Frjáls verslun - 01.05.2009, Page 35

F R J Á L S V E R S L U N • 5 . T B L . 2 0 0 9 35
fjármálafyrirtæki
SIGRÚN RAGNA ÓLAFSDÓTTIR,
framkvæmdastjóri Fjármála- og rekstr-
arsviðs Íslandsbanka.
Hver hafa viðbrögð þíns fyrirtækis verið í kreppunni? Í
hvaða úrbótum er það að vinna?
Við höfum unnið að uppbyggingu á nýjum banka frá 15. október
sl. Það eru mörg mikilvæg verkefni sem verið er að vinna að
sem varða bæði viðskiptavini og starfsmenn bankans, sem og
stofnefnahag hans. Það er aldrei mikilvægara en á tímum óvissu
að móta fyrirtækjum skýra sýn og það hefur verið eitt af stóru
verkefnunum að vinna að stefnumótun bankans og öllum þeim
verkefnum sem komu í kjölfar hennar.
Hefur eitthvað jákvætt komið út úr niðursveiflunni fyrir þitt
fyrirtæki?
Þessi niðursveifla hefur þjappað starfsfólki bankans saman og
sýnt okkur hvers við erum megnug við erfiðar aðstæður. Það eru
forréttindi að fá að taka þátt í að byggja upp nýjan banka.
Ríkisvæðingin er mikil. Hvað lengi eiga ríki og bankar að
reka einkafyrirtækin sem þau taka yfir?
Að mínu mati hlýtur markmiðið ávallt að vera að rekstur einka-
fyrirtækja sé í höndum annarra en ríkis og banka. Komi það til
að bankar hafa enga aðra kosti en að taka yfir rekstur fyrirtækja
til að bjarga verðmætum þá er mikilvægt að það tímabil vari í
sem skemmstan tíma. Það er nauðsynlegt að byggja upp gagn-
sætt og opið ferli sem tryggir að svo megi verða.
Hvað viltu sjá að verði gert til að rétta atvinnulífið við?
Við verðum að tryggja eðlilegt flæði og aðgang að fjármagni á
Íslandi og að fjármálageirinn verði endurskipulagður og ávinni
sér traust á ný. Það er áríðandi að við greinum hvar helstu vaxtar-
sprotarnir eru til framtíðar og hlúum vel að þeim.
Hvaða heilræði hafa reynst þér best í stjórnun?
Jákvæðni og að hafa trú og traust á samstarfsfólkinu.
Framtíðin í sex orðum?
Við mótum okkar eigin framtíð sjálf.
Sigrún Ragna situr í stjórn Miðengis ehf., eignaumsýslufélags
Íslandsbanka.
Martha
Eiríksdóttir,
stjórnarmaður
í Íslandsbanka.
Katrín
Ólafsdóttir,
stjórnarmaður
í Íslandsbanka.
Una Steinsdóttir,
framkvæmdastjóri viðskipta-
bankasviðs Íslandsbanka.