Frjáls verslun - 01.05.2007, Qupperneq 154

154 F R J Á L S V E R S L U N • 5 . T B L . 2 0 0 7
Hagvangur er er eitt elsta ráðgjafafyrirtæki landsins, stofnað 1971. Fyrirtækið hefur frá upphafi lagt áherslu á nýjungar í þjónustu og áreiðanleika í ráðningum, ráðgjöf og mann-
auðsstjórnun. Starfsmenn þess hafa unnið mikið brautryðjendastarf
á Íslandi og hefur fyrirtækið verið í fararbroddi hvað varðar starfs-
aðferðir, þróun og þjónustu. Katrín S. Óladóttir er eigandi og fram-
kvæmdastjóri Hagvangs ásamt Þóri Þorvarðarsyni, ráðningarstjóra.
„Starfsemi fyrirtækisins byggist á ráðningum og ráðgjöf. Við
höfum verið að bæta við þjónustuþáttum sem tengjast ráðningum
beint og óbeint eins og hönnun og innleiðingu ráðningakerfa, Talent
Management, persónuleikapróf og mat á stjórnendum ásamt mótun
starfsferils, svo eitthvað sé nefnt.
Katrín telur mikilvægt að það komi fram að aðeins hluti starfa
sem eru í boði hjá Hagvangi eru auglýst: „Við auglýsum kannski ekki
nema 25-30% af þeim störfum sem við erum með á skrá. Þess vegna
er mikilvægt fyrir fólk sem er að hugsa um að skipta um starf að hafa
sjálft samband við okkur. Tengslanet okkar gagnvart einstaklingum
sem og fyrirtækjum er gríðarlega öflugt og þótt markaðssvæðið stækki
sífellt hefur okkur tekist að þjónusta viðskiptavini okkar vel bæði hér
heima og erlendis. Okkar hlutverk er að vakta markaðinn. Þeir sem
leita aðstoðar okkar við þróun starfsframa síns býðst mun meira úrval
af störfum heldur en þeir gera sér fyrirfram grein fyrir.“
Fyrir fyrirtæki eins og Hagvang skiptir miklu máli að gott orðspor
fari af fyrirtækinu: „Velgengni Hagvangs byggist á gagnkvæmum
trúnaði og virðingu starfsfólks okkar og viðskiptavina. Í jafn litlu
samfélagi og við störfum í eru eignatengsl mikil og oft óljós og er því
mikilsvert fyrir starfsmann sem er að hugsa um að skipta um starf að
geta leitað til okkar og treyst því að trúnaður haldist og að hann þurfi
ekki að hafa áhyggjur af eigendatengingu milli fyrirtækja.“
Starfsemi Hagvangs hefur aukist mikið á undanförnum árum. „Nú
starfa hér þrettán manns. Markmið okkar er að bjóða uppá bestu sér-
fræðiþekkingu á sviði vinnu- og skipulagssálfræði sem völ er á með
áherslu á sýnilegan árangur í rekstri viðskiptavinar okkar. Í harðandi
samkeppni um hæfa starfsmenn verður sífellt mikilvægara að finna
hæfileikaríka starfsmenn þar sem notuð eru fagleg vinnubrögð. Sífellt
er því þörf á að skerpa á vinnubrögðum og þróa nýjungar í takt við
þarfir vinnumarkaðarins við ráðningar. Hagvangur er alþjóðlegur
dreifingaraðili bandaríska fyrirtækisins Hogan Assessment System
á Íslandi og það hefur gefið okkur skemmtilega viðbót við þá flóru
þekkingar sem fyrir er hjá fyrirtækinu.“
Aðeins hluti starfa auglýstur
Katríns S. Óladóttir framkvæmdatjóri, Rannveig J. Haraldsdóttir ráðgjafi, Arna Pálsdóttir ráðgjafi, Sesselja Sigurðardóttir ritari, Elísabet S.
Arndal ráðgjafi og sitjandi Elísabet Sverrisdóttir ráðgjafi.
HAGVANGUR:
Í harðnandi samkeppni um hæfa starfsmenn verður sífellt mikilvægara
að finna hæfileikaríka starfsmenn þar sem notuð eru fagleg vinnubrögð.
K
Y
N
N
IN
G