Frjáls verslun - 01.05.2007, Blaðsíða 229

Svo mörg voru þau orð
„Icelandair Cargo hefur vaxið hratt með arðbærum hætti und-
anfarin ár og stefnir nú á enn meiri vöxt á nýjum mörkuðum.
Icelease, sem kaupir og selur flugvélar, er með leigusamninga við
flugfélög um allan heim og 25 flugvélar í sínum bókum. Þetta eru
tveir af þýðingarmiklum vaxtarbroddum samstæðunnar.“
Jón Karl Ólafsson, forstjóri Icelandair Group.
Morgunblaðið, 24. maí.
„Þegar ég var við framhaldsnám í Barcelona fyrir um tíu árum
kynntist ég fólki sem var að hefja sinn starfsferil. Margt af því
hafði hug á að fara út í fjárfestingarbankastarfsemi. Launin og
ekki síst bónusarnir í störfum þeirra gáfu kost á því. Margt þeirra
ætlaði sér að hætta að vinna á bilinu 40 til 45 ára.“
Þröstur Olaf Sigurjónsson, formaður Félags viðskipta- og hag-
fræðinga. Markaðurinn, 23. maí.
„Það liggur í hlutarins eðli að tengslanet FKA fyrir norðan er ekki
staðbundið net heldur samofið neti félagsins um land allt, og gott
betur en það – því netið teygir í raun anga sína út um allan heim.
Þetta hefur gert okkur kleift að búa í Brekkunni á Akureyri en
vinna verkefni fyrir fyrirtæki í Breiðholti, Bretlandi eða Brasilíu.
Staðsetning skiptir engu máli, þökk sé tækninni.“
Bryndís Óskarsdóttir, hönnunar- og viðskiptastjóri Stíls, auglýs-
ingastofu og skiltagerðar á Akureyri – og í forsvari fyrir FKA á
Akureyri. Morgunblaðið, 17. maí.
Hönnun:
ÚR SMIÐJU ALESSI
Anna G. Sverrisdóttir, fram-
kvæmdastjóri innlendrar
starfsemi Bláa lónsins, segir
að sér þyki mjög gaman af að
bjóða heim vinum og ættingjum.
„Ég vil gjarna geta verið sem
mest með gestunum og vel
því matinn í samræmi við það.
Stundirnar með góðu fólki eru
svo mikils virði.“
Anna gefur uppskrift að
girnilegu kjúklingasalti.
Kjúklingasalat fyrir fjóra
400 g kjúklingar (eða svínakjöt)
½ dl þurrt sérrí
½ dl soyasósa
4 tsk. ferskur engifer
3 hvítlauksgeirar
½ dl Hoisin sósa ( Blue Dragon)
2 msk. púðursykur
1 msk. hvítvínsedik
1 msk. ólívuolía
1 tsk. sesamolía
Rauðlaukur
Cashew hnetur
Salat – ferskt að eigin vali
Sesamfræ
Ávexti að eigin vali t.d. jarðarber,
melóna, vínber, kokteiltómatar,
agúrka (nota tvennt til þrennt af
þessu í hvert skipti).

Blanda á saman sérríi, soya,
engifer sem er rifinn í rifjárni,
og hvítlauk. Um það bil ½ dl
af blöndunni er tekinn frá og
geymdur. Kjötið er látið liggja í
leginum, helst yfir nótt en ekki
minna en tvo tíma og haft í kæli
á meðan.
Kjötið er síðan grillað en
það má líka steikja á venjulegri
pönnu eða grillpönnu.
Leginum, sem tekinn var frá,
er blandað saman við restina
af uppskriftinni, sett í pott og
hitað að suðu. Þá er sesam-
olíunni bætt við í lokin.
Raða má salatinu á stóran
disk, kjötið er sett ofan á
það og síðan ávextirnir yfir.
Hnetunum og sesamfræj-
unum er stráð yfir ásamt rauð-
lauknum sem er fínt skorinn.
Síðast er sósunni hellt yfir en
einnig má bera hana fram með
réttinum.
Þetta er létt og skemmtilegt
salat sem er fljótlegt að gera
en það þarf smáfyrirhyggju þar
sem marinera þarf kjötið sem
fyrr segir. Með þessu hef ég
svo brauð og kalt hvítvín.
Sælkeri mánaðarins:
GIRNILEGT KJÚKLINGASALAT
Anna G. Sverrisdóttir, framkvæmdastjóri innlendrar starfsemi Bláa
lónsins, er sælkeri mánaðarins.
Þau eru mörg listaverkin sem
framleidd eru hjá ítalska
fyrirtækinu Alessi. Á meðal
þeirra er þessi vatnskanna
sem Mario Botta hann-
aði árið 2000. Hér
á landi fæst hún í
versluninni Casa.
Kannan, sem er úr
stáli, ætti að geta
skreytt hvaða
borð sem er. Hún
er nútímaleg en
jafnframt sígild.
F R J Á L S V E R S L U N • 5 . T B L . 2 0 0 7 229