Frjáls verslun - 01.02.2010, Blaðsíða 37

F R J Á L S V E R S L U N • 2 . T B L . 2 0 1 0 37
Síendurteknar fréttir af málefnum bankanna hafa örugglega valdið mestu fylgishruni stjórnarinnar. Darraðardansinn í kringum Jóhannes í Bónus og málefni Haga, sem og afskriftir
annarra auðmanna sem þó halda hluta af eignum sínum fer mjög
í taugarnar á fólki. Lítið gegnsæi pirrar líka marga. Þá hefur rík-
isstjórnin sagt að hún gæti ekki sett bönkunum skýrar verklagsreglur
og skýlt sér á bak við Bankasýslu ríkisins. Bankarnir eru því á ábyrgð
fólksins en þó sjálfráða.
Almenningur upplifir það þannig að jafnt gangi ekki yfir alla í
bönkunum. Þeir skilvísu og traustu einstaklingar og fyrirtæki, sem
fóru varlega í útrásinni, fá ekkert afskrifað af lánum á meðan þeir sem
fóru óvarlega í lántökum fá milljónir afskrifaðar. Þetta finnst fólki
óréttlátt. Og óréttlætið veldur reiði.
Það berast af því fréttir að svissneskir verktakar hafi yfirtekið Íslenska aðalverktaka. Erlendir lánadrottnar gera þá kröfu að bræðurnir í Bakkavör Group stýri fyrirtækinu áfram og sýna
þeim mikið traust og mikla þolinmæði til að endurreisa fyrirtækið,
það sama á við um íslensku lífeyrissjóðina. Erlendir bankar stóðu að
endurreisn Samskipa á dögunum og þar fór fremstur hollensk-belg-
íski bankinn Fortis.
Færeyingar hafa verið að hasla sér völl á Íslandi og eiga t.d. trygg-
ingafélagið Vörð og Færeyja banki er sagður hafa áhuga á Sjóvá.
Bíddu, var ekki búið að segja okkur frá því að kapítalisminn í Evrópu
væri hruninn og sá hluti hans sem stæði eftir vildi ekki koma nálægt
Íslandi? Líklegast er það að renna upp fyrir öllum að kapítalisminn í
Evrópu græðir ekki á því að koma Íslendingum á höfuðið. Samkvæmt
framangreindum fréttum virðist hann ætla að koma okkur upp úr
hruninu.
Hvers vegna eru
allir reiðir út af
Jóhannesi?“
„Var ekki
kapítalisminn
hruninn?“