Frjáls verslun - 01.05.2009, Blaðsíða 116

116 F R J Á L S V E R S L U N • 5 . T B L . 2 0 0 9
s t u ð u l l
J
enný Stefanía hóf störf hjá Almennum tryggingum þegar
hún var 17 ára og vann þar með námi – menntaskólanámi
og háskólanámi – en hún útskrifaðist sem viðskiptafræðingur
frá Háskóla Íslands árið 1989.
„Lokaritgerðin fjallar um samruna Sjóvár og Almennra trygginga
og þar með setti ég punktinn á bak við tryggingabransann. Ég fór
síðan að vinna sem fjármálastjóri hjá Plastos þar sem ég var í 10 ár.
Samhliða vann ég í ýmsum verkefnum og sat í stjórnum á vegum
ríkisins.“
Eiginmaður Jennýjar, Grettir Grettisson tölvufræðingur, fæddist
í Kanada en foreldrar hans og móðurfjölskylda bjuggu þar. Móðir
Grettis var ein átta systkina sem flutti aftur til Íslands. „Það lá alltaf
í loftinu að okkur langaði til að flytja til útlanda og öðlast meiri
víðsýni. Við ákváðum að flytja til Vancouver í Kanada fyrir 11 árum
og vera þar í um fjögur ár. Við sögðum upp fínum störfum og fórum
út í óvissuna. Við vissum ekki út í hvað við vorum að fara. Þetta var
ævintýraþrá. Við vorum bæði fertug og það var þá eða aldrei. Það var
miklu betra að fara og koma þá til baka í staðinn fyrir að naga sig í
handarbökin seinna og sjá eftir því að hafa ekki prófað.“
Með í för var átta ára dóttir þeirra hjóna og sonur þeirra, sem var
rúmlega tvítugur, kom síðar en flutti aftur til Íslands nokkrum árum
seinna.
39 verslanir
Jákup Jacobsen, eigandi Rúmfatalagersins, opnaði fyrstu JYSK-versl-
unina í Kanada árið 1996. Tilviljun réð því að Jenný og Grettir
hittu hann í Kanada en hann var þá farinn að leggja drög að því að
opna fleiri verslanir þar í landi. „Við komum inn í þann pakka og
erum búin að vera þar síðan,“ segir Jenný en Grettir er yfirmaður
tölvudeildar Jysk sem sér um allar nettengingar og tölvumál fyrirtæk-
isins. „Jákup trúði því að þetta gengi með réttu fólki og réttri tækni.
Búið er að opna 39 verslanir og tvö vörudreifingarhús og starfsmenn
fyrirtækisins í Kanada eru um 650. Fjögur tímasvæði eru í Kanada
og ef ég þarf að heimsækja verslun í Halifax verð ég að fljúga í níu
klukkutíma þessa 6500 kílómetra. Landið er svo stórt.“
Þegar mest er, eru opnaðar um sjö verslanir á ári. Þegar valin er
staðsetning verslana er lögð áhersla á að áhugaverð fyrirtæki séu í
nágrenninu sem eru þó ekki í samkeppni við JYSK. „Það er eiginlega
alveg sama hvar maður ber niður í Kanada – jafnvel sama verslunin er
við hliðina. Eftir því sem við breiðumst út og vitneskjan um fyrirtækið
er meiri því auðveldara er að setja niður rætur á nýjum stað.“
Hagkvæmasta stærðin í Kanada þykir vera aðeins minni en verslun
Rúmfatalagersins við Smáratorg eða um 1800 fermetrar.
Eins og arkitekt
Jenný segir að það hafi verið gaman að fá að taka þátt í uppbyggingu
fyrirtækisins eins og arkitekt með það í huga að ekki yrði um eina
eða tvær verslanir að ræða heldur mun fleiri. „Mér fannst til dæmis
spennandi að fá að byggja upp allan strúktúrinn í tölvukerfunum.
Við erum í samstarfi við íslensk hugbúnaðarfyrirtæki, Landsteina og
AGR, og mér finnst íslenskt hugbúnaðarfólk vera í heimsklassa. Mér
finnst enginn komast með tærnar þar sem það er með hælana.“
Jenný segir að það sem er sérstakt í Kanada sé eftirlit þess opinbera
með fyrirtækjum. „Við erum með verslanir í sjö fylkjum og hvert fylki
er eins og sjálfstætt land með sérreglur og sérskatta og hvert fylki
hefur sitt eigið eftirlitskerfi og reglur. Á einu ári er maður sífellt með
einhvern opinberan aðila inni á gafli hjá sér sem er að endurskoða.
Mér finnst það bara fínt en það er samt þreytandi að þurfa alltaf að
útskýra sömu hlutina aftur og aftur og þeir vilja sjá öll gögn. Það er
samt hressandi að heyra þá kveðja með orðunum: Haltu áfram að
gera það sem þú ert að gera, allt í fína.“
Þegar Jenný er spurð um áherslur í starfi segir hún: „Ég er ofsalega
kröfuhörð á sjálfa mig. Maður verður umburðarlyndari með aldr-
inum en það var veikleiki minn áður fyrr að ég gerði sömu kröfur
til annarra og sjálfrar mín. Það er hins vegar ekki raunhæft. Ég er
umburðarlynd gagnvart fólki sem vill læra og viðurkennir mistök sín
texti: svava jónsdóttir ● Mynd: geir ólafsson
Jenný Stefanía JenSdóttir, fJárMálaStJóri rúMfatalagerSinS, JySK, í Kanada:
Jenný Stefanía Jensdóttir viðskiptafræðingur flutti ásamt fjölskyldu sinni til Kanda
fyrir 11 árum án þess að vera komin með vinnu. Hún hóf síðar störf sem fjármála-
stjóri fyrstu rúmfatalagers-verslunarinnar þar í landi, JySK. í dag eru verslanirnar
39 og starfsmenn um 650. Jenný er fjármálastjóri allra verslananna.
„Eins dauði Er annars brauð“