Frjáls verslun - 01.02.2010, Blaðsíða 44

44 F R J Á L S V E R S L U N • 2 . T B L . 2 0 1 0
s t j ó r n m á l
stjórnarandstöðu og látið reyna á fylgið við þann nýja
samning. Félli sá samningur líka félli stjórnin með og þá
væri rökrétt að efna til nýrra þingkosninga.
Annar möguleiki er að færa stefnu stjórnarinnar til
vinstri, það er að taka uppreisnarmanninn Ögmund Jón-
asson aftur inn í stjórn og hverfa frá núverandi efnahags-
stefnu með Gjaldeyrissjóðinn að bakhjarli.
Hvorki Stefanía né Eiríkur hafa mikla trú á þessu.
Eiríkur orðar það svo að með þessu yrði „Ögmundur fárán-
lega sterkur í stjórninni“ og hefði í raun neitunarvald innan
hennar um öll helstu mál.
„Bæði meðal Vinstri grænna og Samfylkingarfólks er
mikil andstaða við þessa aðferð,“ segir Eiríkur og Stefanía
bendir á að það sé í raun barátta Ögmundar gegn leiðinni
út úr Icesave-deilunni sem hafi skilað þjóðaratkvæðagreiðsl-
unni og valdið ríkisstjórninni allri armæðunni.
teikn um kosningar
Stefanía telur að þegar séu á lofti ýmis teikn um að stjórn-
arliðar ætli ríkisstjórn sinni ekki langlífi úr þessu. Eitt er
að Jóhanna og fleiri samfylkingarráðherrar eru farnir að
taka upp úr skúffum sínum mál sem beðið hafa afgreiðslu
en gott væri að ljúka fyrir kosningar, hvenær svo sem þær
verða.
Bætur til Breiðuvíkurdrengja eru afgreiddar og nú loks-
ins er farið að taka á skuldavanda heimilanna þótt ekki
gangi vandræðalaust hjá Árna Páli Árnasyni félagsmálaráð-
herra að sannfæra alla um að hann sé á réttri leið.
En hvenær yrðu þá kosningar og til hvers leiddu þær?
Enginn vill ákveða kjördag en fáir vilja veðja á að stjórnin
sitji út árið. Allt gæti beðið til hausts. Það eru kosningar
í vændum bæði í Hollandi og Bretlandi. Icesave-lausn
bíður væntanlega nýrra ríkisstjórna þar. Á Íslandi eru sveit-
arstjórnarkosningarnar og svo sumarið.
Haustkosningar eru því möguleiki nema ríkisstjórnin
nái að endurskapa sig fyrir þann tíma og endurheimti
lífskraft sinn. Um það má efast þegar sérstaklega Jóhanna
virðist orðin þreytt.
einstigi hjá Bjarna
Stefanía heldur að Sjálfstæðismenn vilji helst láta líða lengri
tíma frá hrakförunum í síðustu kosningum áður en farið er
í kosningar aftur. Það væri gott fyrir flokkinn að fá fram
nýtt fólk sem ekki er markað af hruninu.
Jafnframt er ljóst að það er áherslumunur innan Sjálf-
stæðisflokksins um stefnuna bæði í efnahagsmálum og í
afstöðunni til Evrópusambandsins. Óþolsins, vegna þess að
stjórnarstefnan er strand, gætir því líka meðal Sjálfstæðis-
manna.
Samtök atvinnurekenda vilja að greitt verði úr málum
en sá hópur sem er trúastur Davíð Oddssyni vill stjórnina
umfram allt feiga. Vilhjálmur Egilsson, framkvæmdastjóri
Samtaka atvinnulífsins, hefur verið helsti málsvari hins
hópsins, ásamt reyndar líka Þorsteini Pálssyni, fyrrverandi
flokksformanni og forsætisráðherra.
„Ég vil ekki spá klofningi en það eru komnir fram and-
stæðir pólar innan Sjálfstæðisflokksins og Bjarni Benedikts-
son reynir að þræða einstigi milli þeirra,“ segir Stefanía.
„Stundum virðist sem hann verði tvísaga en það er flokk-