Frjáls verslun - 01.03.2015, Síða 36

36 FRJÁLS VERSLUN 3 tbl. 2015
á kostnaðargrunni og er kostnaðurinn
við hann mun lægri en í sambærilegum
sjóðum. Styrkurinn liggur síðan ekki síst í
ein staklingunum en hjá sjóðnum eru fáir
starfs menn með mikla þekkingu, reynslu
og ábyrgðarkennd sem vinna mjög þétt
saman og innan hópsins ríkir mikið traust.
Við vinnum eftir skýru og faglegu ferli án
þess að það komi niður á sveigjan leika.
Sveigjanleikinn byggist m.a. á því að við
sækjum okkur þekkingu utan sjóðs ins
þegar við á og eftir verkefnum hjá sér fræð ­
ingum á hverju sviði fyrir sig.
Hvað varðar veikleika þá er að mínu
mati ákveðin áhætta fólgin í því að starfs ­
menn eru ekki eigendur og þar sem við
er um svo fá og setjum okkur mjög vel
inn í hvert verkefni fyrir sig er hætta á
því að sú mikla reynsla og þekking sem
hér hefur byggst upp hjá hverjum og ein ­
um starfsmanni fyrir sig hverfi með við ­
komandi.
6.
Framtakssjóðurinn var stofnaður sem
fjárfestingarsjóður til 10 ára – en að
hægt væri að framlengja starfsemi sjóðs ­
ins í um tvö ár. Eru hins vegar ekki allar
líkur á að þessari stefnu verði breytt
og að hin gífurlega ávöxtun sjóðsins
verði til þess að hann sé kominn til að
vera í íslensku atvinnulífi vegna mikils
hagnaðar?
Nýfjárfestingatímabili Framtakssjóðsins
lauk núna í lok febrúar sl. og því förum
við ekki inn í ný verkefni en við höfum
áfram tækifæri á því að auka hlutafé í
þeim eignum sem eru í eignasafninu. Ég
lít svo á að höfuðverkefni okkar sé að
ávaxta með bestum hætti þá fjármuni sem
okkur er trúað fyrir. Það er hins vegar
ekki mitt að svara til um það hvort eða
hvernig eigendur okkar vilja nýta sér þá
umgjörð og þekkingu sem hefur orðið
til á undanförnum árum. Meðal eigenda
hefur verið umræða um stofnun nýs sjóðs
og lögðum við af stað í að kynna þær
hugmyndir sem við sáum fyrir okkur í þeim
efnum. Þar var um að ræða sjóð sem væri
stór og gæti komið öflugur að verkefnum.
Sá sjóður myndi vera settur upp með
svipuðum hætti og núverandi sjóður en
með aðrar áherslur í fjárfestingum. Hug ­
myndin er að sá sjóður myndi koma til
móts við þær miklu þarfir sem liggja í kerf ­
inu núna þ.e. fjárfestingar í innviðum og
orku aðallega. Mitt mat er að þarna liggi
mikil tækifæri bæði fyrir hið opinbera og
fyrir lífeyrissjóðina. En eins og staðan er
núna hefur ekki náðst að safna í þá stærð
sem við teljum heppilega til þess að stofna
sjóð sem þennan.
7.
Framtakssjóðurinn hefur blandast inn
í umræðuna um að lífeyrissjóðir séu
of valdamiklir í atvinnulífinu og er þá
horft til eignarhluta þeirra í nokkrum
af stærstu fyrirtækjum landsins. Er
Framtakssjóðurinn orðinn valdablokk í
íslensku atvinnulífi?
Fyrir lífeyrissjóðina, sem eru öflugustu fjár ­
festar á íslenskum markaði eins og staðan
er í dag, er mikilvægt að koma að faglegum
sjóði sem þessum. Með því koma þeir ekki
að ákvörðun um einstakar fjárfestingar,
sem er í höndum stjórnar viðkomandi
sjóðs. Það minnkar verulega hættuna á
hags munaárekstrum.
Þessi gagnrýni var nokkuð áberandi í
upphafi sjóðsins og stafaði sumpart af
stærð hans og eðlilegum ótta vegna þeirr ­
ar stöðu sem upp var komin í íslensku
atvinnu lífi. Slíkri gagnrýni er erfitt að
svara nema með verkum. Sjóðurinn hef ­
ur fjárfest í níu félögum og nú þegar selt
sex þeirra. Framtakssjóðurinn hefur því
staðið við þau fyrirheit að selja eignir
þegar við höfum talið að hlutverki sjóðs ­
ins við endurskipulagningu sé lokið.
Árangur sjóðsins byggist á því að gera
þær breytingar sem skapa verðmæti fyrir
hlut hafa og skila þeim góðri ávöxtun. Ef
hugsunin hefði verið sú að koma sér upp
viðskiptalegu valdatæki væri sjóðurinn
vænt anlega með flest fyrirtækjanna enn í
eignasafni sínu. Slíkt er ekki og hefur aldrei
verið stefna okkar.
8.
Framtakssjóðurinn hagnaðist verulega
á sölu hlutabréfa í Icelandair Group en
í upphafi keypti hann þar um 33%. Var
rangt að selja bréfin svo snemma í ferlinu
miðað við velgengni í ferðaþjónustu á
Íslandi og hina stórkostlegu ávöxtun
hlutabréfa í Icelandair Group á árunum
2012 til 2014? Var ekki verið að fórna
verulegum hagnaði Framtakssjóðs
með því að selja svo snemma – og
jafnvel þótt kaupendur væru að mestu
lífeyrissjóðir með eignarhlut í sjóðnum?
Sjóðurinn seldi hlut sinn í Icelandair Group
í nokkrum áföngum og fékk á hverj um
tíma markaðsverð fyrir hlut sinn. Hlutverki
forsíðuViðtal
Valdablokk? „Sjóðurinn hefur fjárfest í níu félögum og nú þegar selt sex þeirra.
Framtakssjóðurinn hefur því staðið við þau fyrirheit að selja eignir þegar við höfum
talið að hlutverki sjóðsins við endurskipulagningu sé lokið.“

MBA

www.mba.is
PIPA
R
\TB
W
A
•
SÍA
•
15
13
3
5
TAKTU FRUMKVÆÐI
AÐ EIGIN FRAMA
MBA-námið við Háskóla Íslands er tveggja ára meistaranám með vinnu, hugsað fyrir þá
sem hafa reynslu af stjórnunarstörfum og vilja auka þekkingu sína og færni í stjórnun
og rekstri til að eiga betri möguleika á að takast á við forystuhlutverk í atvinnulífinu.
Mikið er lagt upp úr að styrkja nemendur og leggja grunn að starfsframa þeirra.
ALÞJÓÐLEG VOTTUN. MBA-námið við Háskóla Íslands hefur öðlast alþjóðlega vottun
frá Association of MBA's (AMBA) en aðeins um 200 háskólar hafa náð þeim áfanga að
undangengnu umfangsmiklu mati á gæðum námsins.
Umsóknarfrestur til að sækja um MBA-námið er til 25. maí.
MARGRÉT HAUKSDÓTTIR
FORSTJÓRI ÞJÓÐSKRÁR ÍSLANDS
MBA 2010
KATRÍN M. GUÐJÓNSDÓTTIR
MARKAÐSSTJÓRI INNNES
MBA 2015
JÓN ÓLAFUR HALLDÓRSSON
FORSTJÓRI OLÍS
MBA 2012
Fjarskipti (Vodafone) er eitt þeirra fyrirtækja sem Framtakssjóðurinn eignaðist, setti á markað og
seldi síðan með 3 milljarða króna hagnaði.