eiginkonan var flutt í skyndi á sjúkrahús þannig
að ekkert ráðrúm gafst til að taka með það nauð-
synlegasta. Þegar aðeins bráði af henni hringdi
hún í maka sinn og bað hann að taka til „þægileg
nærföt“ handa henni og koma með þau á spítalann.
Eiginmaðurinn var ekki viss hvað henni þætti vera
þægilegt og spurði:
„Hvernig á ég að vita hvaða nærföt ég á að
velja?"
„Taktu þau upp og ímyndaðu þér að ég sé í
þeim,“ svaraði konan. „Ef þú ferð að brosa þá
skaltu leggja þau aftur í skúffuna."
Töfralampinn
Lýtalæknir og eiginkona hans gengu á ströndinni
og fundu gamlan olíulampa. Þegar þau struku
sandinn af honum birtist skyndilega töfradís sem
bauð hvoru um sig að óska sér einu sinni.
„Ja hérna,“ sagði konan, „ég er fjörutíuogfimm
ára og kominn tími til að ég eignist það sem mér ber.
Ég óska mér tvöhundruð milljón króna óðalsseturs
með útsýni yfir ströndina." Og-púff- eiginkonan
hvarf og stórkostleg bygging birtist skammt frá.
„En hvers óskar þú þér?“ spurði dísin lækninn.
„Já ég skal sko segja þér hvers ég óska mér,“
sagði læknirinn. „Ég óska mér að ég væri kvænt-
ur konu sem er helmingi yngri en ég.“ Og - púff
- karlinn varð allt í einu níutíu ára gamall.
Allir með öllum
Áhyggjufullur faðir hringdi í heimilislækninn í
litlum bæ úti á landi og sagðist vera hræddur um
að unglingurinn sonur hans hefði náð sér í kyn-
sjúkdóm.
„Hann segist ekki hafa sofið hjá neinni nema
vinnukonunni þannig að hann hlýtur að hafa smit-
ast af henni.“
„Hafðu ekki svo miklar áhyggjur af því,“ sagði
læknirinn, „svona hlutir gerast nú bara.“
„Ég veit það, læknir,“ sagði pabbinn, „en ég
verð að viðurkenna að ég hef líka sofið hjá vinnu-
konunni og er kominn nreð sönru einkenni og son-
urinn. Og það sem verra er, ég held ég hafi smitað
eiginkonu mína.“
„Guð minn góður,“ sagði læknirinn, „þá sitja nú
fleiri í súpunni.“
Smitaður vinur
„Hvað heldur þú að best sé að gera, læknir? Ég á
vin og ég held að hann sé kominn með kynsjúk-
dóm,“ sagði ungur maður við lækninn sinn og fór
allur hjá sér.
„Einmitt það,“ sagði læknirinn, „viltu ekki leysa
niður um þig buxurnar þannig að ég geti skoðað
vininn?"
Tvíblind rannsókn
Hvað er tvíblind rannsókn?
Það gæti verið tveir bæklunarlæknar að lesa úr
hjartalínuriti.
Blöð í biðstofunni
Á skilti í biðstofunni stóö letrað:
VINSAMLEGAST FJARLÆGIÐ EKKI BLÖÐ-
IN ÚR BIÐSTOFUNNI. MÓTTÖKURITAR-
INN GETUR SAGT YKKUR HVERNIG SÖG-
URNAR ENDA.
Andremma
Maður á miðjum aldri kom til læknis og vildi
fá hjálp vegna þess hve andfúll hann væri.
Eftir að hafa skoðað manninn sagði læknirinn:
„Annaðhvort skaltu hætta að naga á þér neglurnar
eða hætta að klóra þér í afturendanum.“
Bjarni Jónasson
bjarni.jonasson@hg.is
Bjami er heimilislæknir
í Garðabæ.
Læknablaðið 2005/91 385