Fréttatíminn - 05.12.2014, Síða 17

 AkrAnes TAugArnAr eru sTerkAr hjá úTvArpsmAnninum ÓlA pAllA
Óli Palli gerir upp fornfrægt hús á Akranesi
ú tvarpsmaðurinn Ólafur Páll Gunnarsson hefur látið gamlan draum rætast
og keypt gamalt hús í heimabæ
sínum, Akranesi. Húsið er 100 ára
gamalt og ætlar Óli Palli að taka
tíma í það gera það upp.
„Ég fékk þessa hugmynd fyrir
um ári þegar ég var að vinna við
árlegt útvarp Akraness, sem var
sent út í næsta húsi við þetta hús,“
segir Óli Palli. Húsið heitir Sunnu-
hvoll og stendur við Akratorg, í
hjarta bæjarins. „Það hafa marg-
ir góðir Skagamenn búið í þessu
húsi og þarna var lengi skraddari
góður með saumastofu, sem m.a
saumaði fyrstu hljómsveitarbún-
inga Dúmbó og Steina,“ segir Óli
Palli. „Þetta hús var búið að vera
lengi til vandræða og var búið að
standa autt í einhverja 18 mánuði.
Ég fékk þá flugu í höfuðið að taka
það í gegn og við fjölskyldan réð-
umst bara í það.“
Óli Palli er handlaginn maður
og finnst fátt skemmtilegra en að
taka til hendinni. „Pabbi er smið-
ur og ég hef oft hjálpað honum og
hef gaman af því að smíða. Það er
ákveðin innri íhugun sem felst í
því, hálfgert jóga,“ segir Óli.
Óli hefur lengi gengið með þann
draum að flytja í heimabæinn en
segir það ekki vera á teikniborð-
inu, þó margt geti breyst. „Taug-
arnar eru sterkar,“ segir Óli. „Það
er þó ekkert á stefnuskránni, þann-
ig. Það er samt aldrei að vita þeg-
ar ríkið tekur göngin yfir. Þá er
kannski von til þess að veggjaldið
leggist af. Það er stutt á milli Akra-
nes og Reykjavíkur og mér finnst
gaman að keyra. Ég fæ bestu hug-
myndirnar í bílnum og sé aldrei
á eftir tímanum sem fer í það að
keyra á milli staða,“ segir Óli.
Hann er ekki búinn að ákveða
hvaða tilgang Sunnuhvoll fær, en
segir tækifærin mörg. „Hugmynd-
irnar eru stutt á veg komnar en það
væri gaman að halda úti einhvers-
konar ferðamannagistingu af ein-
hverju tagi. Það er almenn bjart-
sýni í bænum svo möguleikarnir
eru miklir.“ -hf
Óli Palli við Sunnuhvol
á Akranesi.
Ég hef fulla trú að þetta takist, þó ég sér svolítið kvíðinn líka, segir Gunnar Einarsson, bæjarstjóri í Garðabæ, sem ætlar í hot-
jóga tíma í jólapeysunn sinni. Mynd/Hari
 jÓlApeysAn gunnAr einArsson, bæjArsTjÓri í gArðAbæ
Gunnar Einarsson, bæjarstjóri í Garðabæ, lætur ekki sitt eftir liggja í jólapeysukeppni Barna-
heilla í ár og tekur þátt með mjög svo óvenjulegri áskorun. Gunnar, sem er íþróttamaður
mikill, ætlar að fara í hot-jóga tíma, íklæddur jólapeysu úr lopa.
Þ að er mjög góð spurning, hvað mér gengur til, en fyrst og fremst er ég að
styðja málefnið, segir Gunnar Ein-
arsson, bæjarstjóri í Garðabæ, um
jólapeysuáskorunina, en í ár safna
Barnaheill fyrir Vináttu, forvarn-
arverkefni gegn einelti í skólum.
Gunnar ætlar að fara í hot-jóga í
lopapeysu af þessu tilefni.
„Ég er alvanur hot-jóga og hef
stundað það síðan í ágúst og fer
þrisvar sinnum í viku. Ég þekki hit-
ann en þetta er erfitt sport svo þetta
er um leið mikið áhættuatriði.“
Gunnar spilaði handknattleik í
fjölda ára og spilaði lengst af með
FH. Einnig spilaði hann erlendis
og á að baki landsleiki í greininni.
