Frjáls verslun - 01.09.2007, Qupperneq 24

24 F R J Á L S V E R S L U N • 9 . T B L . 2 0 0 7
Þegar innihaldið skiptir öllu máli
verður umgjörðin að vera fullkomin
Kynntu þér kosti
Gullfyrirtækjaþjónustu SPRON
Nánari upplýsingar veita viðskiptastjórar í næsta útibúi SPRON,
í síma 550 1200 eða á spron.is
Viðskiptastjórar fyrirtækjaþjónustu SPRON einbeita sér að því
að veita framúrskarandi þjónustu við lítil og meðalstór fyrirtæki.
Gullfyrirtækjaþjónusta SPRON er sérsniðin, persónuleg þjónusta
fyrir fyrirtæki sem vilja víðtæk fríðindi, betri kjör og stuttar boðleiðir
í bankaviðskiptum sínum.
AR
GU
S
/ 0
7-0
88
7
„Þetta er lifandi saga í Eystrasaltslöndunum,“ segir Gísli og hann
segir að Lettar hafi bundið miklar vonir við framhaldið, að erlend
fyrirtæki kæmu og fjárfestu. „Þess vegna erum við aufúsugestir í land-
inu og við ætlum okkur að auka umsvifin þar.“
Ekki hitt mafíósa enn
En hvað með spillinguna í Austur-Evrópu?
„Já, þar er mikill munur á löndum hverjar hefðirnar eru,“ segir Gísli
og það heyrist strax að honum er ekki sama um þessa spurningu, en
bendir á að það fari mikið eftir löndum og þeim hefðum sem þar
búa.
„Fyrir okkur sem fjárfesta er fyrsta spurningin alltaf: Hvernig er
eignarréttur okkar tryggður? Við verðum að
treysta á lög og rétt í þeim löndum þar sem
við störfum,“ segir Gísli.
Og það er mafía í löndum fyrrum
Sovétríkjanna. „Já, mafían er væntanlega til
þótt ég hafi aldrei hitt mafíósa,“ segir Gísli.
„Okkur hefur aldrei verið hótað eða orðið
varir við þessa mafíu. Mafían einbeitir sér
líka að vændi og spilavítum og slíku sem er
utan ramma laganna og þar af leiðandi utan
við okkar svið.“
Almenn vanþekking
Engu að síður er það svo – sérstaklega meðal almennings á
Norðurlöndum – að margir halda að íslenskir fjárfestar stundi
peningaþvætti fyrir rússnesku mafíuna. Hvað segir Gísli um þetta?
„Þetta er bara trú fólks sem veit ekki hvað það á að halda um umsvif
Íslendinga,“ segir Gísli. „Ef menn vita ekkert um málið er auðvelt að
leita á náðir einfaldra skýringa. Það er hins vegar ekkert til í þessu.
Það hefur verið bent á Björgólfsfeðga. Þeir unnu mikið viðskiptaafrek
í Rússalandi á sínum tíma við ótrúlega erfiðar aðstæður. En að tengja
það við einhverja mafíu er bara vitleysa.“
„Það gleymist líka að þessi íslenska útrás er útrás margra óskyldra
fyrirtækja og fjárfesta,“ segir Gísli. „Það sem þeir eiga sameiginlegt er
að vera óhræddir við nýjungar - vera haldnir þessum frumkvöðlaanda
- og svo bætast þar við þættir eins og einkavæðing bankakerfisins og
aukið frelsi í viðskiptum.“
Þarna má líka nefna að margir ungir íslenskir fjárfestar hafa sótt
menntun sína til útlanda ef til vill af illri nauðsyn því menntastofnanir
á Íslandi hafa ekki getað mætt þörfum allra. Norrænir starfsbræður
Íslendinganna hafa oftar sótt menntun sína til rótgróinna stofnana
heima og eru háðari hefðbundnum hugsunarhætti í heimalandinu.
