Frjáls verslun - 01.10.2012, Page 77

FRJÁLS VERSLUN 11. 2012 77
úr val rafbóka en salan sé ekki nálægt því
sem menn væntu. „Salan er sannarlega að
aukast og verður eflaust mikil síðar meir
en þetta kemur ekki eins og flóðbylgja yfir
útgáfu iðnaðinn,“ sagði Egill. Hann nefnir
því til staðfestingar að markaðshlutdeild raf-
bókarinnar sé að jafnaði eitt til þrjú prósent af
heildarbóksölu í nágrannalöndunum.
Jóhann Páll bendir á að einstaka bækur
geti selst í stærra upplagi sem rafbók en
staðfestir að heildarprósentan sé ekki há.
Hér á landi seljist varla nema eitt prósent
bóka sem rafbækur og þó séu Íslending-
ar nokkuð framsæknir þegar kemur að
spjald- og lestölvutækni. Vert er að rifja
upp að vinsæl bók eins og Fimmtíu gráir
skuggar var fyrst gefin út sem rafbók og
þá af höfundi. Síðar kom stórt bókaforlag
til sögunnar og gaf bókina út í prentuðu
formi og þá fékk hún metsölu. Það breytir
því ekki að enn selst bókin gríðarlega vel
sem rafbók. Að sögn Jóhanns Páls má því
sjá vísbendingu um það hvernig rafbókin
og sú prentaða geta haft áhrif hvor á aðra
í framtíðinni. Rannsóknir í Bretlandi og
Bandaríkjunum sýna einnig að rafbóka-
væðing getur leitt til aukinna bókakaupa
þegar fram líða stundir. Þröskuldurinn til
bókakaupa lækki þegar verðið lækkar.
Egill segir að kostnaðarlækkun vegna rafbóka sé stundum ofmetin. „Það vill stund um gleymast í umræðu
um verðlagningu á rafbókum að sá kostn-
aður sem fellur niður hjá útgefanda við að
gefa út rafbók er ekki svo mikill ef horft
er til prentkostnaðar. En prentkostnaður
er ekki nema fjórðungur til þriðjungur af
heildarútgáfukostnaði. Það er annar kostn-
aður sem skiptir mestu. Ef við til dæmis
horfum til reyfara þá má nefna kostnað
við þýðingu, ritstjórn, yfirlestur, kápugerð
og ekki síst sölu og markaðssetn ingu
sem gegnir sífellt veigameira hlut verki
við útgáfu bóka. Þessi kostnaður hverfur
aldrei. Það er því ekki raunhæft, að mínu
mati, að ætlast til meiri lækkunar en þessi
20 til 25 prósent sem við sjáum núna. En
með aukinni endurútgáfu, til dæmis á
bókum sem við eigum á lager, mun verðið
lækka enn frekar. Þá er búið að gjaldfæra
allan kostnað við útgáfu og forlagið á út-
gáfuréttinn sem það getur auðveldlega nýtt
til rafbókaútgáfu.“
„Ég vil undirstrika það sem Egill er að
segja. Þegar fólk fær bók í hendurnar átt-
ar það sig ekki alltaf á hvað ofboðslega
mikil vinna liggur að baki fyrir utan hinn
eiginlega prentkostnað. Svo tekið sé dæmi
af ritstjórnarvinnu og prófarkalestri þá
leggjum við gríðarlegan metnað í vandaða
MiNNiSSTæðaR úTGÁfuR:
egill örn
Egill Örn segist hafa komið að fjöldanum öllum af afar spennandi og góðum
bók um á sínum til þess að gera stutta útgáfuferli. „Það er afar erfitt að nefna
einhverja sérstaka, en ætli fari ekki ágætlega á því að nefna sjálfa bók bókanna,
Biblíuna, en það var á sínum tíma mikil áskorun fyrir tiltölulega lítið bókaforlag,
JPV útgáfu, að takast á við svo mikið verkefni – að gefa út nýja heildarþýðingu
Biblíunnar. Eins yljar það nú alltaf um hjartaræturnar að geta endurútgefið ýmsar
perlur bókmenntasögunnar, bækur sem eiga sér kannski afar lítinn grundvöll
fjárhagslega en útgáfa þeirra bóka og fleiri er partur af þeirri skyldu okkar að
við halda í útgáfu helstu verkum íslenskrar útgáfusögu. Við höfum lagt mikinn
metnað frá upphafi í að rækta og standa við það hlutverk okkar.“
Egill Örn Jóhannsson, framkvæmdastjóri Forlagsins.