Frjáls verslun - 01.05.2007, Qupperneq 92

92 F R J Á L S V E R S L U N • 5 . T B L . 2 0 0 7
A T H Y G L I S V E R Ð R I T G E R Ð
fundið sinn farveg, sem var ekki hefðbundinn, en fékk
fullan stuðning frá fjölskyldunni til að fara þá leið.“
Í öðru lagi skipti samfélagið miklu máli. Sumar
höfðu flust til útlanda og komið svo heim aftur og þá
fundist þær vera nýi krakkinn í bekknum oftar en einu
sinni. „Ein þeirra hafði til dæmis aðlagast litlu samfélagi
hér heima vel, flutti svo utan og náði að aðlagast sam-
félagi í stórborg, og það varð til þess að hún stimplaði
sjálfa sig sem sigurvegara, að hún gæti gert hvað sem
er fyrst henni tókst að aðlagast á svo ólíkum stöðum,“
segir Kristján.
Í þriðja lagi sátu áhugamálin, en sumar hafa haft
áhugamál sem algengara er að strákar eða karlar hafi.
Í fjórða lagi byrjuðu nokkrar konurnar snemma að
vinna. „Þær byrjuðu kannski tíu ára gamlar og lærðu því
snemma að maður þarf að leggja á sig til að ná árangri,
að lífið er ekkert auðvelt, ólíkt háskólanema sem jafnvel
vinnur ekkert að ráði fyrr en hann lýkur prófi 24 ára
gamall,“ segir Kristján.
Fimmta atriðið kom Kristjáni nokkuð á óvart.
„Erfið og djúpstæð reynsla hafði markað líf nokkurra
kvennanna og sögðu þær það hafa haft áhrif á það
hvernig þær forgangsraða í lífinu og hvað þeim finnst
skipta mestu máli,“ segir Kristján.
Erlendar rannsóknir
Kristján segir að það sé áhugavert hversu mikið kon-
urnar sem hann ræddi við eiga sameiginlegt með kven-
kyns leiðtogum úti í heimi. Nefnir hann sérstaklega
Carly Fiorina, fyrrverandi forstjóra Hewlett-Packard,
sem tímaritið Fortune hefur margsinnis kosið valda-
mestu konu viðskiptalífsins. „Ég las ævisögu hennar á
meðan ég var að vinna að þessu verkefni, og það var
eftirtektarvert hversu mikið hún á sameiginlegt með
íslensku konunum sem ég ræddi við. Auðvitað er ekki
hægt að alhæfa neitt út frá þessari rannsókn minni þar
sem ég talaði einungis við átta konur, en þær gefa þó
góða mynd af því sem hefur hjálpað íslenskum konum
við að ná árangri,“ segir Kristján.
Rannsókn hans, „Hæfileikar árangursríkra kvenna
í íslensku viðskiptalífi - reynsluríkar raddir“, er hægt
að skoða í fullri lengd á Landsbókasafninu og segist
Kristján vona að sem flestir nýti sér það svo að hug-
myndirnar sem þar eru settar fram skili sér til annarra
kvenna. „Það væri athyglisvert að rannsaka betur það
sem þessar konur eiga sameiginlegt og skoða þennan
rauða þráð sem virðist liggja í gegnum líf þeirra. Þetta er
umfangsmikið verkefni sem gæti orðið mjög áhugaverð
doktorsritgerð,“ segir Kristján að lokum.
Í þriðja lagi hafa konurnar góða yfirsýn, eru fljótar
að sjá hvað verkið gengur út á, og sjá stóru myndina.
Þær eru einnig skjótar að taka ákvörðun og hika ekki.
Í fjórða lagi er jákvæðnin. Konurnar töluðu um mik-
ilvægi þess að vera jákvæðar bæði í starfi og einkalífi.
Trúin á að til sé lausn á öllum vandamálum er mikilvæg
í leiðtogahlutverkinu.
Í fimmta lagi áttu konurnar það sameiginlegt að eyða
ekki tíma í að velta fyrir sér kynhlutverkum, heldur líta
þær fyrst og fremst á sjálfar sig sem manneskjur.
„Eins og ein sagði: „Þegar ég hugsa um þennan hóp
af konum sem hafa náð árangri, þá erum við ekkert að
spá í það að við séum konur, við bara böðlumst áfram
við að gegna okkar starfi,““ hefur Kristján eftir einni
konunni sem hann ræddi við.
Þættir í umhverfinu
Síðari rannsóknarspurningin fjallaði svo um hvaða þættir
í umhverfinu hefðu haft áhrif á árangur kvennanna í
íslensku viðskiptalífi.
Hér voru svörin einnig fimmþætt og nefndu allar
konurnar fjölskyldu og uppeldi. Þær höfðu flestar notið
mikils stuðnings á uppvaxtarárum sínum, en jafnframt
voru miklar kröfur gerðar til þeirra. „Ein sagði foreldra
sína hafa gefið sér þau skilaboð að þeir hefðu kennt
henni að takast á við lífið, treystu henni og gerðu þá
kröfu að hún gerði það sem var rétt. Það hjálpaði henni
mikið,“ segir Kristján. „Önnur sagði að hún hefði