Frjáls verslun - 01.05.2007, Blaðsíða 33

F R J Á L S V E R S L U N • 5 . T B L . 2 0 0 7 33
Kristín Ingólfsdóttir
rektor Háskóla Íslands
EFTIR ÓLAF INGA ÓLAFSSON
„Kristín er auðvitað gríðarlega
hæfileikarík, sem sést best á
afrekum hennar á sínu eigin sviði,
lyfjafræðinni. Hún hefur verið
andmælandi í doktorsritgerðum á
mörgum tungumálum úti um allan
heim til margra ára, svo dæmi séu
nefnd. Kristín er drengur góður,
algjörlega gegnheil og má ekk-
ert aumt sjá. Hún er hjálpsöm og
hrekklaus og það er frábært að
kona sem hefur kosti af þessu
tagi skuli geta komist svo langt,
algerlega á eiginverðleikum. Hún
er alveg laus við persónulegan
metnað, að öðru leyti en því að
gera það sem hún tekur að sér
eins vel og henni er unnt. Hún
hefur enga þörf fyrir að koma
sjálfri sér á framfæri eða vera í
sviðsljósinu, en lætur það samt
ekki há sér hið minnsta í emb-
ættirektors. Ég hef þekkt Kristínu
í rúm 20 ár og veit því af eigin
reynslu að hún kemur ákaflega
hreint fram og gerir aldrei nokkurn
mann að óvini sínum. Hún er mjög
hvetjandi og trúir á og laðar fram
það besta í fólki. Kristín er líka
fljót að setja sig inn í aðstæður
og ná aðalatriðunum og það er
afar gott að leita til hennar með
vandamál. Mikilvægast af öllu er
þó að Kristín hefur algjörlega klára
sýn á framtíð Háskóla Íslands og
veit hvernig hún ætlar að vinna að
markmiðum sínum.“
- Ólafur Ingi Ólafsson er einn nokkurra
eigenda Íslensku auglýsingastofunnar hf.
Heiðrún Jónsdóttir
framkvæmdastjóri
hjá Eimskip
EFTIR KRISTÍNU GUÐMUNDSDÓTTUR
„Ég kynntist Heiðrúnu þegar ég byrjaði að vinna
hjá Símanum árið 2003. Það fyrsta sem mér
kemur í hug þegar ég á að lýsa henni er jákvæð,
hlýleg, opin og hjálpsöm. Heiðrún starfaði sem
upplýsingafulltrúi þegar við unnum saman og
var mjög vinnusöm og góður fulltrúi Símans og
kynnti starfsemi hans mjög vel út á við. Hún
er mjög dugleg og góður félagi, vill alltaf leggja
manni lið og lítur ekki á hlutina sem vandamál.
Einnig reynir hún að passa upp á fólkið í
kringum sig og rækta góð samskipti. Mér finnst
hún mjög metnaðarfull fyrir hönd kvenna og
vilja að þær fái að láta ljós sitt skína. Oft er sagt
að maður tengist síður vináttuböndum eftir
þrítugt, að þeir sem verða á vegi manns eftir
það séu meira eins og kunningjar. Það á ekki við
um samskipti mín og Heiðrúnar, hún passar vel
upp á tengslin við vini sína. Hún eignaðist barn
og fór í nám um tíma og hefur nú tekið við sem
framkvæmdastjóri samskiptasviðs Eimskips. Ég
þekki ekki til starfa hennar þar, en mér fannst
hún blómstra í hlutverki sínu sem upplýsinga-
fulltrúi og það virtist eiga mjög vel við hana.
Hún er einfaldlega frábær kona.“
– Kristín Guðmundsdóttir er framkvæmdastjóri
fjármálasviðs Símans.
Heiðrún Jónsdóttir er framkvæmdastjóri samskipta-
sviðs Eimskips.
Kristín Ingólfsdóttir er rektor Háskóla
Íslands en mikil samkeppni ríkir nú
á milli háskólanna í kennslu í við-
skiptafræðum.