Læknablaðið - 15.05.2010, Qupperneq 61

UMRÆÐA O G FRÉTTIR
HJARTABILUN
Anna G. Gunnarsdóttir
hjúkrunarfræöingur á
göngudeild hjartabilunar
aðstoðar sjúkling.
Lítil umræða um hjartabilun
Þær bæta því við að hjúkrunarfræðingur sé alla
daga á göngudeildinni og að stuðningurinn sem
þar er veittur vegi þungt fyrir sjúklinga. „Fyrir
utan álag sem fylgir því fyrir sjúklinga að leggjast
inn á sjúkrahús skiptir hver dagur máli sem
sparast í innlögn. Þá gefst einnig gott tækifæri
í göngudeildinni til að samþætta ýmsa aðra
þjónustu, svo sem heimahjúkrun í því augnamiði
að gera sjúklingnum kleift að vera heima þrátt
fyrir einkennamikinn sjúkdóm," segir Anna.
Þær segja að almennt hafi verið lítil umræða í
samfélaginu um hjartabilun og áhrif sjúkdómsins
á sjúklinga og fjölskyldur þeirra. Tilgangur
hjartabilunardagsins er að bæta þar úr með
fræðslu ásamt því að vekja athygli á þessari
sérhæfðu göngudeild og að til hennar sé hægt að
vísa sjúklingum. Þær segjast vona að samvinna
við heilsugæslulækna og aðra sérfræðinga utan
sjúkrahússins muni aukast svo meðferð þessa
sjúklingahóps verði markvissari.
LÆKNASTOFUR
TIL LEIGU
í nýstandsettu húsnæði Læknamiðstöðvar Vesturlands á Akranesi eru til leigu læknastofur.
Öll aðstaða er til fyrirmyndar. Húsnæðið er að Dalbraut 1 og er miðsvæðis í bænum, í nálægð við verslanir og aðra þjónustu.
Sanngjörn leiga. Upplýsingar veitir Haraldur Sigurðsson í síma 431 1966.
LÆKNAblaðið 2010/96 373