Fréttatíminn - 05.12.2014, Page 2

Komdu inn
úr kuldanum
www.n1.is facebook.com/enneinn
Hluti af öruggri vetrarumferð
Forgangur ráðherra í heilbrigðiskerfinu
Jón Þór Ólafsson, þingmaður Pírata,
hefur sent heilbrigðisráðherra fyrir-
spurn um forgang ráðherra og þing-
manna í heilbrigðiskerfinu. Tilefni fyrir-
spurnarinnar er viðtal við fyrrverandi
landlækni, Ólaf Ólafsson, í Fréttatím-
anum í síðustu viku um heilbrigðismál
þar sem Ólafur lét eftirfarandi orð falla:
„Einhvern veginn er það líka þannig
að ráðherrar og þingmenn lenda ekki
á biðlistum.“ Jón Þór spyr heilbrigðis-
ráðherra hvort hann viti til þess að ráð-
herrar og þingmenn njóti forgangs og ef
svo sé, í hverju hann sé fólginn. Ef ráð-
herra viti ekki til þess, þá spyr Jón Þór
hvor hann muni láta rannsaka hvort svo
sé. Ef það aftur á móti reynist rétt að
ráðherrar og þingmenn njóti forgangs,
þá spyr Jón Þór hvort ráðherra muni þá
sjá til þess að hann verði lagður af. Jón
Þór óskar eftir skriflegu svari. -hh
 Heilbrigðismál Óformleg könnun meðal íslenskra sérfræðinga
Meiriháttar hrun lækna-
stéttarinnar fram undan
Ríflega helmingur íslenskra
sérfræðinga er tilbúinn eða
ákveðinn að yfirgefa landið.
Ásættanleg kjarabót kæmi í
veg fyrir það.
Ó formleg könnun meðal ís-lenskra sérfræðinga sem lögð var fyrir þá í október
síðastliðnum sýnir að 52% þeirra
sérfræðinga sem starfa á Íslandi
eru tilbúnir eða eru ákveðnir í að
yfirgefa landið. Af þeim myndu
92% hætta við flutning ef ásættan-
leg kjarabót fengist. Könnunin var
lögð fyrir íslenska lækna bæði hér
á landi sem og ytra. Hún var send
út á hóp íslenskra lækna á póstlista
Læknafélags Íslands og Facebook
hóp og var úrtakið um 1250 manns,
allt læknar sem eru tengdir á ein-
hvern hátt íslenska heilbrigðiskerf-
inu. 833 svör fengust frá læknum á
öllum stigum, lokastigi læknanáms
til sérfræðinga. „Ef heldur fram
sem horfir í íslenska heilbrigðis-
kerfinu og laun lækna og aðstaða
verði ekki bætt blasir hræðileg
staða við. Eftir uppsagnir þriggja
meltingarlækna LSH er aðgengi
að inngripum, eins og t.d. maga-
og ristilspeglun, ekki möguleg
með auðveldum hætti. Fyrir um
40 árum síðan dóu sjúklingar úr
blæðandi magasárum, nú gætum
við farið að sjá þau tilfelli aftur.
Sérhæfð inngrip í gallveg og bris
verða varla framkvæmanleg lengur
á Íslandi því að enginn er eftir til
að gera þau. Það sama gildir um
MS- og Parkinsonlækningar, þar
er staðan vægast sagt hörmuleg
vegna brottfalls taugalækna sem
hafa gefist upp,“ segir Davíð Þóris-
son, læknir á bráðamóttökunni í
Fossvogi.
Tvær mikilvægar spurningar
voru skoðaðar þar sem annars
vegar var kannaður vilji lækna er-
lendis til að snúa aftur til Íslands
eftir sérnám og hins vegar hvort
læknar sem eru að starfa á Íslandi
hafi íhugað að hætta og flytja utan.
Niðurstöður fyrri spurningar-
innar eru mjög svipaðar og í sam-
bærilegri könnun sem gerð var
árið 2012 þar sem mikill meiri-
hluti lækna erlendis sagðist ekki
vilja snúa aftur heim að loknu sér-
námi. Um 25% lækna hafa ákveð-
ið að snúa aftur en fæstir þeirra á
næstu árum, 30% telja ólíklegt að
þeir snúi aftur og 45% er óákveð-
inn. 94% þeirra myndu sterklega
íhuga að flytjast heim ef grunnlaun
hækkuðu ríflega.
52% sérfræðinga vilja fara
Niðurstöður seinni spurningarinn-
ar eru ekki síður sláandi en ef tekin
eru út svör 349 sérfræðinga þá hafa
45% sterklega íhugað að flytja til
útlanda á næstu árum og 7% þeg-
ar ákveðið að flytja. Það þýðir að
52% sérfræðinga sem nú starfa á
Íslandi eru mjög líklega að flytja
utan innan eins árs. Þetta gerir
181 sérfræðing sem mun hverfa af
landi brott.
„Könnunin endurspeglar að
stóru leyti það sem við höfum
áhyggjur af – í vændum er meiri-
háttar hrun læknastéttarinnar á
Íslandi. Ofangreindar tölur end-
urspegla það sem ég nú heyri nú
sífellt oftar á göngum spítalans.
Læknar eru farnir að hugsa næstu
skref og eru tilbúnir að taka þessa
stóru ákvörðun. Nýlega heyrði ég
af morgunfundi á gjörgæsludeild
LSH þar sem allir viðstaddir sér-
fræðingar sögðust tilbúnir að segja
upp og flytja til útlanda.
Eitthvað þarf að breytast – stuðn-
ingur almennings er almennur en
skilningur ráðamanna er lítill og
þeir sjást ekki á biðstofu bráðamót-
tökunnar og hafa því ekki skilning
á því hversu illa er komið fyrir heil-
brigðiskerfinu,“ segir Davíð.
