Frjáls verslun - 01.05.2007, Page 186
186 F R J Á L S V E R S L U N • 5 . T B L . 2 0 0 7
Ögmundsdóttir hlaut ekki brautargengi í
prófkjöri, Anna Kristín Gunnarsdóttir náði
ekki kjöri og Bryndís Hlöðversdóttir lét af
þingmennsku fyrir tveimur árum.
Fjórar grænar konur Vinstrihreyfingin
– grænt framboð sótti verulega á í kosning-
unum í maí. Þingmönnum flokksins fjölgaði
úr fimm í níu – og þar af eru konurnar fjórar.
Kolbrún Halldórsdóttir og
Þuríður Backman náðu
báðar endurkjöri en þær
hafa báðar setið á þingi fyrir
flokkinn allt frá því hann
bauð fyrst fram árið 1999.
Nýjar í þingflokki VG eru
þær Álfheiður Ingadóttir líf-
fræðingur og Katrín Jakobs-
dóttir bókmenntafræðingur, sem jafnframt
er varaformaður flokksins.
Sjálfstæðiskonum fjölgar Í 25 manna þing-
liði Sjálfstæðisflokksins eru konurnar níu.
Aftur kemur upp þriðjungskenningin fræga,
enda þótt deila megi um hvort áhrif sjálf-
stæðiskvenna séu í samræmi við það, meðal
annars með tilliti til þess að aðeins ein kona
situr fyrir flokksins hönd í ríkisstjórn.
Nýjar í þingliði Sjálfstæðisflokksins, eftir
kosningarnar í vor, eru Björk Guðjónsdóttir,
bæjarfulltrúi í Reykjanesbæ,
Guðfinna S. Bjarnadóttir,
fv. rektor Háskólans í
Reykjavík, Ólöf Nordal,
framkvæmdastjóri á Egils-
stöðum, Ragnheiður Elín
Árnadóttir, áður aðstoð-
armaður forsætisráðherra,
Ragnheiður Ríkharðsdóttir,
bæjarstjóri í Mosfellsbæ. Fyrir sátu á Alþingi
fyrir flokksins hönd Arnbjörg Sveinsdóttir,
Ásta Möller og Þorgerður Katrín Gunnars-
dóttir, varaformaður flokksins og mennta-
málaráðherra. Af þingmennsku létu sl. vor
Sigríður Anna Þórðardóttir og Sólveig Pét-
ursdóttir og þær Sigurrós Þorgrímsdóttir og
Drífa Hjartardóttir náðu hvorugar í prófkjöri
því sæti á framboðslista sem dugði þeim til
endurkjörs.
Loks skal nefndur Frjálslyndi flokkurinn.
Engin kona er í fjögurra manna þingflokki
hans og framkvæmdastjóri hans til skamms
tíma, Margrét Sverrisdóttir, sem nú bauð sig
fram fyrir Íslandshreyfinguna, var órafjarri
því að ná kjöri.
Mikilvægt að konur leiði lista Fjallað er um
úrslit alþingiskosninganna þann 12. maí á
vefsetri Jafnréttisstofu og þau skilgreind út frá
sjónarmiðum um jafna stöðu kynjanna. Þar
segir að í þremur kjördæmum, það er á SV
horninu, megi sjá þá jákvæðu breytingu að
nú sé jafnrétti í þingmannafjölda en í kosn-
ingunum fyrir fjórum árum hafi markmiðið
aðeins náðst í einu kjördæmi. Þrátt fyrir þessa
jákvæðu breytingu verði samt að horfa til
þess að engin kona sé í hópi níu þingmanna
Norðvesturkjördæmis og aðeins ein kona úr
Suðurkjördæmi sitji á þingi. Það sanni mik-
ilvægi þess að konur leiði framboðslista til
jafns við karla og að þátttaka þeirra í efstu
sætum allra lista sé tryggð. Ef litið sé til þess
að konur skipuðu mörg af baráttusætunum
í nýafstöðnum kosningum og að þær séu
meirihluti varaþingmanna sjáist að konur séu
tilbúnar að taka þátt í stjórnmálum. Líklegt
sé því að hlutur kvenna á þingi eigi eftir að
aukast þegar líður á kjörtímabilið, eins og
gerðist á því síðasta. Það sé hins vegar ekki
nóg og tryggja verði jafnvægi á listum flokk-
anna í aðdraganda kosninga og megi í því
sambandi minna á að eftir kosningarnar 1999
voru konur 35% þingmanna og hafi hlut-
fallið aldrei verið hærra en einmitt þá.
K O N U R Á Þ I N G I
Jafnréttisstofa telur
mikilvægt að konur leiði
lista til jafns við karla
og að þátttaka þeirra í
efstu sætum sé tryggð.
Glatt á hjalla við Bessastaði eftir fyrsta fund nýrrar ríkisstjórnar Geirs H. Haarde.