Frjáls verslun - 01.10.2012, Side 139

FRJÁLS VERSLUN 11. 2012 139
Hvaðan kemur hugmyndin að
­nafninu­retro­Stefson?
Unnsteinn: Hljómsveitin spratt upp úr því
umhverfi eða tímabili þegar allt var kallað
vintage eða retro. Það var t.d. eitt sinn
haldið retróball í skólanum og þetta
þróaðist bara. Við Logi bróðir erum Stef­
ánssynir og eins uppeldisbróðir okkar,
Haraldur Ari. Bræður hans og við tveir
héngum alltaf saman. Við allir bræðurnir
erum hljómsveitin.
Uppáhaldstónlist?
Unnsteinn: Ég lít upp til Bjarkar og margra
annarra tónlistarmanna í kringum mig hér
á Íslandi og svo finnst mér alltaf gaman
að heyra eitthvað nýtt. Af erlendri hipp­
hopptónlist er ég hvað hrifnastur af Flying
Lotus. Svo er ég mjög hrifinn af raftónlist.
Ég sem mestalla tónlist Retro Stefson og
Þórður gítarleikari á nokkur lög. Logi bróðir
kemur síðan mikið nálægt útsetningunum.
Gert út frá Berlín
Það vakti mikla athygli þegar bandið fluttist
til Berlínar. Hvernig gekk þar?
Logi: Já, Retro Stefson bjó og starfaði í
Berl ín í hálft ár 2011. Berlín er æðisleg borg
og það var gaman að búa þar. Á þessu
tímabili spiluðum við á tónleikum víðsvegar
um Evrópu, fórum m.a. til Eistlands,
Póllands, Króatíu, Danmerkur, Noregs og
Bretlands. Þetta voru yfirleitt um tveggja
vikna túrar og svo var þriggja vikna hlé sem
við nýttum til að vinna tónlistina. Við vorum
með samning við útgáfufyrirtæki og gáfum
út plötu í Þýskalandi.
Á tónleikum með Retro Stefson er hægt
að bóka að góð stemning sé í salnum.
Áhorfendur dansa og hoppa undir lögun­
um en sveitin er einmitt þekkt fyrir að vera
með skemmtilegar uppákomur á tónleikum
sínum og virkja áhorfendur.
Myndir: Geir ólAfsson / TexTi: Hrund HAuKsdóTTir
meðlimir:
unnsteinn manuel stefánsson – gítar og söngur
logi Pedro stefánsson – bassi
Þórður Jörundsson – gítar
Jón ingvi seljeseth – píanó
gylfi sigurðsson – trommur
Þorbjörg roach gunnarsdóttir – hljóðgervill
haraldur ari stefánsson – slagverk og söngur