Eva Magnúsdóttir
ritstjorn@frettatiminn.is
Davíð Þórisson, læknir á bráðamót-
tökunni í Fossvogi.
80
60
40
20
0
< 35
ára
36-40
ára
41-45
ára
46-50
ára
51-55
ára
56-60
ára
61-65
ára
>65
ára
Ætla að flytja innan 5 ára Hef sterklega íhugað það Ætla ekki að flytja Alls
afstaða sérfræðinga á íslandi til flutninga til útlanda
100
75
50
25
0
< 30
ára
31-35
ára
36-40
ára
41-45
ára
46-50
ára
51-55
ára
56-60
ára
61-65
ára
>65
ára
Hef ekki tekið ákvörðun Mun flytja innan 10 ára Mun mjög ólíklega flytja Alls
afstaða íslenskra lækna erlendis til flutninga Heim
Karlmaður sem dæmdur var til tveggja ára fangelsisvistar fyrir nauðgun í Héraðs-
dómi Reykjaness hyggst áfrýja dómnum.
 dÓmsmál karlmaður sakfelldur fyrir að Hafa munnmök við sofandi mann
Áfrýjar tveggja ára nauðgunardómi
Héraðsdómur Reykjaness dæmdi
mann í tveggja ára fangelsi í síð-
ustu viku fyrir nauðgun. Sá ákærði
var sakfelldur fyrir að hafa haft
munnmök við sofandi mann. Guð-
bjarni Eggertsson, verjandi manns-
ins, segir ákærða ætla að áfrýja
dómnum. „Miðað við það hvernig
dómurinn er og rökin þá tel ég til-
efni til þess að áfrýja og hygg að sá
ákærði geri það,“ segir Guðbjarni
sem vildi ekki tjá sig frekar um
málið.
Í dómnum kemur fram að brot-
ið hafi verið framið aðfaranótt
laugardagsins 7. apríl, í eftirpartíi
í Reykjavík, þar sem hópur fólks
hafi verið samankominn. Brotaþoli
fékk leyfi húsráðanda til að gista
en vaknaði síðar upp við það að sá
ákærði, sem var gestur í húsinu,
var að hafa við hann munnmök
gegn hans vilja, og nýtti sér þann-
ig, að því er segir í dómnum, ölvun
hans og svefndrunga til að brjóta
á honum.
Sá ákærði segist hafa haft löngun
til að eiga kynferðisleg samskipti
við ákæranda og síðar hafi málin
þróast með þeim hætt að hann hafi
haft munnmök við brotaþola, með
samþykki hans.
Í dómnum kemur fram að brota-
þoli hafi reynt að gleyma mál inu
en ákveðið að kæra atvikið ári síð-
ar, eft ir að hafa séð mann inn með
bróður sín um. Hinn ákærði var auk
tveggja ára fangelsisdóms dæmd-
ur til að greiða brotaþola 800.000
krónur í miskabætur, 627.500 krón-
ur til verjanda síns, Guðbjarna Egg-
ertssonar hæstaréttarlögmanns,
og þóknun lögmanns brotaþola,
Brynjólfs Eyvindssonar, 188.250
krónur. -hh
Reykjavík ódýrust
Ódýrast er fyrir barnafjölskyldur að búa
í Reykjavík miðað við mismunandi fjöl-
skyldustærðir, aðstæður þeirra og tekjur,
að því er fram kemur í tilkynningu frá fjár-
málaskrifstofu borgarinnar. Í kynningunni
eru sýnd svokölluð fjölskyldudæmi, en
í þeim eru reiknuð útgjöld ákveðinna
fjölskyldustærða miðað við gildandi gjald-
skrár borgarinnar og þau borin saman
við útgjöld hjá öðrum sveitarfélögum.
Þær forsendur sem gefnar eru í hverju
dæmi eru fjölskyldustærð, tekjur, stærð
húsnæðis, fjöldi barna og aldur þeirra.
Dæmin eru sex talsins og sýna samanburð
á fjölskyldum með 1, 2 og 3 börn, þar sem
foreldrar eru annars vegar í sambúð og
hins vegar einstæðir.
Í dæmunum er miðað við fyrirliggjandi
gjaldskrártillögur Reykjavíkurborgar fyrir
árið 2015 en fyrir önnur sveitarfélög en
Reykjavík er miðað við gjaldskrár ársins
2014, þar sem gjaldskrártillögur þeirra
hafa ekki verið samþykktar af bæjarráðum
og liggja ekki fyrir. - hh
Íslandsbanki selur
risahús
Íslandsbanki hefur selt Urðarhvarf 8
í Kópavogi. Byggingin er um 14.500
fermetrar og með um 9.000 fermetra
bílakjallara. Íslandsbanki eignaðist fast-
eignina árið 2011 eftir skuldauppgjör
við fyrri eiganda. Fasteignin var auglýst
til sölu í byrjun árs 2012. Kaupendur eru
félög í eigu Pálmars Harðarsonar, Skúla
Gunnars Sigfússonar og Hilmars Þórs
Kristinssonar. Kaupverð er trúnaðar-
mál.
Vímulaus æska fagnar
nýju húsnæði
Samtökin Vímulaus æska-Foreldra-
hús, fögnuðu nýjum húsakynnum að
Suðurlandsbraut 50 (í Skeifunni) í gær,
fimmtudag. Samtökin voru með mót-
töku fyrir vini og velunnara síðdegis og
fögnuðu áfanganum. Þau eiga 28 ára
starfsafmæli í vetur.
2 fréttir Helgin 5.-7. desember 2014