Þjóðlíf - 01.05.1989, Blaðsíða 27

ERLENT
. W.W...HMJ.gM..., W.. .
fangelsi í dag, Kristín Thorberg, íslensk kona í Portúgal
og Mario Soares forseti og löngum leiðtogi sósíalista.
Tíðindamaður Þjóðlífs spjallaði við þau á dögunum.
Blómabyltingin 15ára
Götumynd frá Lissabon.
Árni Snævarr tíðindamaður Þjóðlífs sótti
heim Portúgal á dögunum og spjailaði við
höfuðpersónur byltingarinnar og íslenska
konu sem lent hefur í ölduróti stjórn-
málanna. Hann segir einnig frá útlitinu í dag
í þessu nýja Evrópubandalagsríki:
Fimmtán ár eru liðin frá því einræðisstjórn var steypt af
stóli í Portúgal. Aðfararnótt 25. apríl 1974 braust út
bylting gegn Caetano, einræðisherra, arftaka hins ill-
ræmda Salazars sem ríkt hafði í nærri hálfa öld.
Tveir menn komu mikið við sögu í þeim átökum sem
urðu í Portúgal árin á eftir, Otelo de Carvalho, höfuðs-
maður, þekktasti forsprakki foringja í hernum sem
steyptu einræðisstjórninni af stóli og Mario Soares,
leiðtogi jafnaðarmanna og þekktur andspyrnumaður.
Árni Snævarr fréttamaður hitti þessa þekktustu leið-
toga byltingarmanna á 15 ára afmæli byltingarinnar.
Soares tók á móti tíðindamanni Þjóðlífs og nokkrum
blaðamönnum víða að úr heiminum í hinum glæsilega
embættisbústað forseta Portúgals í Belem-höll í Lissa-
bon. Þjóðlíf heimsótti síðan Otelo de Carvalho í her-
fangelsið í bænum Tomár, 130 kílómetra norður af
Lissabon þar sem hann afplánar 17 ára fangelsisdóm
fyrir meinta aðild að hryðjuverkasamtökum.
27