„Hitinn í þessum tímum er í kring-
um 30-40 gráður og alla jafna er
maður mjög léttklæddur í þess-
um tímum. Það er því ekki vitað
hvernig mér muni reiða af en ég
hef fulla trú á að þetta takist, þó ég
sé svolítið kvíðinn líka.“
Tímarnir í hot-jóga eru annað-
hvort 75 eða 90 mínútur en bæjar-
stjórinn ætlar að láta styttri tím-
ann duga, í ár. „Það er aldrei að
vita ef vel tekst til að maður láti sig
hafa 90 mínúturnar á næsta ári,“
segir Gunnar.
„Ég vona að þetta verði til þess
að einhverjir sjái sér fært að styðja
verkefnið með því að heita á mig
í þessu verkefni. Til þess er nú
leikurinn gerður. Ég er ekki með
neitt markmið í þeim efnum og er
sáttur með allt sem kemur inn,“
segir bæjarstjórinn.
Gunnar segir hreyfingu mikil-
væga og stundar alla þá hreyfingu
sem hann hefur tíma til þess að
stunda. Hann mælir þó sérstak-
lega með hot-jóga. „Þetta er frábær
hreyfing og gerir manni mjög gott.
Maður á auðveldara með svefn og
hugarfarið verður svo jákvætt.
Þetta bætir öndunina mikið og
maður verður allur léttari, þetta er
bara gott á allan hátt,“ segir Gunn-
ar Einarsson bæjarstjóri.
Aðrar áskoranir í jólapeysu-
keppni Barnaheilla eru m.a þær
að Vilborg pólfari ætlar að labba
afturábak upp Esjuna, Pollapönk
mun spila á tónleikum í jólapeys-
um og Már Guðmundsson seðla-
bankastjóri mun tilkynna vaxta-
ákvörðun íklæddur jólapeysu.
Allar upplýsingar um verkefnið er
að finna á www.jolapeysan.is
Hannes Friðbjarnarson
hannes@frettatiminn.is
Fer í hot-jóga þrisvar í viku
Bo og Bubbi berjast um
Þorláksmessuhlustun
Menningarfélag Hafnafjarðar stendur fyrir tónleikum í
Bæjarbíói í Hafnarfirði á Þorláksmessu. Björgvin Hall-
dórsson mun ásamt hljómsveit flytja öll sín bestu lög á
tónleikunum og til stendur að senda tónleikana út beint á
Rás 2. Þorláksmessutónleikar Bubba Morthens munu því
fá harða samkeppni um hlustun landsmanna, því
Bylgjan sendir út tónleika hans, sem fara
fram í Hörpu.
Jimmy Carr mætir í
Hörpu
Jimmy Carr er breskur uppistandari, sjón-
varpsmaður og leikari sem er þekktastur
fyrir óviðjafnanlegan hlátur, hárfínan,
kolsvartan húmor og vafasama brandara.
Carr geystist inn á grínvöllinn árið 2000 og
hefur notið mikilla vinsælda síðan. Jimmy
hefur selt yfir milljón DVD diska og verið
gestgjafi í ótal sjónvarpsþáttum en uppi-
stand fyrir framan áhorfendur er tvímæla-
laust hans sérgrein. Uppistandið verður
í Hörpu 22. mars og hefst miðasalan 18.
desember.
Syngjum saman
Dagur íslenskrar tónlistar verður haldinn
hátíðlegur í dag, föstudag. Sérstök hátíðar-
dagskrá er haldin í Hörpu klukkan 11 þar
sem tilnefningar til íslensku tónlistarverð-
launanna verða kynntar og veitt verða
verðlaun til fjölmiðlamanns sem þykir hafa
skarað fram úr í stuðningi við íslenska tón-
list. Einnig er mælt með því að landsmenn
kveiki á útvarpinu klukkan 11.15 og syngi
með þjóðinni.
Hárstíll á Gunna og
Villa
Þeir Gunnar Helgason og Vilhelm Anton
Jónsson verma til skiptis tvö efstu sæti
flestra metsölulista sem birtast nú í
hverri viku. Gunnar með Gula spjaldið í
Gautaborg, og Villi með Vísindabókina.
Eina bókin sem er eitthvað að blanda
sér í baráttuna er hárgreiðslubók Frozen
myndarinnar. Umræða skapaðist á milli
höfundanna á facebook í vikunni þar sem
þeir íhuguðu að bjóða upp á Frozen hár-
greiðslur á skemmtun sem þeir koma fram
á í Smáralind á laugardaginn klukkan 14.
fridaskart.is
Strandgötu 43
Hafnarrði
íslensk hönnun í gulli og silfri
106 dægurmál Helgin 5.-7. desember 2014