Viðskiptasjónarmið en ekki lífstíll
Stærstu fjárfestingar NP eru í Eystrasaltslöndunum en frægustu
byggingarnar eru hins vegar í Kaupmannahöfn. Núna eru þrjú
NP-hotels í hjarta borgarinnar. Hotel D´Angleterre er að sjálfsögðu
frægast en einnig eru þar Hotel Kong Frederik og Front Hotel.
Þar er líka veitingastaðurinn Copenhagen Corner auk þess sem
hótelin sjálf státa af fjölsóttum veitingasölum. Og hárgreiðslumeistari
Hotel D´Angleterre hefur svo ágæta viðskiptavini eins og meðlimi
dönsku konungsfjölskyldunnar. (Innan sviga ná geta þess að
konungsfjölskyldan hefur þar sérstofu þegar hún kemur til meistarans
og gengur inn bakdyramegin!)
En hvað með kaup á hótelum; kaupa fjárfestar hótel sér til
skemmtunar?
„Nei, kaupin á öllum þremur hótelunum í Kaupmannahöfn eru tekin
á viðskiptalegum grunni eingöngu. Við erum fagfjárfestar í hörðum
heimi viðskiptanna,“ segir Gísli. „Við hugsuðum okkur hins vegar
ekki í byrjun að fara út í hótelrekstur, aðeins að kaupa fasteignirnar en
láta aðra um reksturinn. En við sáum að það voru margir möguleikar
á að hagræða í rekstrinum og auka hagnaðinn. Við stefnum á að
auka rekstrarafganginn um 100 prósent á okkar
fyrsta ári.“
Reka stundum alla
Og hvernig hagræða menn í rekstri gróinna
fyrirtækja án þess að það komi niður á
þjónustunni?
„Fyrsta skilyrði er að breytingar séu í sátt og
samlyndi við helstu stjórnendur fyrirtækisins,“
segir Gísli. „Síðan er að leita að möguleikum á
hagræðingu bæði í rekstrinum og í fjármögnun - í
eðlilegri samvinnu við helstu stjórnendur og aðra
starfsmenn okkar.“
Gísli segir líka að stundum hafi þeir hjá NP rekið alla gömlu stjórn-
endurna í fyrirtækjum sem þeir hafa keypt.
„Við hikum ekki við að reka alla ef við sjáum enga aðra möguleika
og gefum ungu fólki tækifæri til að sýna sig og sanna,“ segir Gísli.
„En það mikilvægasta við hagræðingu er að eigendurnir vinni með
liðsheildinni.“
Og hvernig stjórnandi er Gísli? Er hann einn af þeim sem rekur
helminginn af starfsfólkinu og bölsótast í hinum sem eftir eru?
„Ég kann ekki að bölsótast svo það verður aldrei neitt úr því,“ segir
Gísli og hlær.
Samnýting með drottningunni
Í Kaupmannahöfn eru hótelin þær eignir sem mesta athygli vekja.
NP á þó fleira þar. Bak við höll drottningar – Amalíuborg – eru
tvær stæðilegar byggingar með tíu lúxusíbúðum. Meðal almennings
í Danmörku eru þær þekktar sem „Litla-Amalíuborg“. Arkitekt
hallarinnar, Nicolai Eigtved, fékk að byggja þarna hús fyrir sig og
sína. Það var um miðja 18. öld. Núna er hús hans í eigu A13 A/S
– félags sem NP á. Sami maður teiknaði einnig Viðeyjarstofu auk
margra helstu bygginga Kaupmannahafnar og er almennt talinn
fremsti arkitekt Dana.
Þarna eru tíu glæsiíbúðir, allar nýuppgerðar. Gísli og hans
fjölskylda hefur eina, aðrir NP-félagar halda þarna einnig húsnæði og
aðrar íbúðir eru leigðar út. Húsið stendur fast við bústað drottningar
og Gísli gantast með að þau hafi sameiginlegt loftræstikerfi.
Öryggisgæsla er einnig sameiginleg því varðmenn drottningar gæta
einnig bakhússins!
„Þetta var bara eins og
ákveðið alla tíð. Auðvitað
færi ég til Bandaríkjanna
að læra viðskiptafræði
þegar ég hefði aldur og
þroska til.“
Forsíðuviðtal