Frjáls verslun - 01.03.2011, Blaðsíða 74

74 FRJÁLS VERSLUN 3.tbl.2011
samspil við náttúruna
Hraunið og birtan ofarlega í huga arkitektanna sem hönnuðu Hörpu.
Glerhjúpur Ólafs Elíassonar eins og öldufall yfir svartan klett.
Rauðir veggirnir í stærsta sal Hörpu, Eldborginni, og lýsingin á bak við þá minna á eldg­
lóð. Veggirnir fyrir utan sal inn
eru svartir og drungalegir eins
og hraun klettur. Glerhjúp­
ur inn yfir húsinu er eins og
öldu fall yfir svartan klettinn.
Það fer ekki á milli mála að
samspilið við nátt úruna var
ofar lega í huga arki tektanna
og listamannsins sem hönnuðu
tón listar­ og ráðstefnu húsið.
„Í samkeppninni um hönnun
hússins fórum við strax að velta
fyrir okkur tengslum við nátt­
úruna og pældum til dæmis
mikið í hrauninu og birtunni,“
segir Sigurður Einarsson arki­
tekt hjá arkitektastofunni Batt­
eríinu arkitektum sem stóð að
hönnun hússins ásamt dönsku
arkitektastofunni Henning
Lars en og listamanninum Ólafi
Elíassyni.
Samstarf í gegnum netið
Arkitektarnir hófu störf við
verkefnið þegar árið 2004
þegar auglýst var eftir þátttak­
endum í svokallað forval, að
því er Sigurður greinir frá.
„Þegar búið var að velja okkur
var samstarf okkar og dönsku
arkitektanna aðallega í gegn­
um netið auk þess sem við
héldum fundi með þeim sem
voru að búa til rekstrarpakk­
ann. Þegar við höfðum sigrað
í samkeppninni stóð til að við
myndum vinna þetta heima.
Það var eiginlega gerð krafa
um það en vegna þrýstings frá
Dönunum, sem sáu ekki fram á
að geta flutt fólk hingað heim,
var niðurstaðan sú að þetta
var meira og minna unnið í
Danmörku. Það þýddi að frá
okkur unnu allt frá tveimur og
upp í fimm á teiknistofunni í
Kaupmannahöfn. Sjálfur var ég
mikið í Kaupmannahöfn. Auk
þess voru reglulega haldnar
ráðstefnur í gegnum síma. Ég
hef svo haldið meira og minna
utan um öll samskipti við
bygg ingaryfirvöld, vinnueftir­
litið, heilbrigðisyfirvöld og
brunayfirvöld.“
Sigurður segir íslensku arki­
tektana hafa að mestu leyti séð
um eftirfylgnina, eins og hann
orðar það. „Við höfum meira
og minna séð um hönnunina
á bílahúsinu og það sem gerst
hefur eftir hrun bankanna.
Tímagjaldið hefur nefnilega
breyst eftir fall krónunnar.
Svo hafa innréttingar bæst við
auk veitingastaða og ýmislegs
annars.“
Glerhjúpurinn er listaverk
Þátttaka Ólafs Elíassonar í
hönn uninni hófst eftir fyrsta af
þrem ur stigum samkeppninnar,
að sögn Sigurðar. „Einn dönsku
arki tektanna hafði starfað með
Ólafi að hönnun ljósakróna í
Óperuhúsið í Kaupmannahöfn.
Við ræddum um að fá Ólaf til
að gera eitthvað og héldum
fyrst að það gætu orðið ein­
hverjir glerveggir innanhúss.
Hægt og rólega þróaðist þetta í
að Ólafur hannaði glerklæðning­
una sem frá upphafi stóð til að
yrði yfir öllu húsinu. Gler hjúp­
urinn, sem er einstakt listaverk,
er eins og öldufall yfir klettana.
Svo spann Ólafur með litina og
það er líka hægt að leika sér með
litina í lýsingunni.“
Um leik með liti í innanhúss­
lýsingunni nefnir Sigurður sem
dæmi svokallaða led­lýs ingu í
salnum sem heitir Norður ljós.
„Þar er möguleiki á lita skiptum.
Lýsingin er á bak við rimlaverk
sem er hluti af endur kasti
hljómsins ásamt því að skapa
ytri umgjörð salarins. Það er
hægt að búa til mjög sérstaka
stemningu í þeim sal.“
Eftir samkeppnina var tekið
tillit til óska tónlistarfólks um
minni sal en þá sem hannaðir
höfðu verið í upphafi. „Tónlistar­
fólki fannst vanta minni sal sem
hentaði kammertónlist og þá
varð salurinn Kaldalón til sem
er fyrir tæplega tvö hundruð
gesti. Þar er yfirbragðið gult
en þar er líka hægt að leika sér
með lýsinguna eins og í fleiri
sölum.“
Sigurður segir að forsalurinn
hafi verið hannaður með til­
liti til þess að þeir sem væru í
húsinu myndu njóta útsýnisins
niðri í bæ og að þeir sem væru
í bænum gætu séð lífið inni í
húsinu.
Hann viðurkennir að auðvit­
að séu menn fullir stolts yfir
verkinu sem þeir hafa unnið
að lengi. „Þetta hefur verið
skemmtileg vinna og sem
betur fer var ákveðið að halda
áfram með byggingu hússins.
Við teljum að þetta verði ein af
stóru sprautunum í bæði menn­
ingarlífinu, ferðaþjónustu og
ráðstefnuhaldi.“
„Við ræddum um að
fá Ólaf til að gera
eitthvað og héld um
fyrst að það gætu
orðið einhverjir
glerveggir innan­
húss. Hægt og rólega
þróaðist þetta í að
Ólafur hannaði
glerklæðninguna.“
Sigurður Einarsson arkitekt.
Sigurður Einarsson arkitekt hjá Batt eríinu