Frjáls verslun - 01.03.2015, Page 49

FRJÁLS VERSLUN 3 tbl. 2015 49
fasteigna er nú orðið svipað því
sem það var fyrir tíu árum og
enn hærra en það var í upphafi
aldar.
Þessi þróun hefur að einhverju
leyti átt sér stað vegna þess að
lítið sem ekkert var byggt í kjölfar
hrunsins. Það hefur leitt til þess
að eðlileg eftirspurn þjóðfélags
með vaxandi fjölda íbúa hefur
aukist en framboð þangað til
nýlega stóð í stað. Auk þess
hefur eftirspurn eftir húsnæði á
Reykjavíkursvæðinu, aðallega
miðbænum, verið mikil vegna
þess að fjölgun ferðamanna til
landsins og leit þeirra að leigu­
húsnæði hefur aukið þrýstinginn
enn meira. Auk þess hefur
efnahagur landsins verið töluvert
betri undanfarin ár en bjartsýn­
ustu menn þorðu að vona árin
2008­2010.
fastEignafélög
Mörg fasteignafélög voru
stofnuð í kjölfar hrunsins þar
sem bankar fengu í kjöltu sína
ýmis fasteignafélög sem voru illa
stödd. Núna, þegar fasteigna­
verð er að ná sér á strik á nýjan
leik, hafa þrjú félög verið skráð
í kauphöllina Nasdaq Iceland.
Fasteignafélagið Reginn var
skráð sumarið 2012, Reitir voru
skráðir 9. apríl og Eik 29. apríl.
Þar sem þrjú fasteignafélög eru
skráð í kauphöllina gefur það
fjölda einstaklinga tækifæri til að
fjárfesta í flokki fasteignafélaga.
Ávöxtun þeirra sem fjárfestu
í Regin í upphafi hefur verið
framúrskarandi, enda hefur virði
þess (auk arðgreiðslna) um
það bil tvöfaldast fram að fyrri
hluta ársins 2015. Markaðsvirði
félagsins er um það bil 22
milljarðar króna, sem er meira en
markaðsvirði tryggingarfélagsins
Tífaldast
Virði Icelandair Group hefur tífaldast
í Kauphöllinni síðustu fimm árin.