Frjáls verslun - 01.05.2007, Blaðsíða 124
K
Y
N
N
IN
G
Íslenska fatahönnunarfyrirtækið ELM hefur haslað sér völl á hinum gríðarlega öfluga alþjóðlega tískumarkaði. Því hefur meðal annars hlotnast sá mikli heiður að fá inni í hinum rótgrónu stóru
tískuhúsum Harvey Nichols, Selfridges og Liberty
House í London hvar hvíta vorlínan þeirra blaktir nú
í félagsskap merkja heimsþekktra hönnuða.
Kímnar á svip segja eigendurnir, Erna Steina
Guðmundsdóttir og Lísbet Sveinsdóttir, að þetta
sé bara byrjunin. Matthildur Halldórsdóttir, þriðji
eigandinn, er búsett í Perú þar sem öll framleiðsla
fyrirtækisins fer fram.
„Við seljum til verslana í öllum helstu borgum
heims en Bandaríkin eru stærsta markaðssvæði fyrir-
tækisins; þar er fjöldi ELM-verslana í kringum eitt hundrað. Einnig
höfum við verið að koma ár okkar vel fyrir borð í London upp á
síðkastið og gengur afskaplega vel með nýju línuna okkar í stóru
tískuhúsunum þar. Það er alls ekki hlaupið að því að komast inn
hjá slíkum verslunum sem eru mjög vandlátar í vörukaupum
og kröfuharðir viðskiptavinir.
Íslenska sendiráðið í London hefur verið okkur mjög
innan handar og veitt okkur ómetanlega aðstoð, t.d. með
aðstöðu í fundarsal sínum. Við erum með umboðsmenn
í Bretlandi og Bandaríkjunum en byrjuðum seinna að
markaðssetja í Evrópu enda er það aðeins þyngra í
vöfum. Um þessar mundir erum við að seiglast inn
á Ítalíu- og Frakklandsmarkaði sem eru mjög erfiðir,
eðli málsins samkvæmt.“
Hverjir eru aðalhönnuðir ELM?
„Við stöllurnar þrjár
sjáum alveg um hönn-
unina og það eru okkar
hugmyndir sem verið
er að selja. Við lögðum
menntun okkar og
reynslu í púkk; listmál-
ELM DESIGN:
Markaðssetning
– lykilatriði velgengninnar
ari, textílhönnuður og „drama-þerapisti“, og komum því dálítið á ská
inn í tískuheiminn því að við erum ekki beinlínis ættaðar úr brans-
anum. Þar af leiðandi eru fötin talsvert öðruvísi en gengur og gerist.
Eins og títt er með sköpun, þá nærum við hver
aðra, köstum hugmyndum á milli okkar og eigum
í farsælu og skemmtilegu samstarfi. Það má segja að
sameiginlegur listabakgrunnur okkar komi fram í
formskyni sem við yfirfærum í fatnaðinn.
Í framleiðsluna eru einungis notuð góð efni, aðal-
lega úr hör og bómull í sumarlínu, en ýmiss konar
ullarefni, silki, „microfiber“ og fleira í vetrarlínu.
Efnin veljum við af mikilli sérvisku enda er ELM
þekkt fyrir að vera með hágæða efni.
Við sjáum sjálfar alfarið um markaðssetninguna en hún er lykil-
atriði þess að öðlast velgengni í þessum geira viðskiptalífsins.“
Hvernig lítur nánasta framtíð út hjá ELM?
„Við stefnum að áframhaldandi stækkun og erum komnar á
þannig stað að þróunin gengur svolítið í þrepum. ELM er
einnig komið inn í einstaklega glæsilega japanska verslun á
Fifth Avenue í New York. Að vera með vörurnar sínar þar á
framfæri er veruleg viðurkenning. Forsvarsmenn Takas-
himaya leita um allan heim að fallegustu fötunum og
kaupa ekki heilar fatalínur heldur sérvelja nokkur
stykki.
Við erum á góðri siglingu og fullar bjartsýni. Það
eru spennandi breytingar rétt handan við hornið sem
við kjósum að segja ekki frá að sinni en vert verður að
fylgjast með.“
Í framleiðslu fatnaðarins
eru einungis notuð góð
efni, sem við veljum af
mikilli sérvisku enda er
ELM þekkt fyrir að vera
með hágæða efni.
124 F R J Á L S V E R S L U N • 5 . T B L . 2 0 0 7
Tvær af eigendum
ELM, þær Erna
Steina og Lísbet,
bregða á leik með
fyrirsætunni Elísabetu
Davíðsdóttur.