Frjáls verslun - 01.03.2011, Blaðsíða 68

68 FRJÁLS VERSLUN 3.tbl.2011
Karl Þráinsson, for stjóri ÍAV hf., segir tónlistar­ og ráð stefnuhúsið, sem er 28 þúsund
fermetrar að stærð, vera stærsta
verk fyrirtækisins til þessa. Vel
á annað þúsund manns hafa
komið að verkinu frá því að það
hófst árið 2006 þegar Faxaskáli
var rifinn og grunnurinn grafinn.
Undirverktakarnir hafa alls verið
um 70. Samhæfingin hefur þess
vegna þurft að vera mikil.
„Það hefur verið mjög hæft og
öflugt stjórnunarbatterí í kring um
verkið sem hefur verið stærra og
flóknara en menn hafa unn ið við
áður. Þess vegna þurfti gríðar ­
legan undirbúning til þess að
koma sér inn í verkið. Svona
gler hjúpur eins og er á Hörpu
hefur ekki verið gerður áður og
miðað við íslenskar aðstæður
slær allt tæknikerfið út það sem
menn hafa verið að vinna með
hér á Íslandi,“ segir Karl.
Allir lögðust á eitt
„Það óvenjulega við þetta verk
miðað við önnur stór verkefni
sem hafa verið framkvæmd
er kannski að arkitektarnir og
verkfræðingarnir hafa verið
undir okk ar stjórn, það er aðal­
verktakans, og það er mitt mat að
þetta hafi komið nokkuð vel út.
Svona verkefni verður ekki unn­
ið nema allir leggist á eitt um að
vinna vel saman,“ bætir Karl við.
Undanfarna mánuði hafa um
700 manns unnið við framkvæm­
dirnar en hafa alla jafna verið á
milli 200 og 300, að því er Sigurð­
ur Ragnarsson, framkvæmda­
stjóri byggingarframkvæmdanna
fyrir hönd ÍAV, greinir frá. „Við
höfum unnið við þetta í fimm ár
og fjöldi starfsmanna hefur verið
frá nokkrum tugum upp í 700 nú
síðustu mánuðina. Alls hafa vel á
annað þúsund manns komið að
verkinu.“
Það er mat Sigurðar að hefði
framkvæmdum verið hætt hefðu
mörg hundruð manns verið án
atvinnu. „Þeir sem unnu beint
við húsið hefðu verið atvinnu­
lausir og einnig þeir sem störf­
uðu ekki á staðnum en höfðu
óbeina vinnu af húsinu. Verk­
stæði hafa verið að smíða fyrir
okkur og svo hafa efnissalar og
birgjar haft af þessu tekjur. Mig
minnir að þegar hrunið varð hafi
mönnum talist til að um 600­700
manns hafi haft af þessu beina
og óbeina vinnu. Menn hefðu
klárlega ekki getað gengið í önn­
ur verkefni ef þetta hefði verið
slegið af. Við sjáum það á reynsl­
unni í byggingargeiranum.“
Sigurður segir það mikið
gæfuspor að haldið hafi verið
áfram með framkvæmdirnar.
„Menntamálaráðherra og borgar­
stjóri sýndu dirfsku með því
að keyra þetta áfram. Það var
auð vitað umdeilt á sínum tíma í
hvað ætti að nota peningana en
staðan var bara þannig að það
var dýrara að hætta en að halda
áfram. Það var búið að gera svo
marga samninga sem hefði þurft
að rifta með tilheyrandi kostnaði.
Ef samningnum við Kínverja um
glerhjúpinn hefði verið rift hefði
hugsanlega aldrei náðst að semja
við þá aftur.“
Stór hluti af veltunni
Framkvæmdirnar við Hörpu
hafa verið stór hluti af veltu ÍAV
síð astliðna mánuði, að því er
Karl Þráinsson forstjóri greinir
frá. „Við þurfum að bregðast við
þeirri staðreynd að verkefnum
okkar er að fækka og höfum
þegar gert það að hluta til. Við
höfum þess vegna því miður sagt
upp töluverðum fjölda starfs­
manna sem tengjast byggingar­
framkvæmdunum og í heildina
eru þetta 150 til 160 manns.“
Að sögn Karls er fyrirtækið
með verkefni í tengslum við
álverin í Straumsvík og í Helgu­
vík auk vinnu við verksmiðju
Carbon Recycling International
á Reykjanesi. „Þar að auki er
nýbúið að taka tilboði okkar
í jarðgöng í Noregi og er það
verkefni upp á 8,5 milljarða
króna án virðisauka. Við reikn­
um með að taka þónokkurn
mannskap frá Íslandi í það verk
en þó annan en þann sem er í
byggingarvinnu.“
Harpan stærsta verkið
Vel á annað þúsund manns komið að framkvæmdum við tónlistar- og
ráðstefnuhúsið. Undirverktakarnir hafa alls verið um 70 talsins.
„Það hefur verið mjög
hæft og öflugt stjórn­
unarbatterí í kringum
verkið sem hefur verið
stærra og flóknara en
menn hafa unnið við
áður.“
Harpa er 28 þúsund fermetrar að
stærð.
Byrjað var að steypa húsið 2007
alls eru um 26 þúsund rúmmetrar
af steypu í Hörpu
Glerhjúpurinn er 12 þúsund
fermetrar. nær 960 kubbar að
sunnanverðu. Hver þeirra vegur
600 kg. Þessir kubbar mynda um
fjórðung glerhjúpsins
alls hafa vel á annað þúsund
manns komið að framkvæmdunum
mikið kennileiti í reykjavík
Karl Þráinsson, forstjóri ÍAV