Frjáls verslun - 01.05.2007, Blaðsíða 202
202 F R J Á L S V E R S L U N • 5 . T B L . 2 0 0 7
K
Y
N
N
IN
G
Stjórnenda- og leiðtogaskóli í hartnær 100 ár
Áttu erindi í RSF?Námsfyrirkomulag
Rekstur smærri fyrirtækja (RSF) er nám sem
þú getur stundað með vinnu og þannig bætt
þekkingu þína. Námið nýtist frá fyrsta degi í
rekstri fyrirtækis þíns.
• Eins árs fjarnám með vinnu
• Námið hefst með sameiginlegri vinnuhelgi á Bifröst
• Hver námsgrein er kennd í lotu
• Próf eru í lok hverrar lotu
• Námið hefst í ágúst 2007
• Námskjár er einfalt fjarnámsumhverfi
sem hentar fólki á öllum aldri
Kennslugreinar
Allir nemendur í RSF taka
eftirtalin kjarnanámskeið:
• Bókhald
• Innkaup og vörustjórnun
• Gæðamál, þjónusta og sala
• Starfsmannastjórnun
Auk kjarnanámskeiða geta
nemendur í RSF valið um:
• Upplýsingatækni eða viðskiptaensku
• Lögfræði eða rekstrarfræði
RSF - Rekstur smærri fyrirtækja
Auknar kröfur um hagræði í rekstri og skilvirka þjónustu fyrirtækja kalla á haldgóða
menntun rekstraraðila. Háskólinn á Bifröst býður eigendum og rekstraraðilum smærri
fyrirtækja upp á sérhæft nám sem svar við þeirri þörf sem skapast hefur á markaði sem
smærri fyrirtæki starfa á.
Allar frekari upplýsingar er að finna hjá Huldu Ingibjörgu Rafnarsdóttur,
umsjónarmanni RSF-námsins, í síma 433 3000 eða hulda@bifrost.is eða á vef skólans:
• Ertu með lítið fyrirtæki (2-10 starfsmenn)?
• Ertu með einstaklingsrekstur?
• Viltu ná betri tökum á rekstrinum?
• Viltu auka arðsemi fyrirtækisins?
• Viltu bæta rekstrarþekkingu þína?
• Viltu auka ánægju starfsmanna og
viðskiptavina?
Þá átt þú erindi til okkar.
Umsóknarfrestur er til 1. ágúst 2007
Árangur í eigin rekstri
Háskólasamfélagið á Íslandi hefur verið í miklum vexti und-anfarin ár og hefur gífurlega jákvæð og ör þróun átt sér þar stað, þar sem tilkoma einkareknu háskólanna hefur gjörbreytt
menntunarumhverfi landsmanna, enda hefur háskólafólki fjölgað
mjög hér á landi á undanförnum árum,“ segir Bryndís Hlöðversdóttir,
aðstoðarrektor og deildarforseti lagadeildar Háskólans á Bifröst.
Fjölmargir kannast við Bryndísi af Alþingi, en hún var þingmaður
Alþýðubandalagsins og Samfylkingarinnar um tíu ára skeið og hefur
jafnframt unnið í dómsmálaráðuneytinu og sem lögfræðingur Alþýðu-
sambands Íslands.
„Ég hef alltaf viljað vera þar sem ég hef áhrif, get fengið útrás fyrir
sköpunargleðina, séð árangur af verkum mínum og unnið með fólki
og þess vegna eiga stjórnunarstörf mjög vel við mig,“ segir Bryndís.
Laganám á Bifröst
Bryndís segir það hafa verið afar ánægjulegt og lærdómsríkt að taka
þátt í uppbyggingu Háskólans á Bifröst. „Við erum að vissu leyti
brautryðjendur í laganámi á Íslandi, því við vorum fyrsti háskólinn
til að kenna lögfræði, fyrir utan Háskóla Íslands sem hafði til þess
tíma er lagadeildin á Bifröst hóf starfsemi, setið einn að lagakennslu
á Íslandi, allt frá árinu 1911. Í dag eru hins vegar fjórir háskólar alls á
Íslandi sem kenna lögfræði,“ segir Bryndís, sem hóf störf sem deildar-
forseti lagadeildar Háskólans á Bifröst skömmu áður en fyrsti hópur
lögfræðinema útskrifaðist með meistaragráðu frá skólanum. „Og við
erum mjög stolt af því að hafa rofið þessa einangrun sem lögfræðin
var í fyrir tilkomu okkar,“ bætir hún við.
Sérhæft nám á Bifröst
Lagadeild Háskólans á Bifröst leggur áherslu á sérhæfingu á sviði við-
skiptalögfræði en að lokinni BS gráðu á því sviði geta nemendur bætt
við sig ML gráðu sem er fullnaðarpróf á sviði lögfræði, ásamt því sem
boðið er upp á MA gráðu í skattarétti.
„Ég tel það eðlilega þróun að eftir því sem fleiri háskólar eru starf-
ræktir hér á landi, þá sérhæfi þeir sig jafnframt í ákveðnum greinum.
Við höfum til dæmis sérhæft okkur í viðskiptalögfræði, sem aðrir gera
ekki, ásamt því að leggja síaukna áherslu á skattaréttinn. Háskólinn
á Bifröst er eini skólinn sem býður upp á meistaragráðu í skattarétti,
sem verður sífellt vinsælla nám samhliða því sem íslensk fyrirtæki
sækja meira á erlenda markaði og flækjustig skattkerfisins eykst,“
segir hún.
Litlir hópar og raunhæf verkefni
Bifröst byggir á kennslufræði sem krefst þess að nemendur vinni að
miklu leyti í litlum hópum og fái raunhæf verkefni til að glíma við.
Jafnframt er mikil áhersla lögð á persónulega nálgun kennara við
nemendur.
„Þetta er kostnaðarsamt og við erum meðvituð um það, en við
teljum okkur ná bestum árangri með þessum hætti, enda erum
við fyrst og fremst að mennta leiðtoga og stjórnendur sem takast
óhræddir á við fjölbreytt verkefni þegar námi lýkur,“ segir Bryndís.
„Við fylgjumst vel með útskrifuðum nemendum okkar og þeim hefur
vegnað vel í starfi og komast langflestir í stjórnunarstöður innan fimm
ára frá námslokum.“
HÁSKÓLINN Á BIFRÖST:
Leiðtogar og stjórnendur
útskrifast úr sérhæfðu háskólanámi
Bryndís Hlöðversdóttir, aðstoðar-
rektor og deildarforseti lagadeildar
Háskólansá Bifröst, segir námið í
háskólanum byggjast upp á persónu-
legri nálgun kennara við nemendur,
sem vinna saman í litlum hópum
og leysa raunhæf verkefni.
„Við erum mjög stolt af
því að hafa rofið þessa ein-
angrun sem lögfræðin var í
fyrir tilkomu okkar.“