Frjáls verslun - 01.02.2010, Blaðsíða 72

72 F R J Á L S V E R S L U N • 2 . T B L . 2 0 1 0
í m a r k 2 0 1 0
Hvaða verkefni eru efst á baugi hjá
markaðsstjórum á Íslandi um þessar
mundir?
Ég myndi telja að keppikefli flestra mark-
aðsstjóra sé að nýta markaðsfé sitt með sem
bestum hætti. Fá sem mest út úr hverri
krónu og jafnframt að skoða og meta
nýjar leiðir með hefðbundnum miðlum.
Nú reynir á hugmyndaauðgi og að blanda
saman leiðum.
Það hefur dregið úr auglýsingum í
kreppunni – en ættu fyrirtæki ekki
að auglýsa meira í niðursveiflu og ná
þannig stærri hluta af kökunni í sinni
atvinnugrein?
Jú, það segja fræðin, en ástandið var
óvenjulegt og ég held að margir hafi verið
að reyna að ná áttum. Vissulega var það
áberandi á síðasta ári þegar margir kipptu
að sér höndum enda óvissa um ástand og
mikill samdráttur í neyslu. Það sem við
sjáum samt er að fleiri markaðsstjórar spá
því að þeir muni kosta meiru til en í fyrra.
Á síðasta ári áætluðu 70% af stærstu auglýs-
endum að eyða minna, en í dag eru aðeins
22% sem spá því. Þetta segir okkur að
botninum sé líkast til náð og bjartsýni að
aukast. Herferð SVÞ (Samtaka verslunar
og þjónustu) er hvatning til fyrirtækja að
taka þátt í að ýta við aukinni neyslu og við-
brögðin hafa verið góð. Auglýsendur munu
fylgja þeirri hvatningu eftir.
Hefur borið á nýjum tískustefnum í
almennum auglýsingum undanfarið
ár? Er kímni t.d. meira notuð á kostnað
beinna tilkynninga?
Ég held að kímni sé notuð svipað og und-
anfarin ár. Það fer eftir eðli vörunnar sem
verið er að auglýsa hvort dottið er niður
á snjalla lausn sem blandar saman kímni
og skilaboðunum. Oftast gengur kímni í
auglýsingum mjög vel upp en einnig eru
dæmi um að spaugið skyggi á skilaboðin.
Við sjáum að símafyrirtækin eru áberandi
auglýsendur um þessar mundir og þau nota
kímni með einhverjum hætti. Fjármálafyr-
irtækin gerðu það mikið í góðærinu en eftir
hrunið sjáum við það ekki. Allar fjármála-
auglýsingar eru alvarlegar og ábyrgðarfullar
og staðan er þannig í dag að blanda saman
kímni og úrræðum í fjármálum fer ekki vel
saman.
Kevin Keller var með fyrirlestur um
vörumerkjastjórnun á Íslenska mark-
aðsdeginum. Hvað fannst þér standa
upp úr í erindi hans?
Það er svo margt sem var áhugavert hjá
Keller að það er erfitt að gera upp á milli,
en mér finnst skilaboðin að gleyma aldrei
grunninum sem vörumerkið á að standa
fyrir vera grundvallaratriði. Hvað stendur
vörumerkið fyrir í nútíð, fortíð og hvað á
það að standa fyrir í framtíð? Hugsa alltaf til
lengri tíma og velja miðlana sem henta við-
komandi vörumerki.
Hvernig metur markaðsfólk ímynd
Íslands um þessar mundir? Hvernig
myndir þú kynna Ísland núna í
erlendum fjölmiðlum?
Ég held að við megum ekki vera of upp-
tekin af Icesave og halda að allir útlendingar
séu líka uppteknir af Icesave. Af mínum
samtölum við erlenda aðila eftir hrunið
þá er hugurinn til Íslands góður og tengist
Jóhannes Davíðsson, framkvæmdastjóri Ímarks: Það sem kom mér á óvart er mikill viðsnúningur á
áætluðum auglýsingakostnaði meðal stærstu auglýsenda fyrir árið 2010. Núna reikna 80% svarenda
með að eyða sömu upphæð eða meira en á síðasta ári.
Markaðsmál á Íslandi:
Fleiri ætla að kosta
meiru til en í fyrra
MyND: geir ólafsson