Frjáls verslun - 01.05.2007, Blaðsíða 179

F R J Á L S V E R S L U N • 5 . T B L . 2 0 0 7 179
Í nútíma samfélagi með stöðugu áreiti, standa fyrirtæki og stofn-anir daglega frammi fyrir spurningum um hvernig best sé að koma upplýsingum á framfæri og til hverra. Ferlið er orðið flóknara, jafnframt sem aukin umsvif fyrirtækja kalla á fjöl-breyttari samskiptaleiðir og -miðlun. Þegar ólíkar aðferðir við
miðlun upplýsinga eru bornar saman verður einnig að meta hugtök
eins og traust og trúverðugleika, enda skiptir slíkt miklu fyrir orðspor
fyrirtækja,“ segir Áslaug Pálsdóttir, framkvæmdastjóri AP almanna-
tengsla, eins stærsta almannatengslafyrirtækis landsins.
Möguleikarnir eru óendanlegir
Áslaug hefur víðtæka reynslu af almannatengslum en hún stofnaði
fyrirtæki sitt, AP almannatengsl, 17. ágúst 2002. Á þeim fimm árum
sem liðin eru hefur margt breyst í íslensku samfélagi
með stórfelldri útrás fyrirtækja og almennum upp-
gangi í atvinnulífinu. Áslaug segir að þegar fyr-
irtækið fagnar fimm ára afmæli sé hollt að líta yfir
farinn veg og ekki síður að horfa fram veginn.
„Miklar breytingar hafa orðið í íslensku við-
skiptalífi á þessum árum og það hefur verið gaman
að taka þátt í þeirri þróun með viðskiptavinum
okkar. Fjármagnið í viðskiptalífinu hefur marg-
faldast og nú er svo komið að stærstu samningar
Íslandssögunnar, sem voru forsíðuefni fyrir fimm
árum, eru orðnir smáir í samanburði við það sem gengur og ger-
ist í dag. Alþjóðavæðingin skiptir þarna líka máli, því mörg íslensk
fyrirtæki líta ekki endilega á sig sem íslensk, heldur sem leiðandi
alþjóðafyrirtæki innan ákveðinna geira atvinnulífsins. Um leið verða
vaxtarmöguleikarnir nær óendanlegir.“
Samhæfð í allri vinnu
Eftirspurn fyrirtækja og stofnana eftir ráðgjöf og annarri sérfræðiað-
stoð varðandi upplýsingagjöf og viðburðastjórnun hefur aukist
og skapað fjölbreytt verkefni fyrir fyrirtæki í almannatengslum.
Stjórnendur í dag gera sér sífellt betri grein fyrir mikilvægi góðrar
upplýsingagjafar og orðspors. En ekki er sama hvernig staðið er að
málunum. Fjölmargar leiðir eru í boði við miðlun upplýsinga, sífellt
fleiri kjósa að tala beint við þá aðila sem varða þá mest, fjölmiðlum
hefur fjölgað og gagnvirk samskiptatækni á Netinu hefur gert alla
miðlun upplýsinga vandasamari.
„Þegar fjölbreytnin er svona mikil gildir ekki bara að nýta sér alla
þá möguleika sem eru í boði, heldur vera samstíga í þeim skilaboðum
sem send eru í gegnum allar þessar boðleiðir. Því leggjum við áherslu
á samhæfð markaðssamskipti í allri okkar vinnu; að vinna heildstæða
stefnu fyrir alla upplýsingagjöf fyrirtækja og fylgja henni,“ segir
Áslaug.
Friðrik var fyrstur
Áslaug nam stjórnmálafræði við Háskóla Íslands en fór síðar til fram-
haldsnáms í almannatengslum í Boston University í Bandaríkjunum
og aflaði sér meistaragráðu. Í Boston háskóla hafa
almannatengsl verið kennd í 60 ár og þar kynntist
Áslaug þeirri hugmyndafræði sem unnið er eftir hjá
AP almannatengslum.
„Eftir að ég kom heim réði ég mig til starfa sem
upplýsingafulltrúi TM Software þar sem ég kynnt-
ist úthýsingu betur: það er að fyrirtæki einbeiti sér
að sinni kjarnastarfsemi og kaupi síðan aðra þjón-
ustu af þeim sem eru sérfræðingar á viðkomandi
sviði. Ég fékk mikla trú á þessari hugmyndafræði
og sá þar leik á borði. Kynnti fyrir þáverandi for-
stjóra, Friðrik Sigurðssyni, þá hugmynd að ég færi í sjálfstæðan
rekstur. Hugmynd mín um að fara út í sjálfstæðan rekstur hafði
verið að gerjast með mér um nokkurt skeið enda sá ég tækifæri og
var búin að útbúa viðskiptaáætlun. Friðrik tók vel í þetta og TM
Software var fyrsti viðskiptavinurinn.“
Starfsmönnum AP almannatengsla hefur á starfsárunum fimm
fjölgað jafnt og þétt og eru þeir nú þrettán talsins. „Þetta hafa verið
lærdómsrík og skemmtileg fimm ár þar sem ég hef lært að það sé
töluvert stökk frá því að starfa sem ráðgjafi yfir í að vera stjórnandi
enda fylgja ólík verkefni fyrirtæki í vexti. Mín gæfa hefur verið að
hafa fengið með mér í lið gott samstarfsfólk en eins og allir stjórn-
endur vita skiptir það höfuðmáli. Hjá AP almannatengslum starfar
samhentur hópur fólks með fjölbreytta reynslu og menntun.“
„Kannanir hafa sýnt að
áhrif bloggs og annarra
óhefðbundinna miðla
fara vaxandi erlendis og
því kæmi ekki á óvart ef
sú þróun ætti sér einnig
stað hér á landi.“
TEXTI: JÓN G. HAUKSSON • MYNDIR: GEIR ÓLAFSSON
TRÚVERÐUGLEIKI
VERÐUR EKKI KEYPTUR
Trúverðugleiki skiptir öllu varðandi ímynd og orðspor fyrirtækja,
segir Áslaug Pálsdóttir, framkvæmdastjóri AP almannatengsla.
Fyrirtækið er fimm ára um þessar mundir, vöxtur þess hefur
verið hraður, enda vita stjórnendur á Íslandi að
miklu skiptir að standa rétt að almannatengslum.
Á S L A U G P Á L S D Ó T T I R