Þjóðlíf - 01.05.1989, Blaðsíða 68

V í SI N DI
Ellin
bíður...
býsna
fjörleg
Þaö sem frani kemur hér á eftir mun að öllum
líkindum koma ungu fólki á óvart og koll-
varpa hugmyndum þess um afa og ömmu.
Könnun sem var gerð við háskólann í San
Francisco leiðir í ljós að ellin er, þegar öllu er
á botninn hvolft, alls ekki svo daufleg sem
margir hafa óttast hingað til.
Könnunin náði til um 200 hvítra manna,
áttræðra og eldri, og voru jafn margir af
hvoru kyni. Hinn elsti var 102 ára. Þátttak-
endur bjuggu á elliheimilum, voru ekki á
lyfjum og lýstu sig fúsa til að svara skriflega
117 spurningum er vörðuðu kynlíf þeirra.
Flestir voru úr miðstéttum, um helmingur
hafði lokið háskólanámi og þriðjungur gegnt
starfi á sínu menntunarsviði.
Helstu niðurstöður voru þessar:
* Kynlíf flestra fólst í snertingu og atlotum án
samfara, þ.e. hjá um 80% karla og um 65%
kvenna. Sjálfsfróun kom næst, hjá um 70%
karla og um 40% kvenna en samfarir voru í
þriðja sæti, stundaðar af um 65% karla og
um 30% kvenna.
* Um sjö af hverjum tíu körlum og helmingur
kvenna lét sig oftlega dreyma um náin kynni
við hitt kynið.
*Um 60% spurðra töldu líf á elliheimili ekki
draga úr kynlífi og fjórir af hverjum tíu töldu
reyndar að möguleikar á kynlífi hefðu aukist
eftir að á heimilið kom.
* Um helmingur karlanna og um sjö af hverj-
um tíu konum áttu engan fastan félaga en
þeir sem á annan bóginn áttu slíkan vin voru
yfirleitt fremur sáttir við hann.
* Um fjórðungur karlanna og um helming-
ur kvennanna hafði að eigin sögn engan
áhuga á kynlífi.
I öllum ofangreindum aldursflokkum
lýstu karlar sig yfirleitt miklu áhugasamari
um kynlíf en konur á sama reki. Kynhvöt og
-líf karla reyndist minnka til muna þegar
komið var á níunda áratuginn og mun meira
en hjá kvenkyns jafnöldrum þeirra. Fræðing-
ar telja skýringuna vera þá að áhugi kvenna á
kynlífi minnki mun fyrr en hjá körlum og
hann sé svo fátæklegur um nírætt að ekki geti
orðið um öllu frekari hnignun að ræða.
-hþ
Mikill meirihluti eldra fólks vill hafa náin kynni við hitt kynið samkvæmt könnun sem
gerð var á bandarísku elliheimili nýverið.
68