Frjáls verslun - 01.05.2007, Blaðsíða 226

226 F R J Á L S V E R S L U N • 5 . T B L . 2 0 0 7
KVIKMYNDIR
TEXTI: HILMAR KARLSSON
F
lestum eru í fersku minni örlög blaðamannsins Daniels Pearls,
sem var blaðamaður við stórblaðið Wall Street Journal. Hann
var við störf í Pakistan þegar hann var handtekinn af íslömskum
öfgahópi í Karachi, haldið í gíslingu og tekinn af lífi. Pearl naut
virðingar kollega sinna og var mikið fjallað um hvarf hans í vest-
rænum fjölmiðlum. Eiginkona hans, Mariane Pearl, var með honum
í Pakistan og var komin sex mánuði á leið. Daniel Pearl var tekinn
gíslingu á leið sinni á fund 23. janúar, 2002. Hann var að vinna að
grein um breska hryðjuverkamanninn Richard Reid og var vongóður
um að fá upplýsingar sem væru mikils virði í grein sína.
Mariane Pearl skrifaði bók um leit sína að eiginmanninum og
tilraunir sínar til að frelsa hann. Bókin heitir A Mighty Heart: The
Brave Life and Death of My Husband Danny Pearl, og er kvik-
myndin, A Mighty Heart, byggð á bókinni. Í henni lýsir hún sam-
Örlög blaðamannsins Daniels
Pearls er viðfangsefni Michaels
Winterbottoms í A Mighty Heart
VOLDUGT
HJARTA
skiptum sínum við yfirvöld og hvernig hún og vinkona hennar, Asra
Noami, reyndu á eigin spýtur að finna Daniel, en báðar eru reyndir
blaðamenn. Eftir að í ljós kom að hryðjuverkamennirnir höfðu tekið
Daniel af lífi flutti Mariane til heimalands síns, Frakklands, þar sem
hún átti soninn Adam og mætti á kvikmyndahátíðina í Cannes til að
vera við frumsýningu myndarinnar.
A Mighty Heart vakti mikla athygli í Cannes en hún var sýnd
utan keppninnar. Athyglin beindist ekki síst að Angelinu Jolie, sem
leikur Mariane Pearl. Hún var stödd á hátíðinni ásamt maka sínum
Brad Pitt, sem er framleiðandi myndarinnar og valdi Angelinu í hlut-
verkið. Voru ekki allir á eitt sáttir um val hans, en það gleymist oft í
fjölmiðlafárinu í kringum Angelinu Jolie að hún er góð leikkona og
þykir standa sig vel í hlutverki sínu. Sá sem leikur Daniel Pearl er Dan
Futterman, lítt þekktur leikari, þekktastur fyrir að hafa skrifað hand-
ritið að Capote sem færði Philip Seymour Hoffman óskarsverðlaunin,
auk þess sem Futterman var tilnefndur fyrir handritið. Aðrir leik-
arar í myndinni eru að mestu indverskir og nöfn þeirra hljóma ekki
kunnuglega fyrir okkur á Vesturlöndum en þeir eru þekktir í sínu
heimalandi.
Michael Winterbottom Leikstjóri A Mighty Heart er Michael Winter-
bottom, sem er eitt helsta tromp Breta í alþjóðlegri kvikmyndagerð
um þessar mundir. Winterbottom á að baki nokkrar frábærar kvik-
myndir, en A Mighty Heart er fyrsta myndin sem hann vinnur fyrir
stóru kvikmyndafyrirtækin í Hollywood og verður að segjast eins og
er að Winterbottom er réttur maður á réttum stað. Stutt er síðan hann
sendi frá sér hina rómuðu mynd The Road To Guantánamo, sem er
leikin heimildamynd um þrjá breska múslíma sem var haldið föngum
í hinu illræmda Guantánamo-fangelsi í tvö ár og síðan sleppt án
þess að vera ákærðir. Áður hafði hann leikstýrt In This World (2002), Leikstjóri A Mighty Heart, Michael Winterbottom, ræðir málin við Angelinu Jolie meðan á tökum stóð.