Frjáls verslun - 01.09.2005, Page 22

22 F R J Á L S V E R S L U N • 9 . T B L . 2 0 0 5
FORSÍÐUGREIN • SVAFA GRÖNFELDT
og þekkingu á öllum þáttum rekstrarins, hvar sem stjórn-
endurnir eru staddir í heiminum.
„Fyrirmyndin kemur ævinlega frá toppnum. Fram-
kvæmdastjórn okkar er mjög öflug og er hún er skipuð full-
trúum frá fjórum löndum. Þrjár konur sitja í framkvæmda-
stjórn. Róbert Wessman forstjóri félagsins hefur einstaka
tilfinningu fyrir fólki, aðstæðum og tímasetningum. Hann
hefur djúpan skilning á rekstrarumhverfi og þetta innsæi
sem ekki lærist í skóla, heldur þarf að vera í puttunum og
hjartanu,“ segir Svafa.
Starfsemi í um 30 löndum Lyfjaframleiðsla er flókið
ferli og flestum sem framandi heimur. „Þegar ég kom
hingað til starfa þekkti ég þetta í sjálfu sér lítið meira en
þessi grunnatriði sem flestir leikmenn þekkja. Vissi að
pensilín drepur sýkla og að Íbúfen slær á vöðvabólgu,“
segir Svafa og kímir. „Þegar ég fór svo að kynnast þessu
betur, kom mér ef til vill mest á óvart hversu mikil
vísindi eru á bak við þessa framleiðslu, hve agaður
lyfjamarkaðurinn er og mikið og flókið regluverk er í
kringum allt markaðsstarf. Að koma nýju lyfi á markað
er margra ára ferli þar sem öguð vinnubrögð þurfa að
vera í fyrirrúmi.“
Síðustu misseri í starfsemi Actavis-samstæðunnar hafa
einkennst af útrás þar sem hvert fyrirtækið á fætur öðru
hefur verið keypt. Sem fyrr segir er fyrirtækið nú með starf-
semi í um 30 löndum og starfsmenn eru um sjö þúsund tals-
ins. Flestir eru þeir í Búlgaríu og Tyrklandi, rúmlega þrjú
þúsund, en raunar hefur Actavis nú einhverja starfsemi í
flestum löndum Evrópu.
Fjórða stærsta á heimsvísu Það sem af er ári hefur Acta-
vis keypt sjö félög erlendis, það síðasta nú um miðjan októ-
ber. Þá var gengið frá kaupum á samheitalyfjafyrirtækinu
Alpharma fyrir um 50 milljarða íslenskra króna. Fyrirtækið
er með starfsemi víða í Bandaríkjunum og í tíu löndum
Evrópu og Asíu. Með kaupunum á Alpharma verður Acta-
Á harðaspretti. Svafa kemur í mark í 17. júní hlaupi á Borgarnesvelli árið 1977. Systurnar Íris og Svafa ásamt æskuvinkonu þeirra, Hjördísi
Árnadóttur síðar íþróttafréttamanni. Svafa er fyrir miðri mynd.
Framkvæmdir við nýbyggingu Actavis við Reykjavíkurveg í Hafnarfirði er í fullum gangi. Starfsemi fyrirtækisins er í um
þrjátíu löndum víða um veröld. Þar er Ísland miðsvæðis og því hentar vel að höfuðstöðvarnar séu hér.