Frjáls verslun - 01.05.2007, Blaðsíða 110

110 F R J Á L S V E R S L U N • 5 . T B L . 2 0 0 7
K
Y
N
N
IN
G
Fyrir rúmum tveimur árum fluttu Sam-skip alla starfsemi sína í nýtt húsnæði í Kjalarvogi við Sundahöfn, bæði vöru-
miðstöð og skrifstofur. Hulda Kristín Magn-
úsdóttir, aðstoðarmaður stjórnarformanns,
var í húsnæðisnefndinni sem stofnuð var
í kringum verkefnið. Hún er menntaður
hönnuður, með gráðu í búninga- og tísku-
hönnun frá Þýskalandi.
Hverjar voru aðaláherslurnar í nýja
húsnæðinu?
„Áherslurnar voru fyrst og fremst lagðar
á að gera vinnuaðstöðu starfsmanna eins
ákjósanlega og mögulegt væri. Ákveðið
var strax í upphafi að hafa skrifstofurýmið
mjög opið og skrifstofurnar í rýminu eru
því með glerveggjum út í salinn, enda við-
gengst svokölluð „Open door policy“ hjá
okkur.
Áður en endanleg húsgögn voru valin
var fenginn sjúkraþjálfari til að leggja mat
á bæði húsgögnin og niðurröðunina í rým-
inu. Nánast öll borð eru rafmagnsborð því
við teljum mikilvægt að starfsmenn geti stillt
borðin að persónulegum þörfum og geti
einnig staðið við vinnuna, ef þeir svo kjósa.
Við vildum líka að starfsmönnunum væri
kleift að standa reglulega upp frá vinnu
sinni og komum fyrir kaffibörum og sófa-
herbergjum víðs vegar um húsið. Auk þess
er kaffihús í miðju skrif-
stofurýminu þar sem
starfsmenn geta sest niður,
spjallað saman og slappað
af.
Við erum einnig með
barnaherbergi þar sem
starfsmenn geta komið
með börn sín í stuttan
tíma. Það hefur gefið
mjög góða raun og er
ánægjulegt til þess að vita að það eru jafnt
feður sem mæður sem nota þessa aðstöðu.
Einnig erum við með tvo leikfimissali; annar
er tækjasalur en hinn er skvass-salur sem
einnig er notaður fyrir ýmis námskeið sem
við stöndum fyrir, eins og t.d. jóga, maga-
dans, pilates og fleira.
Rúsínan í pylsuendanum er svo náttúrlega
nuddherbergið okkar, boðið er upp á 15 mín-
útna nudd sem starfsmenn geta bókað sig í á
vinnutíma og er það ótrúlega vinsælt.“
Var sami háttur hafður á skrifstofum
Samskipa í Rotterdam?
„Já, í framhaldinu var farið út í byggingu
á nýju skrifstofuhúsnæði í Rotterdam þar
sem 250 starfsmenn okkar
starfa. Ég stjórnaði því
verkefni þar sem stefna
félagsins er að bjóða öllum
starfsmönnum skrifstofa
okkar upp á sambærilega
vinnuaðstöðu með sama
útlit. Starfsmenn eru mjög
ánægðir með nýju aðstöð-
una og þeir áttu heilmik-
inn þátt í hönnun skrif-
stofanna, bæði hér heima og í Rotterdam.
Það var afar skemmtilegt að taka þátt í þessu
starfi.
Við hjá Samskipum trúum því að betur
sé gengið um ef umhverfið er fallegt. Þessu
til staðfestingar er lóðin við húsið okkar í
Kjalarvogi sem við ákváðum strax að ganga
frá þannig að sómi væri að. Við fengum
fagmenn í verkið en einnig tók starfsfólk þátt
í gróðursetningu og frágangi. Árangurinn lét
ekki á sér standa og fengum við verðlaun í
fyrra fyrir fallega og snyrtilega lóð.“
SAMSKIP:
Vinnuaðstaðan veigamest
Rúsínan í pylsuendanum
er svo náttúrulega nudd-
herbergið okkar en boðið
er upp á 15 mínútna nudd
sem starfsmenn geta
bókað sig í á vinnutíma og
er það ótrúlega vinsælt.
Hulda Kristín Magnúsdóttir, aðstoðarmaður stjórnarformanns Samskipa.
�
�
�
�
�
�
��
��
��
��
��
�
�
�
�
�
�
LAY LOW
OG SAMSKIP
SAMAN NÁUM VIÐ ÁRANGRI