Frjáls verslun - 01.03.2011, Blaðsíða 58

58 FRJÁLS VERSLUN 3.tbl.2011
útrás
íslensks
útivistarFatnaðar
Fyrirtækin Sjóklæðagerðin 66°NORÐUR, Cintamani, Icewear,
Nikita og ZO-ON framleiða og selja útivistarfatnað víða um
heim. Þá selja þau öll vörur í gegnum netverslanir sínar.
TexTi: svava JónsdóTTir Myndir: Geir ólafsson
N
ikita var stofnað árið
2000 og eru starfsmenn
35. Rúnar Ómarsson
framkvæmdastjóri segir
að hvað áherslur í rekstri
fyrirtækisins varðar sé það hönnun,
markaðssetning og sala á götutísku
og snjóbrettafatnaði fyrir stelpur undir
nafninu Nikita. Fyrirtækið kynnir árlega
fimm vörulínur og yfir 95% af sölu
Nikita fer fram erlendis.
Vörur fyrirtækisins eru framleiddar í
fimm löndum eftir því um hvaða vöru­
flokk er að ræða en mest er framleitt
í Kína, Taívan og Túnis. Vörurnar
eru seldar í gegnum dreifingaraðila,
verslanir og eigin smásölu í tæplega
fjörutíu löndum. Nikita hefur um árabil
selt vörur sínar í gegnum leiðandi
vefverslanir í götutísku og útivistar­
geiranum en opnaði auk þess eigin
vefverslun í fyrra.
„Nikita hefur á þeim tíu árum sem
fyrirtækið hefur verið starfrækt vaxið
úr því að selja um 1.500 flíkur fyrsta
árið yfir í að selja um 1.500 flíkur á dag
alla daga ársins. Ársveltan er um átta
milljónir evra og Nikita er heimsþekkt
vörumerki með gríðarlega vaxtar­
möguleika í sölu á vörum félagsins.“
Rúnar segir að Nikita sé í auknum
mæli að færa sig nær endanlegum
neytanda í vörusölu. „Þannig hefur
fyrirtækið verið að taka yfir dreifingu
í fleiri löndum og selur þá vörur sínar
beint til smásala í stað dreifingar­
aðila. Bein sala í gegnum vefverslun
fyrirtækisins lofar góðu og fleiri Nikita­
verslanir eru á teikniborðinu með
áherslu á Evrópu. Nikita er eftirsótt til
samstarfs af stærri aðilum í útivistar­
og lífsstílsgeiranum. Náið samstarf
og jafnvel samruni við stærra erlent
fyrirtæki eða vörumerkjaregnhlíf er
ekki ósennilegur þar sem markaðurinn
ber miklar væntingar til vörumerkisins
Nikita, jafnvel meira en infrastrúktúr
og eignarhald fyrirtækisins ræður við í
núverandi mynd.“
Rúnar Ómarsson. „Bein sala í gegnum vefverslun fyrirtækisins lofar góðu og fleiri Nikita­versl­
anir eru á teikniborðinu með áherslu á Evrópu.“ (Mynd: Jói Kjartans)
nikita
Rúnar segir að Nikita sé í
auknum mæli að færa sig
nær endanlegum neyt­
anda í vörusölu.