Frjáls verslun - 01.03.2011, Blaðsíða 97

FRJÁLS VERSLUN 3.tbl.2011 97
É
g er með aðstöðu í
Viðskiptaráði Íslands
og í grunninn gengur
starfið út á að reka
félagið og halda utan
um alla þræði í náinni samvinnu
við formann og stjórn. Þessa
dag ana erum við að taka á móti
mörgum nýjum félagskonum
enda ótrúlegur uppgangur í
fél aginu og félagskonur að
nálgast 700.
Konur í rekstri eru jú fjársjóður
út af fyrir sig. Þó að við leggj­
um mikla áherslu á að það sé
gaman í félaginu er eitt af mark­
miðum þess að fjölga konum í
ábyrgðarstörfum í atvinnulífinu
og stjórnum. Hinn 13. maí ætl­
um við einmitt að leggja okkar
á vogarskálarnar við að virkja
karla og konur til athafna því
þá höldum við alþjóðafund sem
ætlað er að ýta undir umræðu
um kynjahlutföll í stjórn en lög
um kynjakvóta taka gildi 2013.
Við fáum tvær erlendar kon ur
sem þekkja til reynslu Norð­
manna í þessum efnum og
mark miðið er sem sé að ræða
jafn réttismál. Þennan fund höld­
um við ásamt VÍ og SA, það
er þeim aðilum viðskiptalífsins
sem þykir vert að minna á að
eingöngu 15% af íslenskum
fyrir tækjum voru með blandaðar
stjórnir árið 2009. Út maí og júní
tekur svo við aðalfundurinn okk­
ar í Hörpu þar sem við kynnum
nýjar tölur í rannsókn Credit­
Info um stjórnarsetu kvenna í
íslenskum fyrirtækjum og svo
skellum við okkur í veiði, golf og
spennandi utanlandsferð með
félaginu í haust til Boston. Það er
óskaplega erfitt að láta sér leiðast
í forréttindastarfi sem þessu.
Annars ætla ég að spila
heil mikið golf í sumar, njóta
ís lenska sumarsins í botn enda
fátt betra en að sitja úti á palli á
góð um sumardegi í golfskálan­
um á Seltjarnarnesi eftir góðan
hring í frábærum félagsskap.
Hvað varðar getuna í golfi þá
leyfi ég Margeiri Vilhjálmssyni,
félaga mínum og fyrrverandi
framkvæmdastjóra GR, að lýsa
henni, en hann sagði eitt sinn
um golffélagsskapinn minn að
við værum fyrirferðarmesti golf­
hópurinn með minnstu getuna
… Það var þá, nú erum við að
sjálfsögðu orðnar miklu betri
og verðum ósigrandi á vellinum
í sumar. Fyrir utan þennan
hefðbundna vinnutíma sinni ég
ýmiss konar verkefnum, þar á
meðal vinn ég mikið með Krafti
stuðningsfél agi sem sinnir ungu
fólki sem greinst hefur með
krabbamein. Svo er ég með
ástríðu fyrir ljósvakamiðlun og
ég hef fengið að njóta þeirra
forréttinda að halda tengslum
við þann vettvang. Sumarfríið
mitt ætla ég einmitt að nota að
hluta til í að vera með félögum
mínum á Bylgjunni. Kannski
smábilun í því en þetta er meira
eins og að sinna áhuga máli í
frítímanum enda allir sem ein
stór fjölskylda. Maður verður að
njóta lífsins.“
Hulda Bjarnadóttir
framkvæmdastjóri Félags kvenna í atvinnurekstri
„Ég ætla að spila heilmikið golf í sumar, njóta íslenska sumarsins í botn enda fátt betra en
að sitja úti á palli á góðum sumardegi í golfskálanum á seltjarnarnesi eftir góðan hring í
frábærum félagsskap.“
Nafn: Hulda Bjarnadóttir
Fæðingarstaður: Reykjavík,
6. apríl 1973
Foreldrar: Bjarni Sveinsson og
Lára Guðbjörg Aðalsteinsdóttir
Maki: Haukur Óskarsson
Börn: Óskar Dagur, 11 ára,
Þórey María, 3 ára
Menntun: MBA