Ritið : tímarit Hugvísindastofnunar - 01.05.2007, Side 75

ÍSLENSKT ÞJÓÐERNI OG ÓTTINN VIÐ INNFLYTJENDUR
hvað hann segir.“ I viðtalinu bar Katharina upplifun sína hér á landi sam-
an við dvöl sína í Noregi. Hún sagði reynslu sína af Norðmönnum mun
betri en af Islendingum. „Þegar ég var í Noregi hlustaði fólk ef ég reyndi
að tala norsku. Það firrtist enginn við þegar ég talaði ensku, og almennt
var fólk vingjamlegra. Eg eignaðist fljótt norska vini og kunningja. Hér
hef ég eignast nokkra kunningja, en það tók langan tíma. Islendingar em
ekki aðgengilegir,11 fullyrðir hún. „Þetta er sorglegt af því að þið emð að
missa af svo miklu,“ segir hún að lokum og hlær. „Hingað kemur fullt af
skemmtilegu fólki frá öllum heimshornum. Þetta er spennandi fólk með
alls konar reynslu og þekkingu. Islendingar ættu ekki að láta tækifærið til
kynnast því ganga sér úr greipum.“
I viðmælendahópi Morgunblaðsins var þó einnig að finna skiptinema
sem gekk vel að tengjast íslensku samfélagi. Alexandra Haeringová Karp-
enkova sagðist hafa eignast marga vini á Islandi. „Það er kannski ekkert
voðalega auðvelt að kynnast fólki, en þegar maður gerir það verður það al-
vömvinir manns,“ útskýrir hún og bætir við: „Eg hef örugglega líka verið
heppin í þessu tilliti. Flestir skiptinemar sem ég þekki hafa ekki kynnst
neinum íslendingum. Þeir em alltaf að biðja mig um að kynna sig fyrir
vinum mínum.“
Ella Kolliokoski frá Finnlandi er í hópi þeirra skiptinemanna sem
sögðust eiga erfitt með að kynnast Islendingum. „Eg hef eiginlega bara
kynnst öðmm skiptinemum,“ sagði hún í viðtalinu við Morgunblaðið.
Carl Mikael A. Teglrmd ffá Svíþjóð lýsti áhyggjum af hugsanlegu sam-
stuði milli umflytjenda og Islendinga. „Eg velti því samt mest fyrir mér
hvað gerist þegar fleiri útlendingar fara að koma hingað. Ef þið farið ekki
að búa ykkur undir það og ákveða hvernig þið ætfið að bregðast við, þá
verður þetta helsta vandamál Islendinga á næstu áram. Það er ekki seinna
vænna að huga að þessu. Þið getið líka lært af mistökum annarra, t.d. okk-
ar í Svíþjóð. M.a. er mikilvægt að koma í veg fyrir að hér myndist gettó og
að útlendingar sem hingað koma einangrist. Þess vegna á að leggja mikla
áherslu á tungumálakennslu og fræðslu um menningu og lýðræðishefð
landsins.“38
38 Tilvitnamanir era allar fengnar úr viðtalsgrein í Morgunblaðinu: „Ólík upplifun
útlendinga“, Morgunblaðið 29. júlí 2007.
73