Frjáls verslun - 01.10.2012, Qupperneq 94

94 FRJÁLS VERSLUN 11. 2012
sjálfsendurgjöf
Enska orðið reflection er gjarnan þýtt á ís-
lensku sem spegilmynd, speglun, endur-
kast eða íhugun. Ég kýs að nota orðið
sjálfs endurgjöf til að lýsa hugtakinu reflect­
ion, í því samhengi sem hér um ræðir. Hug -
takið hefur notið vaxandi athygli í umræðu
um leiðtogahæfni og stjórnun síðustu ár.
Í sjálfsendurgjöf felst að líta yfir farinn
veg í þeim tilgangi að auka þekkingu
með því að draga lærdóm af reynslunni.
Ekki bara lifa atburðina heldur nýta þá
meðvitað til að efla hæfni okkar. Sjálfs-
endur gjöf getur þannig gefið reynslunni
nýjan tilgang. Þekking sem við öflum
okkur með því að lesa bækur eða hlusta
á sérfræðinga getur fleytt okkur ákveðið
langt en dýrmætust verður alltaf sú þekk-
ing sem skapast af eigin reynslu.
Margir halda því fram að stjórnendur
séu almennt of uppteknir í daglegu amstri
við að framkvæma. Þeir geri allt of lítið af
því að staldra við og og draga lærdóm af
reynslunni, m.ö.o. veita sjálfum sér endur -
gjöf (sjálfsendurgjöf). Þetta má einn ig segja
um hópa og teymi sem ættu tví mæla laust
að gefa sér tíma til að gera slíkt hið sama.
Allir stjórnendur ættu að gefa sér tíma
reglulega, hvort sem er daglega eða
vikulega, til að staldra við og meta stöð una.
Sjálfsendurgjöf er nú víða orðin sjálf sagður
hlutur í stjórnunarnámi, ekki síst MBA-
námi, m.a. í íslenskum viðskipta háskólum.
Í MBA -námi koma saman einstaklingar
sem auk þess að hafa háskóla menntun hafa
flestir marktæka starfs reynslu. Þeir hafa því
oft mörgu að miðla. Það má því telja líklegt
að í framtíð inni muni sífellt fleiri stjórn -
endur nýta þessa aðferð sem tækifæri til að
efla hæfni sína.
stjórnun á okkar tímum
Hið virta viðskiptatímarit Harvard Busi-
ness Review fagnaði níutíu ára afmæli
á árinu 2012. Af því tilefni ritaði einn af
fyrrverandi ritstjórum þess, Walter Kiechel
III, grein þar sem hann lýsir á áhugaverðan
hátt þróunartímabili stjórnunar frá því
seint á 19. öld og fram á þá 21. Hann stiklar
á stóru og er áhugavert að sjá hvernig hann
lýsir samtíma okkar. Hann talar um að fólk
geri kröfur um það í dag að því sé sýnd
virð ing og sanngirni. Fólk sætti sig ekki
við annað, jafnvel þó að atvinnutækifæri
geti verið takmörkuð. Það er ólíkt því
sem tíðkaðist fyrr á tímum þegar fólk lét
ýmislegt yfir sig ganga til að tryggja sér
atvinnu. Hann segir það staðreynd að
okkur hefur enn ekki tekist að finna leiðir
til að leysa úr öllum þeim áskorunum
sem stjórnun felur í sér. Því til stuðnings
vitnar Kiechel m.a. í Peter Drucker. Þegar
Drucker var að alast upp var það almenna
verkafólkið sem vann lengstan vinnudag.
Í dag eru það gjarnan stjórnendurnir sem
eru lengst allra á vaktinni. Þeir móttaka
hundruð tölvubréfa á dag og símtöl
hvaða næva úr heiminum, nánast allan
sólarhringinn. Síminn er á náttborðinu og
þeir eru jafnvel byrjaðir að lesa og svara
tölvu pósti áður en þeir fara framúr á
morgn ana.
Kiechel sér fyrir sér að verkefni stjórn-
enda muni áfram og í framtíðinni snúast
um það fyrst og fremst hvernig okkur tekst
að auka framleiðni fólks og fyrirtækja. Og
vegna þess að við erum manneskjur þá
erum við mannleg og það er ástæðan fyrir
því, að hans sögn, að við munum að öllum
líkindum aldrei finna hina einu réttu leið
til að stjórna. En hann er þess fullviss að
Sigrún Þorleifsdóttir
stjórnunarráðgjafi hjá Attentus –
mannauði og ráðgjöf ehf.
2012?
stjórnun
Hvað lærðir
þú í stjórnun á árinu
Á hverju ári vinna stjórnendur nýja sigra, ná nýjum markmiðum, prófa
nýjar leiðir, kynnast nýju fólki, nýrri tækni, nýjum aðferðum, gera ný
mistök, yfirstíga nýjar hindranir.
Hversu dugleg erum við að skoða okkar eigin frammistöðu í stjórnun
og draga lærdóm af reynslunni?
Hvað tek ég með mér frá árinu – hvað hef ég lært?
Hvað upplifði ég árið 2012 sem mun gera mig að betri stjórnanda
árið 2013?