Þjóðlíf - 01.12.1990, Qupperneq 95

framundan er framleiðsla á leikinni heim-
ildarmynd um Jón Leifs tónskáld. Þetta
verkefni verður framleitt í samvinnu við
Ríkissjónvarpið og er hér að mörgu leyti
tímamótasamkomulag milli sjónvarpsins
og einkaaðila að ræða. Eitthvað sem á von-
andi eftir að draga dilk á eftir sér.“
Eigendur og fastir starfsmenn Klapp-
film eru þeir Þorbjörn A. Erlingsson
(hljóð) og Ólafur Rögnvaldsson (mynd)
en báðir eru þeir menntaðir í alhliða kvik-
myndagerð og taka að sér upptökustjórn.
Einnig eru nokkrir lausamenn- og konur
sem aðstoða þá við gerð og undirbúning
viðameiri verkefna. Fyrirtækið var stofn-
að í janúar 1989 og er til húsa á Klapparstíg
26.
Þeir í Klappfilm fást aðallega við gerð
sjónvarpsþátta, kynningamynda, og aug-
lýsinga. Um vinnuaðferðir fyrirtækisins
sagði Ólafur; „Við höfum reynt að vera
léttbyggðir, fjárfesta sem minnst þannig
að skuldbindingar sem fylgja dýrum
tækjakaupum bindi okkur ekki niður, það
er yfirnóg af græjum í landinu hvort eð er
og hagkvæmara að leigja.“ Jafnframt tal-
aði Ólafur um gæðamun myndbandakerf-
isins og filmu: „Við vinnum mest á mynd-
Karl og Hlynur Óskarssynir hjá Frost Film
unnu m.a. að Foxtrot, en hafa gert garðinn
frægan í auglýsingamyndagerð.
band, en höfum einnig til umráða Sup-
er-16mm vél og bjóðum kúnnanum að
taka sjónvarpsefni á filmu ef menn vilja
tryggja að myndefni lifi þær tæknibreyt-
ingar sem verða á sjónvarpskerfum í ná-
inni framtíð, með breiðari og stærri
skermum og meiri myndgæðum. Þessi
leið er í mörgum tilfellum lítið dýrari en
myndbandið. Annars eru græjur lítils
virði ef góðar hugmyndir eru ekki til stað-
ar.“
Hjá Klappfilm stendur yfir undirbún-
ingur að gerð barnamyndar, sem byggð er
á sögunni Blómin á þakinu eftir Ingi-
björgu Sigurðardóttur. Það er stefnt að
því að sýna hana bæði á hvíta tjaldinu og
svo síðar sem þáttaröð í sjónvarpinu. Þor-
Þorgeir Gunnarsson, Sonja B. Jónsdóttir, Hilmar Oddsson og Guðmundur Kristjánsson íNýja
Bíói.
björn Erlingsson: „Það er illa hlúð að
barnaefni hérlendis og mikill skortur á
því. Það er áríðandi að Ríkissjónvarpið
komi inn sem þriðji aðili við framleiðslu á
Blómunum svo að úr verkefninu verði.“
Annað verkefni sem er á döfinni hjá
Klappfilm er gerð myndaflokks um sögu
ljósmyndunar á íslandi og gengur undir
vinnuheitinu Ásýnd þjóðar en það verk-
efni hlaut undirbúningsstyrk úr kvik-
myndasjóði íslands.
Um framtíð og stefnu fyrirtækisins
sagði Þorbjörn: „Hjá Klappfilm er stefnan
upp á við og áætlað að fara út í framleiðslu
stærri verkefna, en til þess þarf bersýni-
lega að hefja samstarf við erlenda aðila, því
að það verður ekki séð að íslenskar myndir
verði gerðar með íslenskum peningum, og
stöndum við einmitt í samstarfsviðræðum
núna.“
Frost Film var stofnað í lok ársins 1984.
Eigandi fyrirtækisins er Karl Óskarsson
kvikmyndagerðamaður, um reksturinn
sér Hlynur Óskarsson. Til liðs við sig
hefur Frost Film fengið fjölda lausamanna
sem aðstoða við hinar ýmsu hliðar kvik-
myndagerðar, svo sem hönnun og bygg-
ingu leikmynda, förðun, gerð handrita og
svo mætti lengi telja.
Auglýsingagerð er þeirra aðalstarf og hafa
þeir gert um 240 sjónvarpsauglýsingar.
Sex þessara auglýsinga hafa fengið útnefn-
ingu á Nordic Commercial Film Festival.
Frost Film er þó einna best þekkt fyrir
kvikmyndina Foxtrot sem þeir fram-
leiddu í samvinnu við Norðmenn. Um
41.000 manns sáu myndina hérlendis og
myndin var seld í heimsdreifingu á kvik-
myndahátíðinni á Cannes 1988.
Um tækjabúnað fyrirtækisins sagði
Hlynur: „Við tókum snemma þá stefnu að
fjárfesta sem minnst í tækjakosti og inn-
anstokksmunum. í samdrætti síðustu
tveggja ára hefur það komið sér vel. í dag
getum við hreyft okkur hratt, hegðað okk-
ur á allan hátt samkvæmt eðli kamelljóns-
ins.“
Framtíðaráform hjá Frost Film er að
reyna fyrir sér á erlendri grundu í gerð og
vinnslu sjónvarpsauglýsinga og tjáði Karl
mér: „Þekking íslenskra auglýsingagerða-
manna er fyllilega sambærileg við skand-
inavíska kollega þeirra." Önnur áform hjá
Frost Film er að halda áfram með tvö
handrit sem eru í vinnslu, annað fyrir
sjónvarp og hitt fyrir kvikmynd í fullri
lengd.
Um stöðu kvikmyndagerðar á íslandi í
dag sagði Karl: „Kvikmyndagerð er tísku-
fag og árlega flykkjast hingað heim ungir
krakkar úr námi í greininni. Það er erfitt
að sjá fyrir sér taktfestu eða jafnvægi í
tilveru kvikmyndagerðamannsins. Kvik-
myndasjóður íslands er eins og síldin,
kenjóttur og óútreiknanlegur. Stöðug at-
vinna í þessari grein heyrir brátt sögunni
til nema fyrir fáa útvalda. Það sem af er
þessu ári hefur eitt kvikmyndafyrirtæki
farið á hausinn og öðru var rétt bjargað
fyrir horn.“
Um stöðu Frost Film í dag og í framtíð-
inni sagði Karl; „Við gerum fleiri kvik-
myndir, betri auglýsingar og hegðum
okkur á allan hátt eins og sönnum íslend-
ingum sæmir í hákarlasjó heimskvik-
my ndagerðarinnar. ‘ ‘
Sigurður Grímsson og Karl Sigtryggs-
son eru eigendur fyrirtækisins Þumall og
skráðu þeir það í október 1984. Árið 1987
yfirtók Þumall rekstur Myndvarps h.f. og
hefur síðan rekið alhliða myndvinnslu
með tilheyrandi tæknibúnaði til fullnaðar-
vinnslu myndefnis fyrir sjónvarp. „Við
búum yfir fullkomnu hljóð- og myndveri
ÞJÓÐLÍF 95