Frjáls verslun - 01.09.2005, Side 25

F R J Á L S V E R S L U N • 9 . T B L . 2 0 0 5 25
FORSÍÐUGREIN • SVAFA GRÖNFELDT
vera gegnsæjar. Ef hlutirnir eru flóknir getur fólk falið sig í
kerfinu. Einfaldleikinn verður sennilega aldrei ofmetinn.“
Ferðalögin taka á Það reyndist allt annað en auðvelt að finna
lausan tíma fyrir viðtal við athafnakonuna Svöfu Grönfeldt.
Stund fannst þó um síðir: morguninn eftir að hún kom úr
fjögurra landa ferð sem tók tvo daga. Önnur utanferð var þá
handan við hornið.
Svafa er gift Matthíasi Friðrikssyni, flugmanni hjá
Icelandair, og eiga þau hjón tvö börn, ellefu ára dreng og
þriggja ára dóttur. „Ég er að jafnaði þrjá til fjóra daga í hverri
viku erlendis. Stundum get ég farið út að morgni og komið
aftur að kvöldi. Síðan koma þeir tímar að ég þarf kannski
að vera hálfan mánuð erlendis í einu og slíkt er mjög erfitt
fyrir fjölskylduna. Stundum kippi ég krökkunum með mér
en það er samt erfitt fyrir þau,“ segir Svafa og bætir við að
þeim hjónum hafi þó gengið ótrúlega vel að samræma störf
og fjölskyldulíf. Það sé ekki síst að þakka óbilandi þolinmæði
ömmu, afa og annarra í fjölskyldunni sem séu ætíð boðin og
búin til að leggja málstaðnum lið.
„Matti fær sína flugáætlun mánuð fram í tímann og sam-
kvæmt henni set ég upp mína dagskrá. Við erum heima og
heiman til skiptis en síðan koma inn á milli stundir sem
við getum átt saman. Nokkrum sinnum hefur það gerst að
við mætumst í landganginum í Leifsstöð, þar sem við erum
að fara hvort í sína áttina. Stundum hef ég líka flogið með
honum. Ég geri mér ljóst að maður hefur ekki endalaust
úthald í svona verkefni. Þetta verður nokkurra ára törn, þar
sem markmiðið er að byggja upp eitt besta samheitalyfja-
fyrirtæki í heimi. Slíkt tekur einfaldlega sinn tíma,“ segir
Svafa.
Stjórnandinn skapar fordæmið Svafa Grönfeldt er fædd í
Borgarnesi og ólst þar upp til sextán ára aldurs. Þá fór hún
til náms við Fjölbrautaskólann í Breiðholti og innritaðist á
listabraut. „Ég ætlaði alltaf að verða listamaður en svona eftir
á að hyggja hefði mig skort hugrekki til að takast á við það,“
segir Svafa og hlær.
„Engu að síður leið mér ofsalega vel í listnáminu, það var
einstakt frelsi sem fólst í því að vera hippi í lopapeysu. Þegar
leið á námið fóru samt að renna á mig tvær grímur og þegar
faðir minn lést fór ég að hugsa hlutina upp á nýtt. Fannst
ég þurfa að taka meiri ábyrgð á framtíðinni. Því færði ég
mig yfir á almenna bóknámsbraut með það fyrir augum að
fara í háskólanám. Þessi þrá blundar samt alltaf í mér. Það
var án efa mun meira gefandi að vera á listabraut, en ég hef
reynt að halda í listaspíruna í mér og nýta hana við kennslu í
Háskóla Íslands og stjórnunarstörfum sem ég hef gengt. Skap-
andi hugsun er forsenda þess að finna óhefðbundnar lausnir
á flóknum viðfangsefnum, fyrir utan hvað þær eru miklu
skemmtilegri en hinar hefðbundnu.“
Heilindi voru fordæmi Eftir stúdentspróf fór Svafa að vinna
hjá Frjálsri fjölmiðlun, sem á þeim tíma gaf út DV tímarit og
ýmsar kiljubækur. Hún starfaði fyrsta kastið á auglýsinga-
deild en varð seinna markaðsstjóri. Árin á DV, sem urðu tíu,
segir hún hafa verið góðan og lærdómsríkan tíma sem hafi
mótað viðhorf sín mikið.
„Að öðrum ólöstuðum lærði ég mest af Páli Stefánssyni
auglýsingastjóra. Hann var ástríðufullur maður sem sinnti
sérhverju viðfangsefni sínu af heilu hjarta. Af Páli lærði ég að
stjórnun snýst ekki um fínheit, heldur vinnu og aftur vinnu.
Maður gerir það sem þarf. Stjórnandinn er í þjónustuhlut-
verki; því að skapa fordæmi svo fjöldinn fái einhverju áorkað.
Ég lærði líka mikið af Herði Einarssyni sem var einn eigenda
blaðsins á þeim tíma. Andlegt jafnvægi, styrkur og heilindi
voru fordæmin sem Hörður gaf og fyrir vikið uppskar hann
virðingu og traust þeirra sem með honum störfuðu.“
Greina kjarnann frá hisminu Fljótlega eftir að Svafa hóf
störf hjá Frjálsri fjölmiðlun innritaði hún sig til náms í stjórn-
málafræðum við Háskóla Íslands. Líflegar umræður um þjóð-
félagsmál í vinnunni heilluðu Svöfu og því lá nokkuð beint
við að velja stjórnmálafræði. Hún segir námið hafa verið
skemmtilegt og kennararnir séu eftirminnilegir. Nefnir þar
meðal annarra Ólaf Ragnar Grímsson og Hannes Hólmstein
Gissurarson. Árið 1993 venti Svafa svo sínu kvæði í kross og
fór til framhaldsnáms við Florida Institute of Technology í
Bandaríkjunum og lagði þar áherslu á starfsmanna- og boð-
og starfsfólkið fær gjöf
að eigin ósk.
Gjafakort Kringlunnar
EINA ÓSK í jólagjöf!