Frjáls verslun - 01.09.2005, Page 28

28 F R J Á L S V E R S L U N • 9 . T B L . 2 0 0 5
Frjáls verslun fékk sérstaka fjölmiðla-viðurkenningu Jafnréttisráðs við hátíð-lega athöfn á Hótel Sögu fimmtudaginn
27. október sl. Háskóli Íslands hlaut hins
vegar aðalverðlaunin, þ.e. Jafnréttisviður-
kenningu Jafnréttisráðs fyrir árið 2005. Að
sögn Fannýjar Gunnarsdóttur, formanns
Jafnréttisráðs, vó þar þyngst að kona var á
árinu í fyrsta skipti kjörin rektor skólans,
þegar Kristín Ingólfsdóttir, prófessor í lyfja-
fræði, varð rektor sl. vor. Frjáls verslun
óskar Kristínu og starfsmönnum háskólans
til hamingju.
Fjölmiðlaviðurkenningin er mikill
heiður fyrir Frjálsa verslun og þökkum við
öll, sem stöndum að blaðinu, fyrir okkur.
Fjölmiðlaviðurkenningin er ekki veitt á
hverju ári heldur eingöngu þegar tilefni þykir
til. Þau voru síðast veitt árið 2002. Það er
ánægjulegt hvað viðurkenningin hefur vakið
mikla athygli og hafa fjölmargir velunnarar
blaðsins samglaðst okkur og fært okkur árn-
aðaróskir.
Frjáls verslun var í upphafi sumars,
sem og í fyrra, með sérstakt blað helgað
konum í stjórnunarstörfum. Þar var ítar-
leg úttekt á þeim konum sem sitja í stjórnum
150 stærstu fyrirtækja á Íslandi, auk þess
sem blaðið valdi 70 áhrifamestu konurnar
í atvinnulífinu. Þá birti blaðið lista yfir allar
þær konur sem gegna starfi forstjóra í 300
stærstu fyrirtækjum landsins, auk fjölmargra
annarra greina um konur, áhrif þeirra, tæki-
færi og störf í viðskiptalífinu.
Frjáls verslun fékk fjölmiðla-
viðurkenningu Jafnréttisráðs
við hátíðlega athöfn á Hótel
Sögu. Aðalverðlaun Jafn-
réttisráðs féllu hins vegar
í skaut Háskóla Íslands,
en kona var á árinu í fyrsta
skipti kjörin rektor skólans.
Jón G. Hauksson, ritstjóri Frjálsrar verslunar, og Kristín Ingólfsdóttir, rektor Háskóla Íslands, með viðurkenningar Jafnréttisráðs.
TEXTI: JÓN G. HAUKSSON
MYNDIR: GEIR ÓLAFSSON
FRJÁLS VERSLUN
FÆR VIÐURKENNINGU JAFNRÉTTISRÁÐS