Frjáls verslun - 01.09.2005, Síða 14

FRÉTTIR
14 F R J Á L S V E R S L U N • 9 . T B L . 2 0 0 5
E
ftir að hafa unnið með íslensk húsgögn
og hönnuðum um árabil er ég sannfærð
um að íslensk hönnun á ekki síðri mögu-
leika erlendis en til dæmis dönsk hönnun,“
segir Dagmar Þorsteinsdóttir sem opnaði
nýlega verslun með íslenskri hönnun ásamt
manni sínum Magnúsi Magnússyni. Á boð-
stólum eru íslensk húsgögn, skartgripir,
ljósmyndir og gjafavara. Staðsetningin vekur
athygli því Knightsbridge er þekkt fyrir munað-
arverslanir eins og Harrods og Harvey Nichols
og allt í kring eru verslanir með þekkt vöru-
merki.
Dagmar vann um árabil hjá Sólóhús-
gögnum og segist hafa kynnst því vel hversu
erfitt er að koma íslenskri hönnun á framfæri.
„Það er gríðarlega erfitt að komast inn í
viðurkenndar verslanir og ekki á færi nema
risafyrirtækja með trygga framleiðslu. Maður
er beðinn um framleiðsluáætlanir næstu þrjú
árin - en íslenskir framleiðendur geta sjaldn-
ast starfað þannig því markaðurinn heima er
of lítill.“ Dagmar segir íslenska hönnun vekja
áhuga en það fæli erlenda kaupendur þegar
vörurnar séu aðeins seldar á Íslandi. „Með
því að vera hér á góðum stað í þekktu hverfi
þar sem fólk kemur alls staðar að álítum
við okkur hafa betra tækifæri til að vekja
athygli.“
Magnús, sem er enskur í móðurætt og
þekkir því vel til í Englandi, segir að stað-
setningin skipti einnig máli til að koma því
til skila að hér sé á ferðinni óvenjuleg og
sérstök vara sem sé eðlilega dýr því hún
sé að miklu leyti sérframleidd. „Við getum
ekki keppt við kínverskt verð. Við keppum á
öðrum grundvelli en verði,“ bendir hann á.
Markaðssetning er viðamikil á stórum
markaði eins og í London. Þau Dagmar og
Magnús segjast hafa kynnt sér aðstæður
vel og lengi áður en þau opnuðu og segjast
búast við að það taki 1 til 2 ár að hasla sér
völl. Þau vinna með almannatengslafyrirtæki
sem gefur ráð um allt sem snertir kynningu.
Hluti af markaðsáætluninni er að kynna
íslenska hönnun fyrir arkitektum sem geta
þá mælt með húsgögnum og öðru við sína
viðskiptavini. „Styrkur okkar liggur í að við
getum komið til móts við viðskiptavini um
hvers kyns sérþarfir hvað varðar húsgögn,
bæði um stærðir og efni því allt er smíðað
eftir pöntun,“ segir Dagmar.
Hugmyndin er einnig að vera með sýn-
ingar. Um þessar mundir er þarna sýning á
verkum íslenskra auglýsingastofa, unnum út
frá þemanu „þögnin rofin“.
Design Centre Knightsbridge, 4 William
Street, London SW1X 9HL; +44 (0) 20 7245
6222; www.designck.co.uk; dagmar@des-
ignck.co.uk.
Knightsbridge er þekkt fyrir munaðarverslanir eins og Harrods og Harvey Nichols.
Þar hefur núna verið opnuð íslensk verslun með íslenskri hönnun.
ÍSLENSK VERSLUN Í KNIGHTSBRIDGE
Magnús Magnússon og
Dagmar Þorsteinsdóttir
hafa opnað verslun
með íslenskri hönnun
í Knightsbridge.
TEXTI OG MYNDIR:
SIGRÚN DAVÍÐSDÓTTIR
Dagmar Þorsteinsdóttir og Magnús
Magnússon fyrir utan verslunina.
Tryggðu framgang fyrirtækisins með því að huga
að öllum þáttum í rekstri þess. Vátryggingar eru
nauðsynlegur þáttur í rekstri og er mikilvægt að
rekstraraðilar geri sér grein fyrir þeirri áhættu sem
þeir geta staðið frammi fyrir og skyldum sem þeir
þurfa að uppfylla. VÍS býður fyrirtækjum og einstak-
lingum með atvinnurekstur vátryggingavernd sem
löguð er að þörfum hvers atvinnurekanda.
Atvinnutryggingar VÍS
Vátryggingafélag Íslands hf. · Ármúla 3 · 108 Reykjavík · Sími 560 5000 · www.vis.is
Tryggðu alla þætti
fyrirtækisins!
F
í
t
o
n
/
S
Í
A

F
I
0
1
4
9
5
9