Frjáls verslun - 01.05.2007, Blaðsíða 150

150 F R J Á L S V E R S L U N • 5 . T B L . 2 0 0 7
Miklar breytingar
„Baldur Guðnason tók við starfi forstjóra Eimskips árið 2004.
Síðan þá hefur félagið tekið miklum breytingum og vaxið hratt.
Á þeim tíma var velta félagsins um 20 milljarðar en áætluð velta
á yfirstandandi ári er um 120 milljarðar og mun hún aukast
enn frekar ef yfirtaka á Versacold gengur eftir. Á þeim tíma
voru starfsmenn um 1.000 en eru nú um 10.000 – eða um
14.500 ef við teljum starfsmenn Versacold með.
Starfsemi félagsins skiptist niður á 6 einingar, skipt niður
eftir heimshlutum, það er Norður-Atlantshaf, Evrópa, Bret-
land, Eystrasaltssvæðið/Rússland, Ameríka og Asía.“
Heiðrún bendir á að fyrir fjórum árum hafi um 80% af
tekjum Eimskips verið tengd Íslandi. Í dag er þetta öfugt. „Við
leggjum þó mikla áherslu á að rætur fyrirtækisins eru á Íslandi
og Eimskip er íslenskt fyrirtæki. Það mun ekki breytast.“
Innovate Holdings
Nýverið keypti Eimskip 45% í Innovate Holdings í Bretlandi
en félagið keypti 55% hlut í maí 2006. „Innovate er leiðandi á
öllum sviðum flutninga í Bretlandi og er velta félagsins um 24
milljarðar króna. Innovate er með 25 kæli- og frystigeymslur
á 11 stöðum í Bretlandi og gerir út um 1200 flutningabíla og
hitastýrða tengivagna. Geymslugeta félagsins er 450 þúsund
tonn og hjá fyrirtækinu starfa um 2500 manns.“
Kaupin voru greidd með hlutafé í Eimskip og þannig eign-
uðust seljendur og stjórnendur Innovate 4-5% í Eimskip.
„Auk þess munu þeir stýra stjórnendateymi Eimskips sem
mun leiða frekari uppbyggingu á sviði kæli- og frystigeymslna.
Það hjálpar okkur frekar í útrás á þessum stóru verkefnum
erlendis.“
Yfirtökutilboð upp á 67 milljarða
Yfirtökutilboð Eimskips í Versacold hljóðar upp á samtals 67
milljarða króna og er það ein stærsta yfirtaka sem íslenskt fyr-
irtæki hefur ráðist í, gangi það eftir. Heiðrún segir að í Amer-
íku sé aðaláherslan lögð á starfsemi kæli- og frystigeymslna og
rekur félagið yfir 70 kæli- og frystigeymslur í Norður-Ameríku,
Argentínu, Ástralíu og Nýja-Sjálandi.
„Stjórn Versacold mælir með því við hluthafa að þeir taki til-
boði Eimskips sem þeir telja sanngjarnt og viðunandi og eykur
það líkur á að kaupin gangi eftir og verður þá Eimskip stærsta
kæli- og frystigeymslufyrirtæki í heimi með um 180 kæli- og
frystigeymslur í fimm heimsálfum. Eimskip er nú þegar eitt
af stærstu kæli- og frystigeymslufélögum í Norður-Ameríku í
gegnum dótturfyrirtæki sitt, Atlas Cold Storage. Það félag á og
rekur í dag yfir 50 geymslur víðs vegar um álfuna.“
Framtíðarsýn skýr
„Í maí ákvað stjórn félagsins að selja eignir Eimskips sem
tengjast flugrekstri, þ.e. flugfélagið Atlanta og 49% hlut í
Avion Aircraft Trading. Félögin eru í góðum rekstri, þar er gott
starfsfólk og mörg tækifæri felast í félögunum. Hins vegar er
H E I Ð R Ú N J Ó N S D Ó T T I R
Hér sjást kaup
og samrunar
Eimskips sl. þrjú ár.
Þjónustunet félagsins.
Umsvif félagsins eins og þau líta út í dag.