Frjáls verslun - 01.03.2011, Blaðsíða 78

78 FRJÁLS VERSLUN 3.tbl.2011
Harpa er í heimsklassa
Stjórntæki í hljómburði sem ekki hafa verið til á Íslandi. Á þriðja hundrað
tónlistarviðburðir bókaðir út árið og yfir hundrað ráðstefnur.
Harpa mun eiga mikinn þátt í að reisa við orðspor okkar á alþjóðleg­
um vettvangi. Allir erlendir
fjölmiðlar sem einhvers mega
sín hafa sýnt opnun tónlistar­
og ráðstefnuhússins mikinn
áhuga og þeim finnst þetta
stórkostlegt. Þetta hús er þegar
orðin mikil landkynning og við
höfum nú loksins aðstöðu sem
gerir okkur samkeppnisfær í
alþjóðlegu samhengi,“ segir
Steinunn Birna Ragnarsdóttir,
tónlistarstjóri Hörpu.
Hún getur þess að nú þegar
hafi borist margar fyrirspurnir
tengdar hvata­ og menningar­
ferðum til Íslands, bæði tengd­
ar óperu og ýmsum tónleikum
sem verður hægt að njóta á allt
annan hátt en hingað til hefur
verið unnt hér á landi.
Fyrsta flokks hljómburður
„Eitt þekktasta hljómburðar­
hönnunarfyrirtæki heims, Artec
Consultants í New York, hefur
hannað hljómburðinn í Hörpu.
Þeir hafa hannað nokkur sam­
bærileg hús í heiminum og
ekki brugðist hingað til. Það
má því búast við mjög góðum
hljómburði í húsinu sem er í
heimsklassa,“ tekur Steinunn
Birna fram.
Að sögn Steinunnar Birnu eru
í tónlistar­ og ráðstefnuhúsinu
stjórntæki í hljómburði sem
ekki hafa verið til á Íslandi
áður. „Yfir sviðinu í aðalsaln­
um, Eldborg, er margra tonna
þungur ómskjöldur sem hægt
er að hækka og lækka eftir því
hvaða tónlist er verið að flytja.
Í hliðum salanna eru þungir
flekar sem unnt er að opna og
með því stilla af hljómburðinn.
Þetta eru nokkrir þeirra flóknu
þátta sem stjórna ómtímanum,
það er að segja lengd hljómsins,
og getur hann verið frá rúmri
sekúndu upp í þrjár sekúnd­
ur í aðalsalnum. Hægt er að
minnka ómtímann með því að
láta renninga úr hljóðísogandi
efni falla niður og með þessu
skapast möguleiki á að leika
sér með hljómburðinn sem er
frábært vegna þess að salurinn
á að henta allri tegund tónlistar.“
Næststærsti salur Hörpu, sem
er ráðstefnusalur og nefnist
Silf urberg, hentar einnig vel
fyrir rafmagnaða tónlist, að því
er Steinunn Birna greinir frá.
„Hann er mjög álitlegur kostur
fyrir popphljómsveitir og þar
ætlar til dæmis Airwaves að
vera með hluta sinna við­
burða.“
„Fólk er hrætt um
að við tökum frá
því alla viðburði og
ráðstefnur en það má
ekki gleyma því að
við erum að stækka
kökuna til muna og
það verður öllum til
hagsbóta.“
Steinunn Birna Ragnarsdóttir, tónlistarstjóri Hörpu.
samspil við náttúruna
Steinunn Birna Ragnarsdóttir tónlistarstjóri