Frjáls verslun - 01.05.2007, Síða 69

F R J Á L S V E R S L U N • 5 . T B L . 2 0 0 7 69
Ragnhildur Sigurðardóttir
atvinnukylfingur leikur fyrir
Golfklúbb Reykjavíkur og
hefur verið mikil hvatning
fyrir fjölmargar konur í golf-
inu. Ragnhildur hóf golfferil
sinn sem kylfusveinn tíu ára
gömul á Evrópumóti drengja
í Grafarholti árið 1980,
en gerðist að eigin sögn
ólæknandi golfsjúklingur
nokkrum árum síðar þegar
hún lenti í þriðja sæti með
forgjöf á septembermóti
drengja.
„Síðan þá hef ég marga
fjöruna sopið, 15 ára varð
ég Íslandsmeistari kvenna
og árið 2005 auðnaðist mér
sæmdarheitið íþróttamaður
Reykjavíkur. Ég gerðist
atvinnumaður árið 2003 og
hef keppt bæði í Ameríku
og Evrópu á úrtökumótum
fyrir atvinnumótaraðirnar
tvær,“ segir Ragnhildur,
sem er menntaður grunn-
skólakennari en starfar
mestmegnis við golf-
kennslu. „Umfram allt er
mér í mun að fólk átti sig
á gleðinni sem golfíþróttin
getur fært okkur og öllum
þeim áskorunum sem í
henni felast. Fjölskyldan
getur stundað golf saman,
afinn og amman jafnvel
keppt við barnabarnið á
jafnréttisgrundvelli og það
eru ekki margar íþróttir sem
geta státað sig af því.“
Ragnhildur segir golfið
að sumu leyti vera erfiðara
fyrir konur. „Karlmenn eru
líkamlega sterkari og þar
af leiðandi oft fljótari að
ná tökum á lengri höggum.
Konur þurfa að vera tækni-
lega góðar til að geti slegið
boltann langar vegalengdir
og því er oft mikill munur
á körlum og konum fyrstu
skrefin. Ég finn líka mikinn
mun á því með hvaða augum
byrjendur sjá sjálfa sig, kon-
urnar vilja oft vera úti í horni
þar sem enginn fylgist með
þeim meðan körlunum er
slétt sama,“ segir hún og
bætir við að þegar fólk eign-
ast börn hvíla konurnar sig
gjarnan á golfinu en menn
þeirra halda áfram. „Sumar
ílendast svo fjarri góðu
gamni og eiga erfitt upp-
dráttar þegar þær loksins
vilja byrja upp á nýtt. Karlinn
og krakkarnir orðnir miklu
betri en þær og þeim finnst
þær ekki falla inn í hópinn.“
Hún bætir við að jafnrétti
hafi smám saman unnið sér
sess í íslensku keppnisgolfi,
en úti í heimi eru bestu
kvenkylfingarnir enn á vinnu-
konulaunum samanborið
við forstjóralaun bestu
karlkylfinganna. „Jafnrétti
skiptir miklu máli í íþróttum
og þá ekki eingöngu milli
kynjanna. Við eigum að láta
jafnrétti okkur varða á öllum
sviðum mannlífsins, megum
aldrei slaka á í þeirri baráttu
og komandi kynslóðir þurfa
að taka upp þráðinn þar sem
við skiljum við hann,“ segir
Ragnhildur.
Íþ
ró
tt
ir
Ragnhildur Sigurðardóttir
atvinnukylfingur