Þjóðlíf - 01.12.1990, Síða 59

Dómkórinn syngur við Tómasarkirkjuna í Leipzig haustið 1989 undir stjórn Marteins H. Friðrikssonar.
MEÐ GLEÐIRAUST
Dómkórinn gefur út plötu og disk með þekktum jólalögum og mótettum.
Söguleg fœðing - upptökunum stolið!
Um þessar mundir kemur út „MEÐ
GLEÐIRAUST", plata og geisladiskur
með Dómkórnum í Reykjavík. Þar syng-
ur hann þekkt jólalög og mótettur undir
stjórn Marteins H. Friðrikssonar. Lögin
eru frá 16. öld og fram til Sigvalda Kalda-
lóns, íslensk og erlend, t.d. „Nóttin var
sú ágæt ein“, „Guðs kristni í heimi“,
„Bjart er yfir Betlehem“, og „Það aldin
út er sprungið“, svo einhver séu nefnd.
iskurinn og platan hljóta nafn sitt af
laginu „Með gleðiraust og helgum
hljóm“ en það er gamalt íslenskt jólalag,
-var raunar „aðaljólalagið" áður en
„Heims um ból“ kom til eins og Bjarni
Þorsteinsson segir í þjóðlagasafni sínu.
Að auki má geta stærri verka eftir
Brahms, Distlerog Praetorius. Dómkór-
inn gefur sjálfur út. Nú eru í kórnum um
sextíu manns á aldrinum sextán ára til
fimmtugs.
Upptökur fóru fram í Skálholti 1989 og
1990. Skömmu eftir að þeim lauk í fyrra
vetur var brotist inn í Stúdíó Stemmu.
Innbrotsþjófurinn hafði á brott með sér
dýr tæki og spólur, -m.a. upptökur Dóm-
kórsins. Að sögn Marteins H. Friðriks-
sonar, stjórnanda kórsins, stóð mönnum
ekki á sama um þróun mála, enda virtist
ómæld vinna kórfélaga og Sigurðar Rún-
ars Jónssonar upptökumanns að engu
orðin. Kórinn hafði dvalið langdvölum í
Skálholti við upptökur, fyrir utan að æfa
lögin.
Eftir nokkra leit tókst Rannsóknarlög-
reglu ríkisins að góma þjófinn en þá kom í
ljós að hann hafði losað sig við hluta af
spólunum í höfnina. Þær reyndust allar
hafa verið auðar. Kórfélögum létti og
þökkuðu þeir RLR fyrir með því að halda
stutta tónleika fyrir utan hús hennar í
Kópavogi. Ekki reyndist björninn þó
unninn. Illa gekk að pressa plötuna
hnökralaust hér á landi og fór svo að lok-
um að hún var send til Englands í vinnslu.
Þar með lauk að líkindum viðburðaríkri
útgáfusögu þessarar jólaplötu. Hún kom á
markað í byrjun desember.
Dómkórinn varð til í núverandi mynd
árið 1985 þegar sérstakur tónleikahópur
var myndaður við Dómkirkjuna. Hann
einbeitir sér að því að flytja gamla og nýja
kirkjutónlist, auk þess að kynna íslensk
veraldleg verk í útlöndum. Árlega fær
hann íslenskt eða erlent tónskáld til að
semja tónverk fyrir sig. Hann fer reglu-
lega í tónleikaferðir, síðast um Austur-
Evrópu haustið örlagaríka 1989. Þar söng
kórinn í Leipzig, Dresden og Meissen,
sem þá voru í A-Þýskalandi, og Prag,
skömmu áður en skörð komu í múrinn. í
sumar heldur Dómkórinn til Spánar á
Evrópu-kantötu sem er gríðarlega stórt
kóramót, haldið víðs vegar um Evrópu
annað hvert ár.
0
ÞJÓÐLÍF 59