Þjóðlíf - 01.12.1990, Side 22

SKÁK
HÁLFIIR SIGUR
ísland í hópi tíu efstu þjóða þráttfyrir tap fyrir Sovétmönnum í siðustu umferð
að var dimmt og drungalegt í borg-
inni Novi Sad á Dónárbökkum þegar
íslenska sveitin kom þangað til keppni á
ólympíumótinu í skák. Yfir öllu lá þoka og
mengunarbræla. Þokan var táknræn fyrir
þá óvissu sem ávallt ríkir í upphafi þessa
stórviðburðar. Verður gæfan okkur hlið-
holl? Munum við ná að sýna okkar besta?
Á setningardaginn voru 108 sveitir
mættar til leiks og hjá öllum ríkti sama
óvissan. Óvissa og eftirvænting. Þó voru
væntingarnar ólíkar. Sumir, eins og ís-
lenska sveitin, voru komnir til að spila
upp á verðlaun eða a.m.k. sæti í hópi
hinna bestu. Aðrar sveitir koma í von um
að fá að reyna krafta sína við hina stóru í
einstaka skák og - ef gæfan verður með - að
ÁSKELL ÖRN KÁRASON
jafna um einhvern stórmeistarann. Enn
aðrir, t.d. flestir frá þriðja heiminum svo-
kallaða, eru komnir til þess eins að vera
með og læra- sýna sig og sjá aðra.
Þannig skiptist þessi 108 þjóða hópur
gróflega í þrennt; toppþjóðirnar sem tefla
uppá verðlaun, miðlungsþjóðir sem geta
verið hættulegar hverjum sem er og fara
heim ánægðar ef þeim hefur tekist að
leggja að velli svosem eina stórþjóð, og
smáþjóðir á skáksviðinu sem eru enn í
sporum byrjenda. Það einkenndi reyndar
þetta ólympíuskákmót, það 29 í röðinni,
að hinar veikari þjóðir eru sterkari en
áður, byrjendurnir læra sínar lexíur sífellt
betur.
Þjóðir Evrópu og Norður-Ameríku
hafa forystu á skáksviðinu, á hæla þeirra
nokkrar Asíuþjóðir með Indverja og Kín-
verja í broddi fylkingar, í Rómönsku Am-
eríku stendur skákin einnig á gömlum
merg. Aðrir heimshlutar eru skemmra
komnir en enginn vafi er á því að skákin
breiðist ört út og vinsældir hennar fara
vaxandi, t.d. í Afríku, í Arabaheiminum
og í Austur-Asíu. Þar kom að þokunni
létti og Novi Sad kom í ljós; einkennileg
blanda af glæsilegum klassískum Mið-
evrópskum arkitektúr, smekklausum
steinsteypuferlíkjum og látlausum,
þreytulegum byggingum sem báru við-
haldsdeild borgarinnar ófagurt vitni. En
samt fallegri en hún virtist vera í þoku-
brælunni fyrsta daginn.
Með batnandi skyggni skýrðust línurn-
ar í mótinu; stórveldin þrjú, Sovétríkin,
England og Bandaríkin tóku ásamt heima-
mönnum forystuna í sínar hendur.
óður íslensku sveitarinnar var þung-
ur framan af; sveitin er þekkt stærð í
skákheiminum, andstæðingar okkar
komu ávallt vel undirbúnir til leiks og við
urðum oftast nær að sætta okkur við
nauman sigur. Það var ekki fyrr en mótið
var hálfnað að við höfðum náð að olnboga
okkur upp í hóp efstu þjóða - til að sitja þar
það sem eftir lifði mótsins. Greinilegt var
að sveitin tefldi betur eftir þetta og bar-
áttuandinn efldist eftir því sem andstæð-
ingurinn var sterkari. Við vorum nærri
sigri í viðureignum okkar við Bandaríkin
og England, þar sem þeir Jóhann Hjartar-
son og Jón L. Árnason unnu báðir góða
sigra. I báðum viðureignunum náðu and-
stæðingar að jafna metin seint og um síðir,
einkum voru heilladísirnar brokkgengar
er Jón L. missti niður unna stöðu í tíma-
hraki og tækifærið til að vinna stórsigur
gekk okkur úr greipum. Jón bætti reyndar
Tuttugu efstu þjóðir
1. Sovétríkin ...................................................... 39.0
2. Bandaríkin ...................................................... 35.5
3. England......................................................... 35.5
4. Tékkóslóvakía ................................................... 34.5
5. Júgóslavía ...................................................... 33.0
6. Kína ............................................................ 33.0
7. Kúba............................................................ 33.0
8. ísland ......................................................... 32.5
9. Þýskaland....................................................... 32.5
10. Indland ........................................................ 32.5
11. Svíþjóð.......................................................... 32.5
12. Holland......................................................... 32.5
13. Júgóslavía B .................................................... 32.5
14. Búlgaría......................................................... 32.0
15. Frakkland....................................................... 32.0
16. ísrael .......................................................... 32.0
17. Ungverjaland ................................................... 32.0
18. Pólland ........................................................ 32.0
19. Mexikó ......................................................... 32.0
20. Kólumbía ........................................................ 31.5
22 ÞJÓÐLÍF