Frjáls verslun - 01.03.2015, Page 84

84 FRJÁLS VERSLUN 3 tbl. 2015
Ókunnugt fólk í íbúðinni minni
Þegar April Rinne hélt fyrirlestur um deilihagkerfið í Gamla bíói í Reykjavík var ókunnugt fólk í
íbúðinni hennar í San Francisco. Hún er ekki bara einn helsti sérfræðingur heims um
deilihagkerfið heldur virkur þátttakandi í því líka.
April Rinne með fyrirlestur í Gamla
bíói um deilihagkerfið:
D eilihagkerfi er nýtt hugtak. Og í kringum deilihagkerfið er að verða til ný
grein hagfræðinnar með nýjum
hug tökum og svo koma nýjar
reglu gerðir sem eiga að koma
bönd um yfir þetta fyrirbæri. Samt
er þetta eldgamalt.
„Deilihagkerfi er bara nýtt orð
yfir afgamlan samskiptamáta
fólks. Alltaf á öllum tímum hefur
fólk fengið lánað hjá nágrann an­
um og skipst á hlutum, annað­
hvort gegn vægu endurgjaldi
eða í skiptum fyrir annað,“ segir
April Rinne, sem er lögfræðing­
ur að mennt og hefur starfað
fyrir meðal annars OECD og
World Economic Forum við að
útskýra hvað þetta deilihagkerfi
eiginlega er.
Hún er vinsæll fyrirlesari og hélt
erindi á ráðstefnu Point Zero í
Gamla bíói nú í apríl.
Þræðir samfélagsins
„Ég ferðast mjög mikið og ef ég
er á eigin vegum nota ég AirBnB
til að finna húsaskjól og ég leigi
alltaf út mína eigin íbúð. Núna
var þar fólk frá Ástralíu. Fólk sem
ég þekkti ekkert en það bjó áður
í hverfinu og þekkir fólk sem býr
þar núna og er nágrannar mínir.
Núna hef ég kynnst þessum
nágrönnum í gegnum fólkið
frá Ástralíu sem ég þekkti áður
ekkert. Þetta er deilihagkerfið,“
segir April.
deiliHagkerfi
April Rinne, lögfræðingur og virkur þátttakandi í deilihagkerfinu.
viðTal: GíSli kriSTJánSSon