Frjáls verslun - 01.03.2011, Blaðsíða 42

42 FRJÁLS VERSLUN 3.tbl.2011
Verknám:
Tækniskólinn með
forystu
T
ækniskólinn er fremstur þeirra skóla
á Íslandi sem bjóða upp á verknám.
Skólinn fær hæstu mögulegu útkomu
í öllum þeim flokkum þar sem um­
ræddir skólar voru bornir saman og er því með
fullt hús stiga. Iðnskólinn í Hafnarfirði og Fjöl­
brautaskóli Suðurnesja urðu jafnir í 2.­3. sæti.
Listinn yfir bestu verknámsskólana bygg ist
á samanlögðum árangri skólanna í forritunar­
keppni, HR­áskoruninni og þeim þremur
greinum á Íslandsmóti iðngreina 2010 sem
flestir skólar hafa námsbrautir í. Þessar grein­
ar eru rafvirkjun, húsasmíði og málmsuða.
Keppt var í fjölda annarra greina á Íslands­
mótinu, en margar þeirra (t.d. pípulagnir) eru
eingöngu kenndar við einn eða örfáa skóla
og því ekki hafðar með í samantektinni.
Eina fagið sem vafi lék á hvort taka ætti
með var hársnyrtiiðn en hún er kennd í um
helmingi skólanna. Tækniskólinn og Iðnskól­
inn í Hafnarfirði stóðu sig best í hársnyrtiiðn
á seinasta Íslandsmóti svo ef sú grein væri
tekin með myndi Iðnskólinn í Hafnarfirði
lenda einn í öðru sæti listans og Fjölbrauta­
skóli Suðurnesja þá einn í því þriðja.
Íslandsmót iðngreina er haldið annað hvert
ár og fer næst fram árið 2012.
Vinsældir og félagslíf:
Verzlunarskólinn
skorar hæst
U
ndir flokkinn „Vinsældir og fél ags ­
líf“ falla þeir þættir í mati skól anna
sem ekki tengjast árangri nem­
enda í námstengd um greinum,
þar með eru taldar árlegar skólakeppnir
á borð við Gettu betur, MORFÍS og Söng­
keppni framhaldsskólanna. Einnig var tekið
tillit til Íþróttavakningar, lýðheilsuverkefnis
sem haldið var á árunum 2009­2010, en sú
keppni var ekki endurtekin í ár. Þá var einnig
tekið tillit til aðsóknar 10. bekkinga í skólana.
Félagslíf er þáttur sem erfitt er að meta
milli skólanna. Allur tölulegur samanburður,
eins og aðsókn á dansleiki eða fjöldi seldra
miða á leiksýningar, er fámennum skólum
og skólum í dreifðari byggðum mjög í óhag.
Að einhverju leyti á það við um flesta þætti
samantektarinnar en kostnaður skóla og
nemenda við þátttöku í þeim keppnum þar
sem viðveru á staðnum er krafist er eðli
málsins samkvæmt meiri ef skólinn er stað­
settur langt frá öðrum skólum. Hafi þessi
aðstöðumunur áhrif á þátttöku nemenda í
skólum af landsbyggðinni í hvers kyns fram­
haldsskólakeppnum er það áhyggjuefni út
af fyrir sig. Verzlunarskóli Íslands skoraði
samanlagt hæst í flokknum „Vinsældir og
félagslíf“, og nokkuð var í næstu skóla.
Nemendur Verzlunarskólans virðast því
standa sig vel í þeim keppnum þar sem þeir
keppa undir merkjum skólans við nemendur
annarra skóla. Skólinn er þannig með bestan
árangur síðustu þriggja ára í MORFÍS og
söngkeppninni og er einnig ofarlega í öðrum
keppnum þessa flokks.
Í öðru sæti er Kvennaskólinn í Reykjavík
sem var vinsælasti skólinn meðal nýnema
síðasta árs auk þess sem nemendur hans
sigruðu í Íþróttavakningunni 2010. Í þriðja
sæti listans er síðan Menntaskólinn í Reykja­
vík sem byggir árangur sinn hér fyrst og
fremst á góðu gengi í Gettu betur.